MULTILEVEL B2/C1

MUNOSABAT


Chet tilini bilish darajasini aniqlash bo‘yicha may-iyun oylarida o‘tkazilgan milliy sertifikat imtihonlarning gapirish ko‘nikmasini baholash sinovlari 12-iyun kuni yakunlandi. Talabgorlarning natijalari Qurbon hayiti munosabati bilan qo‘shimcha dam olish kunlari belgilanganligi sababli 20-21-iyun kunlari e’lon qilinishi bo‘yicha Agentlikning rasmiy telegram kanalida ma’lumot berilgan (https://t.me/BaholashUz/6668).

Agentlik tomonidan natijalar 20-iyun kunning ikkinchi yarmida my.gov.uz saytiga yuklangan. Ammo my.gov.uz saytida yuzaga kelgan texnik uzilishlar sababli talabgorlarning natijalarini yuklash jarayoni 21-iyun kunning ikkinchi yarmida to‘liq yakunlandi.

Shuningdek, bildirilayotgan e’tirozlarda abituriyentlar chet tilidan imtihon natijalari chiqmayotganligi sababli oliy va professional ta’lim muassasalariga kirish test sinovlarida ishtirok etish uchun ro‘yxatdan o‘ta olmayotganligini bildirishgan.

Ma’lumki, Agentlik tomonidan taqdim etiladigan sertifikatlarning ma’lumotlari abituriyentlarning shaxsiy kabinetida to‘g‘ridan to‘g‘ri aks etadi. Shu boisdan abituriyentlarning ro‘yxatdan o‘tishi chet tili imtihonlarining natijalari bilan bog‘liq emas.

Shuningdek, ro‘yxatdan o‘tgan abituriyentlarning sertifikat ma’lumotlari 20-iyun kuni my.uzbmb.uz saytidagi shaxsiy kabinetiga to‘g‘ridan to‘g‘ri yuklangan.



✔️ Agentlikning rasmiy sahifalari:
Telegram | Facebook | Instagram | YouTube

⚡️ Chet tili imtihoni natijalari e’lon qilindi

✅ 2024-yil 11-maydan 12-iyunga qadar bo‘lib o‘tgan chet tilini bilish darajasini aniqlash test sinovi natijalari e’lon qilindi.

👨🏻‍💻 Test natijalari my.gov.uz saytida e’lon qilingan bo‘lib, talabgorlar “Mening arizalarim” bo‘limidan o‘z natijalari bilan tanishishlari mumkin.

📱 Test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

❗️O‘z natijasidan norozi bo‘lgan talabgorlar test natijalari e’lon qilingan kundan boshlab 3 kun ichida my.gov.uz sayti orqali apellatsiya shikoyati berishlari mumkin.

‼️ Abituriyentlarga eslatma: chet tilidan tegishli daraja (B2 va undan yuqori daraja)dagi millliy sertifikatga ega bo‘lgan abituriyentlardan oliy va professional ta'lim muassasalariga kirish test sinovlarida ishtirok etish uchun my.uzbmb.uz saytida ro‘yxatdan o‘tishda sertifikatni yuklash talab etilmaydi. Sertikat haqidagi ma'lumotlar tizimda to‘g‘ridan to‘g‘ri aks etadi!

✔️ Agentlikning rasmiy sahifalari:
Telegram | Facebook | Instagram | YouTube