"MILLIY TIKLANISH" QASHQADARYO VILOYATI RASMIY SAHIFASI

#QASHQADARYO_VILOYATI

VA’DALARDAN AMALIY ISHLARGA O‘TILDI
Joriy yilgi saylovda 14-Ko‘chkak saylov okrugidan Xalq deputatlari Qarshi tuman kengashi deputatligiga saylangan Komila Jo‘rayeva o‘z saylovoldi dasturida hududdagi ijtimoiy soha ob’yektlari, zarur kommunikatsiya tarmoqlari bilan bog‘liq bir qator muammolarni tizimli hal etish choralarini ko‘rish bo‘yicha bir qator tashabbuslarni ilgari surgan edi.
Hudud ahli ham tashabbuslarini saylovda bergan ovozlarni bilan qo‘llab-quvvatlashdi. Mana endi va’dalarni amaliy harakatlarda ko‘rsatadigan, saylovchilarning ishonchini oqlaydigan vaqt keldi. Shu ma’noda ishga kirishgan deputat  dastlab  saylovchilar bilan uchrashib, dastlab birinchi galda hal qilinishi lozim bo‘lgan eng asosiy muammolarni belgilab oldi.
Ma’lum bo‘lishicha, Ko‘chkak mahallasining Do‘stlik ko‘chasida yashovchi aholni ko‘p yillardan buyon elektr ta’minoti bilan bog‘liq muammolar qiynab kelayotgan ekan. Buning sababi esa hududdagi tarnasformator, simyog‘ochlar, havo kabellari nihoyatda eskirib, yaroqsiz ahvolga kelib qolgani bo‘lgan.
Demutat muammoni hal etish bo‘yicha bir qator mas’ul tashkilotlarga aniq takliflar bilan murojaat qildi, deputatlik so‘rovlari yubordi. Nihoyat muammo ijobiy yechim topdi.
Tuman hokimligi, tuman elektr ta’minoti korxonasi hamda bir qator mas’ul tashkilotlar hamkorligida Ko‘chkak mahallasining Do‘stlik ko‘chasi hududidagi transformator to‘liq yangilandi, eski simyog‘ochlar olib tashlanib, ularning o‘rniga 56 dona beton ustun o‘rnatildi, yangi havo kabellari tortildi.
Endi hududda elektr muammosi yo‘q, xonadonlarning chirog‘i charog‘on. Deputat esa allaqachon mas’ullar e’tiborini galdagi muammolarga qaratishga kirishgan.

O‘zbekiston «Milliy tiklanish» demokratik partiyasi Qashqadaryo viloyat Kengashi raisining Axborot xizmati faoliyatini muvofiqlashtirish bo‘yicha o‘rinbosari
Shaxnoza Qahhorzoda