Mirzobek's page

Bir oyda 13 ta post chiqaramiz

O'zi biznes egalari bilan suhbatdagi bir oyda faloncha post chiqarib beramiz degan kelishuv qanday tuzilishi kerak.

Bu kelishuv SMM strategiyadan kelib chiqadi.

Masalan, avvalgi oyda 10 ta post chiqarilgan. Bu postlar targetsiz 20 000 oxvat (reach) to'plagan va shu oxvatdan 10 ta lead kelgan.

20 000 oxvat / 10 ta lead = 2000 oxvat = 1 ta lead

20 000 oxvat / 10 ta post = 1 post = 2000 oxvat = 1 ta lead. (bunday bo'lishi qiyin, shunchaki misol sifatida yozdim, barcha ko'rsatkichlar o'rniga o'ziznikini yozib hisoblash oson bo'ladi)

Deylik, biznes egasini kutuvi 20 ta lead.

Demak yuqoridagi ko'rsatkichlarda har bitta post bitta lead olib kelgan edi. Shu sifat va uslubiyatni mutlaq saqlagan holda 20 ta post va'da qilish mumkin.

Inson baʼzan boʻshliqqa tushib qoladi. Hayotini zavq-u shavq tark etadi. Tanlagan yoʻli xatoligini anglab yetadi. Yangi yoʻllarga esa oshiqmay qoʻyadi. Ongini badbin oʻylar oʻrgimchak toʻriday qoplaydi, xuddi qalbini rutubat qoplagani kabi.

Xuddi shu davrda Rumiyning “Ichindagi ichindadur” asari yangi tahririni o’qishni xohlayapman.

Shunday davrdan o’tganlar yoki shu davrdagilar nima maslahat berasiz?

Avtobusda ketayotsam, to’g’rimda o’tirgan qiz kitob o’qiyotgan ekan. Muqovasini ko’rish uchun egilgandim, o’zi sezib kitobni ko’rsatdi. Dostoyevskiyni “Oydin tunlar"i ekan. Keyin meni qo’limda turgan kitobga ishora qilib, ko’rsatishimni so’radi. “Jinoyat va Jazo”ni ko’rib hayrat bilan qosh qoqib qo’ydi.

Keyin esa o’ng oyog’ini men tomon cho’zdi, menam javoban uzatdim. Bu sal boshqacharoq “besh tashlash” bo’ldi. Ikkimiz ham kulib yubordik. Qarasam tushadigan joyim yetib kelibman.

Xohlamaygina tushdim. Odam juda tiqilinch edi. Yurib ketgan avtobusga qarab qoldim. Keyin kimdir ortimdan yelkamga qoqib qoldi. O’girilib qarasam anavi qiz turibdiyu. Kecha shunaqa instagram reels ko’rib qoluvdim. Videoni o’zini topolmay, syujetni aytib bera qoldim.

Har bitta odamga yomon xabarni yetkazganda uni qabul qilishi beshta bosqichidan o'tadi.

Birinchisi, inkor.
Ikkinchisi, agressiya.
Uchinchisi, tortishuv
To'rtinchisi, depressiya
Beshinchisi, qabul qilish.

Yahyo Ziyoyev

Har bir xabarni yoki qarorni shu bosqichlardan tezroq o'tirish kerak. Meni qarorlarim to'rtinchi bosqichda ko'p qolib ketyapti

O'smirlik muammolari, qaysi yo'lni tanlashdagi ikkilanishlar, depressiya.

Yana yetmaganiga Instagramda bir vaqtning o'zida kulishga, bir sekunddan keyin siqilishga majbur qiladigan videolar.

Ikki story'ni birida o'zingizni tengdoshlaring bilan taqqoslashga to'g'ri keluvchi xabarlar.

Ustiga esa Chumolini hissiyotga teguvchi kontentlari.

Iloji boricha ijtimoiy tarmoqlar bilan bog'liq kasb tanlamang. Baribir bozorga mos kontentni ko'rishga va qilishga majbur bo'lasiz.

Intizom Podkastdagi Aziz Rahimovning fikrlari ilhomlantirdi.

Rostanam 3 bahoga o‘qiydiganlarni ikki xil turi bor.

3 olishni tanlov qilganlar bor. Bu yerdagi baho qiziqmas, hayotda foydasi yo‘q. Undan ko‘ra hayotda va karyerada zarur bo‘lgan ko‘nikmalar bilan band bo‘lganim ma’qul deganlar bor. Esimda bor, birinchi kursda jahon tarixidan 5 olish uchun Misr tarixidagi 32 ta sulolani davrlari bilan yodlash kerak bo‘lgan.

ikkinchi toifa esa o‘qishga talanti bo‘lmagan 3 olganlar. Ularni iste’dodi va diqqati boshqa narsada bo‘lgan. Bularda tanlov emas bu bahoni olish.

Yomon o‘qiganlardan muvaffaqiyatli shaxslar chiqadi degan stereotip birinchi toifaning hisobiga kelib chiqqan deb o‘ylayman.

Bozordagi tendensiyalarni bilib turish uchun zamonaviy kasblar bo‘yicha vakansiyalar joylanadi kanallarni doimiy ravishda kuzatib boraman.

Yaqinda ko‘pchilik kanallarda online ravishda ishlaydigan P2P mentor bo‘yicha vakansiya ko‘rib qoldim. Uch-to‘rt kun qayta aylantirishdi. Qiziqib qoldim.

P2P atamasi jismoniy shaxsning kartasidan jismoniy shaxsning kartasiga pul o‘tkazishni bildirishini chatgpt’dan bilib oldim. Keyin bu uchun alohida xodimga pul to‘lash nima uchun kerak bo‘lishi juda o‘ylantirdi. Murojaat qilib ko‘rdim.

Xullas, bu uddaburonlar turli firibgarlik yoki aldov yo‘llari bilan topilgan pullarni meni kartamga o‘tkazishmoqchi. Keyin, men ular ko‘rsatgan kripto-manzillarga, har xil kripto valyuta sifatida jo‘natib berishim kerak ekan.

Odatda, fishing‘ga uchragan odamlarni pullari to‘g‘ri kripto-manzillarga jo‘natilar edi. Ularni izini topish deyarli imkonsiz.

Bular esa barcha javobgarlikni P2P mentor’larni bo‘yniga ilishmoqchi. Lekin, puxta o‘ylashibdi. Fishingga uchragan kartani tarixi kuzatilsa shu vakansiyada ishlagan kishini nomi chiqib turaveradi. Bu xodimni hech nimadan xabari yo‘q, hech nimani isbot ham qilolmaydi.

Ehtiyot bo‘lamiz. Oson pul topish yo‘llarini izlab vaqt yo‘qotmasdan, @xodimagency kanalidan o‘zingizga mos ishni toping. Agar yosh bo‘lsangiz, bizda shogird tushib hunar o‘rganishingiz ham mumkin. Bo‘sh ish o‘rinlari bu yerda.