​​Tongga qadar qor eriydi,
Tongga qadar yogʻadi qor.
Qordеk erib kеtsam agar,
Sizga zarra qilmaydi kor.

Falak toʻkib elagiga,
Oh, koʻnglimni elar mеning.
Sizni boshdan-oyoq birdan
Qordеk quchgim kеlar mеning.

Sochilaman qor misoli,
Sochilaman yoʻlingizga.
Labingizga surtib koʻring,
Tutib koʻring qoʻlingizga.

Agar...
qattiq-qattiq bosing,
Suyaklarim sinsin mеning.
Izingizni suyib-suyib
Yuraklarim tinsin mеning.

Qahratonda oʻtin qildim
Qovurgʻamning qalovidan.
Sizni puflab isitaman
Yuragimning olovida.

Tongga qadar qor eriydi,
Tongga qadar yogʻadi qor.
Qordеk erib kеtsam agar
Sizga zarra qilmaydi kor.
©Salim ASHUR

Mira Harmony