Muzrabot tumani hokimligi Axborot xizmati

Prezidentimiz tashabbusi va bevosita topshiriqlari bilan yurtimizda "Kambag‘allikdan farovonlik sari" dasturi amalga oshirilayotgan bo‘lib, Surxondaryo viloyatida tizimli ishlar olib borilmoqda.

Bugun mazkur amaliy ishlarning davomi sifatida Sherobod, Muzrabot va Angor tumanlarida istiqomat qiluvchi ijtimoiy himoyaga muhtoj, nogironligi bo‘lgan oilalarning 30 tasiga Sherobod tumanida qurilgan 2 sotixli yangi uy-joylar kalitlari tantanali topshirildi. Shuningdek, hududda yangi tashkil etilgan mahalla markazi, savdo va xizmat ko‘rsatish nuqtalari, kitob do‘koni, tibbiyot maskani, jami 21 ta, umumiy hajmi 40 tonna bo‘lgan intensiv baliqxona, bundan tashqari 3 ta 50 tonnalik ko‘l foydalanishga topshirildi. Ushbu loyihalarning barchasida ijtimoiy himoyaga muhtoj oilalarning ishsiz a’zolari bandligi ta’minlanadi.

Tadbirda Surxondaryo viloyati hokimi Ulug‘bek Qosimov ishtirok etib, barchani Yangi yil bayrami bilan qutladi hamda Prezidentimizning tashabbuslari bilan amalga oshirilayotgan xalqchil islohotlar natijasida bugun 30 ta oila o‘z uy-joylariga ega bo‘lishayotganligini ta’kidladi. Mazkur xonadonlar viloyat Ichki ishlar boshqarmasi homiyligida barpo etilganligi qayd etildi. Shuningdek, "Yagona ijtimoiy reestr"dagi oilalarning farzandlariga Yangi yil bayrami sovg‘alari topshirildi.

Shuningdek, tadbirda so‘z olgan nuroniylar Prezidentimizning bag‘rikenglik siyosati hamda xalqimizga g‘amxo‘rligi sabab oilalar kambag‘allikdan chiqib, farovon turmush tarziga o‘tayotganligi uchun davlatdan minnatdor ekanliklarini ta’kidlashdi.

Surxondaryo.uz | Telegram | Facebook | Instagram | YouTube | X

Arzonlashtirilgan bayram yarmarkasi xalq xizmatida

Har yili yangi yil bayrami arafasida oziq-ovqat yarmarkalarini tashkil etish yaxshi an’anaga aylangan.

Yangi yil bayrami arafasida aholiga yanada qulaylik yaratish maqsadida Muzrabot tumani hokimligi hamda Bosh prokuratura huzuridagi Iqtisodiy jinoyatlarga qarshi kurashish departamentining tuman bo‘limi tomonidan tuman Muzrabot Dehqon bozorida tashkil etilgan arzonlashtirilgan bayram yarmarkasi xalq xizmatida.

Ushbu yarmarkada aholi uchun zarur bo‘lgan oziq-ovqat mahsulotlari xususan, meva-sabzavot, poliz, dukkakli, guruch, go‘sht va sut mahsulotlari, tuxum, o‘simlik yog‘i savdosi tashkil etilgan.

✍️Музработ тумани ҳокимлиги
Ахборот хизмати

Каналга уланиш⬇️

t.me/muzrabot_tuman

Facebook Telegram Instagram  YouTube  Web-site