Agar qizlar turmush qurgandan soʻng qanchalik band boʻlishlarini bilishganida edi, oila hayotidan avval ularga berilgan har bir imkoniyatda foydalanib olishar va vaqtlarini Allohning dinini oʻrganishga bagʻishlagan boʻlishar edi.

Turmushdan keyin oila ilm talabidan ustunroq boʻladi, uy, turmush oʻrtoq va farzandlar darslardan va darsga qatnashishdan muhimroq boʻlishni boshlaydi. Shu sababdan ham boʻsh vaqtingizdan unumli foydalaning.
Hozirgi holatingizda iloji boricha koʻproq ilm olishga harakat qiling.

Vaqtingiz, sogʻligʻingiz va kuchingiz borligida Qur’on yodlashni, shariatni, siyratni va ayollar fiqhini oʻrganing.

Bir kuni farzandingiz sizga:”Alloh qayerda?”- desa, siz unga toʻgʻri va toʻliq javob bera olasizmi?

Farzandlaringiz bilan oʻtgan charchoqli kundan soʻng, ularni qornini toʻygʻazib, uxlashga yotqizib, uyni tartiblab boʻlgandan keyin oʻz Mus’hafingizni ochib unga oʻttiz daqiqa bagʻishlay olasizmi?
Kuchingiz yetadimi?

Shuning uchun hozirgi vaqtimizni seriallar, ijtimoiy tarmoq va keraksiz suhbatlarga sarflamasdan, vaqtida ilm oling.

@favaniyaa