VAZIFAM

БОлани ўспирин ёшида руҳияти жуда нозик бўлади.

Балоғат даврида болага дўстдек мулоқот қилган афзал.
Бу даврда руҳий босим, жудаям қаттиққўллик зарар беради.

ЎҒлимни урушмадим.
“Бошқа қайтарилмасин-а” деб кифояландим.

Бугун отам шу хақида бир икки бўлган воқеа айтиб бердилар.

#Маҳалламизда 16 яшар йигит отасини компютерини бузиб қўяди, бола отаси келгунча қўрқувдан эсанкираб қолади, отаси ишдан келиб ўғлини қаттиқ руҳий босим остига олади,
“Компютерни ишлаш учун қарзга олгандим, қарзни қандай қайтараман?” деб ўғлини сиқувга олади.
Бола ўзи қўрқувдан эсанкираб турганди, отаси баттар дардига дард қўшди.

ОТасини «бисотига» путур етказган айбдор йигит кечаси ўзини осади.

#14 яшар қиз синф фондига йиғилган пулни йўқотиб қўяди, синф рахбари қизни мактабда энг аълочи бўлишига қарамай йўқотган пулларини қайтаришини талаб қилади, мактаб залида қизни изза қилади, қиз қўрқувда эсанкираб пулни отасини ҳамёнидан ўғирлаб олиб чиқиб беради,
Ҳамёнида пули йўқолган ота қизини қаттиқ койиди, онаси мактабга қизини олиб чиқиб “Мана отасини пулини ўғирлади” деб мактабда ўз қизини изза қилиб, синфдошлари орасида юзига шапалоқ тушуради.

Ота она кеч кирганда уйга келганида
Ховлидаги дарахтда қизини осиқлиқ жасадини кўрди.

(Ёзиш осон бўлмади)

Ўспирин болаларни авайланг!
Руҳий босим қилманг!

©Kamoliddin Muhammad

VAZIFAM

Бир аёл ҳалифа Умар ибн Абдул Азизни уйини сўради, ҳалифанинг аёлига дардини айтмоқчи эди. Кўрсатилган уйнинг ҳовлисига кирганида томи йиқилган, эски, сувоқлари тўкилган бир уйга кўзи тушди. Ҳайрон бўлиб назар ташларкан, бу аснода ҳалифанинг аёли Фотима бинт Абдулмалик келиб қолди.
Ҳовлининг четида бир киши лой қориб, девор сувамоқда эди. Аёл, ҳалифанинг аёлига:
"Бир гап айтмоқчиман. Аммо бу одам бизга қараяпти. Бизни эшитаётганга ўхшайди", - деди.
Фотима: "У мўъминларнинг амири Умардир",- деди.
Ҳайратдан оғзи очилиб қолган аёл: "Бу ер мўъминлар амирнинг уйими? Бу ер харобаку", -деди.
Ҳалифанинг аёли шундай ибратли жавоб берди:
"Ҳалифанинг уйи харобадек бўлгани учун халқнинг уйи ободдир. Агар ҳалифанинг уйи обод бўлганида халқнинг уйи хароба бўлар эди".

(Мифтаҳус Саада, 350 с)

VAZIFAM

Endi shuni bilmak lozimdurkim, bu dunyo ishlarini Olloh taolo butunlay sababga bogʻlamishdir. U dunyo ishlari boʻlsa, Qurʼonning aytishicha, sababsiz, Xudo qudrati bilangina paydo boʻlur. Hayot olamidagi dunyo ishlari zarradan quyoshgacha barcha narsalarning boʻlishi- boʻlmasi bari sababga bogʻliqdir. Tavakkal qilish, yaʼni Ollohga topshirish ersa inson toqatidan tashqari, qoʻlidan kelmaydigan ishlardagina uni Ollohga topshirishni shariat buyurdi. Shundoqki, dehqon yerni tanlab haydaydi, butun sharoitlarini bajargan soʻnggida tuproqqa oziq koʻmadi. Ammo tuproq ichidan uni undirib chiqarish uning ishi emas. Bu toʻgʻrida tavakkal qilib turishdan boshqa chora yoʻqdir. Bizning bu soʻzimiz hammaga tushunarlik boʻlganlikdan, dunyo ishlarini musulmonlar, albatta, shunga taqqoslashlari lozimdur.
Paygʻambarlardan boshlab butun dunyoda yashaydiganlar shu qonunga buysunishga majburdirlar. Bunga misol – Uhud urushida135 shu qonun yaxshi saqlanmagan edi. Bir zumda ahvol oʻzgarib, ish moʻminlar ziyoniga aylandi. Bunga tushunmagan bir necha kishilar “Muhammadni Xudo yuborgan boʻlsa edi, biz shunday kunga qolarmidik? Oʻzining tishi sindi, yoʻldoshlaridan qancha kishilar dushmanlari qoʻlida oʻldirildi”, deb xato fikrga ketdilar. Haqiqatda esa bu ishga oʻzlari sababchi boʻlmish edilar. Xudo Qurʼonda koʻrsatgan urush qonunlarini buzib, Rasululloh buyruqlarini bajara olmagach, zafar bulardan yuz oʻgirmish edi. Bu qonun dunyo boricha davom etajakdir.

Alixontoʻra Sogʻuniy.

VAZIFAM