💫
NAMOZ💫
1. Odamlarning Xoliq bilan aloqasi eng yaxshi bo‘lgani xalq bilan aloqasi eng yaxshi bo‘lganidir.
إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنكَرِ
"Albatta namoz buzuqlik va yomonlikdan to‘sur". (Ankabut: 45)
2. Namoz toat-ibodatlarning onasi, mast qiluvchi ichimlik esa gunoh-ma’siyatlarning onasidir. Alloh taolo namoz haqida:
إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنكَرِ
"Albatta namoz buzuqlik va yomonlikdan to‘sur", (Ankabut: 45), dedi. Mast qiluvchi ichimlik haqida esa:
إِنَّمَا يُرِيدُ الشَّيْطَانُ أَن يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَن ذِكْرِ اللَّهِ وَعَنِ الصَّلَاةِ
"Ichkilik, qimor sababli shayton o‘rtalaringizga bug‘zu adovat solishni hamda sizlarni Allohni zikr qilishdan va namoz o‘qishdan to‘sishni istaydi, xolos!" (Moida: 91), dedi.
3. Namozi ko‘proq bo‘lgan odam shahvatini qattiqroq jilovlaydigan odamdir. Zero, shahvat namozlar zoye qilingandagina g‘olib keladi.
۞ فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ
"So‘ng ularning ortidan namozni zoye qiladigan va shahvatlarga beriladigan kimsalar o‘rinbosar bo‘ldilar". (Maryam: 59)
4. Namoz va Allohning zikri odamlarning gaplaridan yurak siqilib, g‘amga botgan paytda dilga kenglik va rohat bag‘ishlaydi.
وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ فَسَبِّحْ بِحَمْدِ رَبِّكَ وَكُن مِّنَ السَّاجِدِين
"Shak-shubhasiz, Biz ular (sizni masxara qilib) aytayotgan so‘zlardan dilingiz siqilishini bilurmiz. Bas, siz Parvardigoringizga hamd aytish bilan (U zotni «sherik»lardan) poklang va sajda qiluvchilardan bo‘ling (shunda Alloh dilingizdagi g‘am-alamni ketkazur!)". (Hijr: 97-98)
5. Namozni o‘z vaqtida ado qilish insonni dinda sobit-mustahkam bo‘lishi hamda odamlarning gap-so‘zlari va ozor-aziyatlariga nisbatan sabr-toqatli bo‘lishida yordam beradigan eng ulug‘ omillardandir.
فَاصْبِرْ عَلَىٰ مَا يَقُولُونَ وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا
"Bas (ey Muhammad), ular aytayotgan so‘zlarga sabr-toqat qiling va quyosh chiqishidan ilgari va botishidan avval Parvardigoringizga hamdu sano aytish bilan U zotni poklang – namoz o‘qing!". (Toha: 130)
6. Namoz kishini sabrga o‘rgatadi. Ushbu ikkisi (namoz va sabr) bilan nusrat-g‘alaba amalga oshadi.
اسْتَعِينُوا بِالصَّبْرِ وَالصَّلَاةِ ۚ
"Sabr qilish va namoz o‘qish bilan (Mendan) madad so‘ranglar!" (Baqara: 153)
وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا
"Ahli-ummatingizni namoz o‘qishga buyuring va o‘zingiz ham (namozni ado qilishda) sabrli bo‘ling!" (Toha: 132)
7. Namozni o‘z vaqtida ado qilish va ahli oilani namoz o‘qishga buyurish rizq va madad kelishi sabablaridandir.
وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ لَا نَسْأَلُكَ رِزْقًا ۖ نَّحْنُ نَرْزُقُكَ ۗ وَالْعَاقِبَةُ لِلتَّقْوَىٰ
"Ahli-ummatingizni namoz o‘qishga buyuring va o‘zingiz ham (namozni ado qilishda) sabrli bo‘ling! Biz sizdan rizq so‘ramaymiz, (bil’aks) O‘zimiz sizga rizq berurmiz. Oqibat-jannat ahli taqvonikidir". (Toha: 132)
©Shayx Abdulaziz Tarifiy
👇Кўк линкни босиб каналимизга обуна бўлинг⤵️
https://t.me/joinchat/TILwnv_3jHkiUIEhhttps://t.me/joinchat/TILwnv_3jHkiUIEh
