Yo'ldalik...

Jazolab boʻlmaydi haqiqatni, shoh.

Ha, shunday haqiqatlar borki, maʼlum vaqt usti yopiq boʻlar, jim turar, paytini kutar. Ammo u chindan haqiqat boʻlsa, jazolarni yorib chiqadi...

"Shoh Edip" tragediyasi insonni charx gʻavgʻolariga jim termultirib qoʻyadi. Bunda "Dod" deyishga kuch topish ham qiyin. Avval tragediyani oʻqib, soʻngra spektaklni koʻrsa, yana ham tushunarli boʻlishi mumkin. Chunki, spektaklda eng ziddiyatli vaziyatdan soʻz boshlanadi.

Masalalar yechimi tomon bir-bir qadam qoʻyib boriladi. Bu esa tomoshabinni biroz shoshirishi mumkin. Shu uchun ham ulugʻvor tragediyadir?!

Ayniqsa, Shukur Burhonov sehrlab qoʻyadi. Ana dardni tuyish! Bular haqiqatda Edipni tushuna olgan shaxslar boʻlishsa kerak.

Shu oʻrinda asardan:

Pok qalbni bilmoqqa vaqt kerak ekan,
Ablahni bilmoqqa bir kun kifoya.

Bagʻri butun bormi olamda?
"Toleim bor" deya ulgurmay
Toleidan mahrum bandasi

@mushohadaa

#nazm

***

Kahkashon sayrida yulduz-la yurgan,
Shafaq toqlarida javohir tergan.
Oyning oʻtogʻida sevgini koʻrgan,
Shoʻrligim dilimdir,
Bechora dilim.

Muzdaryo tubida toʻfondan bezgan.
Bigizday maysali choʻllarda kezgan,
Juvoldiz ostidan sirgʻanib yuzgan,
Shoʻrligim dilimdir,
Bechora dilim.

Adoqsiz gʻorlardan adoqsiz oʻtgan,
Bilgisiz kitobning changini yutgan,
Hurlar shodlanganda gulobdan totgan,
Shoʻrligim dilimdir,
Bechora dilim.

Behush oyogʻimga buyurmang yur deb,
Holsiz barmogʻimga aytmangiz koʻr deb,
Titragan tanamdan kulmangiz gʻoʻr deb.
Ularda gunoh yoʻq,
Gunohkor dilim.
Bechora dilimdir,
Shoʻrligim dilim.

© Abduvali Qutbiddin

@mushohadaa

"Robbing osmonlar-u yerdagi kimsalarni yaxshi biluvchidir"

Isro surasi, 55-oyat

Holimizni bayon etishga hojat yoʻq, eng yaxshi bilguvchimiz bor.

Imom Ahmad ibn Hanbal oʻlim toʻshagida ingrab yotganlarida, Tovus roziyallohu anhudan "Farishta har bir narsani, hatto ingrashni ham yozadi", degan rivoyatni eshitibdilar-u, darhol ingrashni tark etib, shu bilan to jon taslim qilgunlaricha, ingramagan ekanlar.

Dard kelsa, buni oʻqish kerak ekan... Biz naqadar ojizmiz...

Paygʻambarimiz sollallohu alayhi vasallam: "Bas, barchangiz masʼuldirsiz va barchangiz oʻz masʼuliyatingizdan soʻralursiz", deganlar.

Agar hammamiz oʻz masʼuliyatimizni anglaganimizda esa butun ummat holi qandayin baland boʻlishini xayol qilasan kishi...

Abu Hurayra roziyallohu anhudan rivoyat qilinadi:
"Nabiy sollallohu alayhi vasallam: "Kim ilm talab qilish yoʻliga tushsa, Alloh unga jannatning yoʻlini yengillashtiradi", dedilar.

Muslim, Abu Dovud va Termiziy rivoyat qilishgan.

Naqadar ajoyibotlar taqdim qilingan. Oʻrganish, anglash naqadar totli, naqadar lazzatli. Uning darajoti esa hayratli... Oʻzing bizni manfaatli ilmlarda sobit qilib qoʻygin, Allohim.

Kitob boshdan oxir eng nozik, eng daqiq haqiqatlarga burkangan. Faqat anglash va amal qilish lozim...

Takror oʻqib, avval uqmagan ekanman-da, deydi-ya kishi...

❗️Diqqat, diqqat

Aprelda boʻladigan ona tilidan milliy sertifikat imtihoniga ham oz fursat qoldi. 2 oyda hech narsaga ulgurmayman deyapsizmi, bizda buning zoʻr yechimi bor 🤩

📌 20-fevraldan 20-aprelgacha tezlashtirilgan grammatika, adabiyot, esse, diagnostik test va tahlilini bir joyda jamlagan, haftada 6 kun boʻladigan kursga qabul ochilmoqda...

🎬 Har bir dars videochat orqali olib boriladi va yozib olinib yopiq guruhga tashlab beriladi.

Darsimiz muayyan tartibdagi tuzilgan jadval asosida olib boriladi, kursga qatnashish istagida boʻlganlarga dars jadvali yuboriladi

📍Kurs online shaklda olib boriladi va toʻlov oldindan

Darslar:
🗓 haftada 6 kun
⏰ soat 20:00 - 21:30 gacha
💰 oylik toʻlov: 100 ming.

Kursni yuzlab shogirdlar ustozi, ekspert A sertifikat egasi, magistr Sabina Berdiyeva olib boradi, ulgurib qoling qabul ertaga yopiladi!

Kursga yozilish uchun : @filolog_Sabina

Kanal linki: @milliy_sertifikat_onatilidan

#tavsiya

#tuyma

Yiqilmagin oniy larzadan
samolarga talpingan odam.

© Shavkat Rahmon

@mushohadaa

#oʻylar

"Tazkirat ul-avliyo"da Uvays Qaraniy hollari haqida shunday deyilgan: "Alar shunchaki zohirda bir-birlarini koʻrmadilar, ammo botindan fayz futuh topdilar"
Yoqib tashladi-ku...

Ey qalb, alar kimsalardan qoʻlni tortdi...

... Chuvalashib ketgan oʻylar ichida teatrdan chiqdik. "Oʻzbek milliy akademik drama teatri"da "Romea va Julyetta" qoʻyildi. Ha, Shekspirning "Romea va Julyetta"si... Biz ham Shekspir asarlarini, tragediyalarni koʻrarmikanmiz deb yurgandik...

Rejissor Olimjon Salimov. Juda hurmatim va mehrim baland. Sahna asarlariga borini berib, asosiysi aktyorlarga mohiyatni singdira olganlari koʻrinib turadi. Hayajonlisi, spektakl boshlanishidan oldin "Bu asar biz oʻylagan, shunchaki sevgi haqida emas. Alloh bizga eng buyuk hissiyot beradi. Ana shu hissiyotni kuylaydigan asar" deya soʻzladilar. Yakunda esa chiqib avval tomoshabinlarga, soʻngra aktyorlarga taʼzim qilib, hurmat koʻrsatdilar. Oʻrnak kichik narsalarga munosabatimizdan boshlanadi...

... "Bor ekan-ku-aaa, shundayin aktyorlar! Bor ekan-kuu, shu qadar his qilib taqdim etish... Sahna asari emas, hayot-mamot, balki undan ham ulkanroq vaziyat hal boʻlayotganini anglab turish...

Ikki oilaning nizosi. Faqat ikki oilagina emas, ikki xil qarashlarning toʻqnashuvi. Shekspirni oʻylantirgan davr fojeasi shu joyda koʻrinadi... Yovlashish, nafrat naqadar tubanligi sahna boʻyi koʻrinib turdi.

Qilichlarning har bir "shaq-shaq" etgan tovushida inson atalmish koinotga tenglashtirilgan yaratiqning taqdiri jangga kirdi. Naqadar mahoratli ijro. Qilichni xato ishlatib yuborishmasa edi, deb koʻzlarimni yumib olaman...

... Ohh, Julyetta. Seni ayblash naqadar oson. Sen hamma-hammasini xato qilayotgandek koʻrinaverasan-kuu... Sening qalbingga kirib bormasak, senga ayb taqash bizning vazifamiz boʻlib qolaveradi... Axir boshqalarni aybdor qilish, yoki ayb axtarish rolini biz qoyilmaqom ijro qilamiz-ku...

Xullas, oʻrindan turib, anchaagina vaqt chalingan qarsaklarga, yurak tovushlariga teng qarsaklarga arziydigan asar va ijro! Rahmat barchasi uchun!

@mushohadaa

#hayrat

Narsalarning choʻzilishi va kengayishi

Alloh taolo Zoriyot surasida shunday marhamat qiladi:

"Va osmonni kuch-qudrat ila bino qildik. Albatta, Biz uni Kengaytiruvchimiz" (47-oyat).

Ushbu oyat borliqning chegarasi yoʻqligiga, ayni chogʻda borliqdagi kengayish qonuniga ham dalil boʻladi. Eynshteynning aytishicha: "Borliq milliardlab quyosh tizimi kabi tizimlardan iborat. Har bir tizimda esa yuz minglab yulduz va sayyoralar bor". Kengayish qonuniga kelsak, munajjimlar zarrabin(teleskop)da koʻrinayotgan osmon jismlari tartibli ravishda quyosh tizimimizdan uzoqlashib borayotganini aniqlashgan. Demak, borliq tinch turgani yoʻq, balki bamisoli sovun pufakchalari kabi kengayib bormoqda, lekin undagi jismlarning hajmi oʻzgarmay turibdi.
Bundan 15 asr muqaddam Qurʼon aytib oʻtgan bu haqiqatni inson faqat XX asrda tushunish imkoniyatiga ega boʻldi.

✍ Shayx Muhammad Sodiq Muhammad Yusuf, "Iymon", 243-bet

@mushohadaa

#kechinma

Negadir kuz ruhiyati... Xuddi atrof sariq xazonlarga qoplanib, men hazin daraxtlar qoʻynida yurgandekman...

Nega jimsiz, nega jimgina yaproqlaringizni tuproqqa beryapmiz... Taslimiyatingiz oldida taslimman...

Hislar qanday yaratiq ekanligi haqida oʻylayman... Cheksiz... Judayam cheksiz... Naqadar Buyuklik! Ooo-ooo, bu Ulugʻlik qarshisida faqat hislarimiz koʻtarila olmoqda... Ular izlayapti, tentirayapti...

@mushohadaa

#noma

Mening mitti doʻstim, sen har gal ilon bilan soʻzlashib boshlagan vaqtingdan men titrashni boshlayman. Boʻgʻzimga nimadur tiqiladi. Xuddi dunyo sofligini koʻkka koʻtarib yuborayotgandek... Biz esa hamma narsani "shlyapa" deya qolib ketayotgandek... Qachon "shlyapa"dan balandlaymiz? Bilmadim.

Men Afrikaga borishni oʻylayman. Seni uchratishni ham. Ammo sezamanki, sen shu yerda ham mavjudsan. Faqat hamma vaqt emas. Chunki, bu qalb hamma vaqt ham sof emas-da... U haqiqiy ishqqa tashna boʻlgandagina sen bilan soʻzlasha olar...

Axir nega choʻlda paydo boʻlding? Odamlar bilan limmo-lim shuncha manzillar bor edi-ku. Seni esa sahroga yoʻlladi. Sahro insonning "yolgʻizlik", "sinovlar bilan anglash" va "qalban tozarish" makoni... Va nihoyat bir quduqqa yetildi...

Aytgancha, sen savolingga javob olmaguningcha takror-takror soʻrashing ajib-da! Axir qasd qilingan narsaga yetish uchun yoki anglash uchun ham jasorat kerak-ku. Shu uchun mitti, ammo ulkan jasoratli va nurli taftingni his qilaman.

... Omon qolgan qahramon "Kichkina shahzoda" sogʻinchi bilan, uning tabassumini eslash va yulduzlarga boqish bilan oʻzini ovutardi. Lekin u baribir baxtli uchuvchi ekan...

@mushohadaa

#hayrat

"Umrin ablah kechurub..."

Umrin ablah kechurub gʻaflat ila,
Nukta oʻrnigʻaki tortar xarros.
Bir eshakdurki, tagʻofil yuzidin
Qilgay izhor payopay arros.

Nodon va gumroh kimsalarga yuzma-yuz kelinganda koʻpincha "ablah" degan soʻz ishlatiladi. Lekin nega ular bunday, buning tub sababi nimada ekanligini uncha mushohada qilavermaymiz. Insonning ong va bilimi naqadar yuksalsa, hayvonlik xususiyatlaridan u oʻshancha uzoqlashadi. Ong va idrok tubanligi esa uni hayvonga yaqinlashtiradi. Anglamaslik — yomon. Tushunmaslik — kulfat. Nafs-u hirs qafasida yashash— musibat.

Qitʼa shular toʻgʻrisida ham fikr qoʻzgʻaydi. Va siz beixtiyor oʻzingizcha ablahlikning oʻq ildizini ochganday boʻlasiz. Ablahlik — umrni gʻaflatda oʻtkazish ekan. Gʻofil bandalarning hammasi ablahlardir. Gʻofillik ularni eshakka yaqinlashtiradi. Gʻofil umr mohiyatini tushunmaydi, maʼnili fikr oʻrniga "xarros" tortadi. Mana shu "eshak"lar Vatanning shoʻri. Xalq qadri va gʻururi ana shu gumrohlar tufayli yerga qorishadi. Bunday gʻofillik Qurʼoni Karimda ham qoralangan.

© Ibrohim Haqqul "Kasbi kamol oʻzni tanishdir" kitobidan, Alisher Navoiy hazratlari qitʼasiga sharh

@mushohadaa