Agar biror narsa o‘z-o‘zidan yaxshi ishlayotgan bo‘lsa, “uni o‘zgartirish shart emas” degan fikr ko‘pincha biznes olamida uchraydi. Masalan, bitta tovar — aytaylik, ruchka — bozorida o‘z o‘rniga ega bo‘lsa, uni mutlaqo o‘zgartirib tashlash shart emas. Buning o‘rniga, o‘sha ruchkaning yangi turini yaratib, boshqa funksiyalar yoki boshqa maqsadli auditoriyaga (target) moslashtirishingiz mumkin. Natijada asosiy tovar zarar ko‘rmaydi, lekin siz yangi bozor segmentida o‘sish yaratasiz.
Misol uchun, Volkswagen kompaniyasi Audi avtomobillarini ishlab chiqaradi. Bu ikki brend har xil target (mijozlar) uchun mo‘ljallangan, shu bois VW guruhida bir nechta turli segmentlarga mo‘ljallangan avtomobillar bo‘ladi.
Odamlar haqida gapirsak, “o‘zgarishda hayr bor” deyishadi. Ya’ni, agar bir ishni yoki odatni boshlagan bo‘lsangiz va uni davom ettirmoqchi bo‘lsangiz, ba’zida motivatsiya susayishi yoki zerikish paydo bo‘lishi mumkin. Bunday paytda o‘sha ishni butunlay tashlab qo‘ymasdan, uni ozroq o‘zgartirib ko‘rish kerak.
Misol: har kuni ertalab yugurishga chiqasiz, lekin zerikib qoldingiz. Unda vaqtinchalik kechki payt yugurib ko‘ring yoki marshrutni almashtiring — ammo odatni butunlay tark etmang. Yoki har kuni yarim soat kitob o‘qish odatingiz bo‘lsa-yu, zerikib qolsangiz, vaqtincha 10 daqiqalab o‘qishga o‘ting. Muhimi, umuman voz kechmaslik. Mana shu “o‘zgarishda hayr bor” iborasining hayotiy foydasi ham shunda ko‘rinadi.
