Yoshlarga oid davlat siyosatini izchil va samarali amalga oshirish, yoshlarni har tomonlama qo‘llab-quvvatlash, huquq va qonuniy manfaatlarini himoya qilish tizimini tubdan isloh etish maqsadida “Muborak gazni qayta ishlash zavodi”da “Rahbar va yoshlar” uchrashuvlari tez-tez o‘tkazilib kelinmoqda. Joriy yilning 20-fevral kuni Muborak GQIZ Bosh Muhandisi G‘ayrat Qurbonovich Xo‘jaqulov va sohadagi yosh mutaxassislar ishtirokida uchrashuv tashkil qilindi. Samimiy, ochiq muloqot tarzida o‘tkazilgan uchrashuvda soha yoshlarning takliflari, ishga yangicha munosabatni shakllantirish borasidagi mulohazalari tinglandi. Uchrashuv davomida nafaqat kasbiy malakani oshirish, balki qo‘shimcha xizmatlarni tashkil etish, Ayti sohasin yanada takomillashtirish va yoshlar orasida sog‘lom turmush tarzini targ‘ib qilish maqsadida  sport musobaqalariga jalb etish masalalari ham ko‘rib chiqildi.
Muloqotda so‘zga chiqqanlar mazkur reja va tashabbuslar yoshlar uchun yanada keng imkoniyatlar yaratishi, ularning orzu-intilishlariga rag‘batlantiruvchi kuch bo‘lishini ta’kidlashdi. Zavodimiz Bosh muhandisi  yoshlarning takliflarini ma’qullab, ularni har doim qo‘llab-quvvatlashga tayyor ekanini bildirdi.

👉https://t.me/muborakGQIZ