✳️
Savollarga javoblar1. Ikkita kitob olsam bo‘ladimi?
– Ha va yo‘q. Kutubxonamizdan birinchi marta kitob olganingizda faqat 1 ta beriladi. 5 ta kitobni olib o‘qib bo‘lganingizdan keyin bir vaqtda 2 ta olish mumkin bo‘ladi. Bu haqida
batafsil quyidagi maqoladan bilib olishingiz mumkin.
2. O‘tirib o‘qish uchun joy bormi?
– O‘tirishga joy bor, lekin uzoq vaqt o‘qishga mo‘ljallanmagan. Imkoniyat bo‘lganda kutubxonani kengaytirib o‘tirib o‘qishlarga joy qilamiz inshaalloh.
3. Kutubxona faqat shu xonami?
– Ha, hozircha faqat bitta xona🙂
4. O‘qib bo‘lgan kitoblarimni sizlarga bersam bo‘ladimi?
– Albatta bersangiz bo‘ladi. Kutubxonaga hissa qo‘shish orqali minglab insonlar siz sababli kitob o‘qishlari mumkin bo‘ladi.
(batafsil)
5. Pasport nusxasi kerakmi? Elektron ko‘rinishi bo‘ladimi?
– Ro‘yxatdan o‘tish uchun pasportning asli va nusxasi kerak bo‘ladi. Aslisiz ro‘yxatdan o‘tkazmaymiz. Nusxasini olib qolamiz.
6. Kitobni sotib olsam bo‘ladimi?
– Yo‘q.
7. Arizaga nima yozish kerak?
– Ro‘yxatdan o‘tish uchun shartnoma qilinadi. Shartnomada nima yozish kerakligi yozilgan.
8. Kitobni viloyatga olib ketish mumkinmi?
– Aslo mumkin emas. Bu kutubxonaga juda zararli. Sababi viloyatga olib ketib keyin qaytib kelmayotganlar juda ko‘p.
9. Nega kserokopiya xizmati yo‘q?
– Bilmadim. Kserokopiya qurilmasini sotib olish o‘rniga, kitob sotib olganimiz uchun bo‘lsa kerak 🙂
10. Pasport nusxasi majburiymi?
– Ha. 5-savolda batafsil aytildi.
11. Bu kitob nega yo‘q?
– Juda qiziq savol. Bunga nima deb javob berishni bilmadik 🙂
12. Nega kutubxona bepul?
– Odamlarni kitobga qiziqtirish uchun.
"Qiziqtirishdan nima naf?" - desangiz: Jamiyatni yaxshilash, rivojlantirish uchun eng kerakli narsa bu ta'lim. Najot ta'limda. Balki bitta kitob sabab bir insonni hayoti yaxshilanar. Shunga oz bo'lsa ham hissa qo'shib qolish
13. Bunday kutubxonani yuritish uchun mablag‘ni qayerdan olasizlar?
– Kutubxona ishlab turishi uchun doimiy xarajatlar mavjud. Kutubxona joyi ijarasi, xodimlar uchun oylik, soliqlar, kommunal to‘lovlar va shu kabi xarajatlar bor. Bular asosan homiylar tomonidan qoplanadi. Bizning asosiy homiy Mehr2020 xayriya tashkiloti
(batafsil).
Kitoblarni esa asosan hissalar hisobiga olamiz. Siz ham hissa qo‘shishingiz mumkin
(batafsil)
14. Bu kutubxona davlatnikimi? – Yo‘q. Biz kutubxonani 2021 - yil aprel oyida Alloh yordami bilan, oilaviy tashkil qilingan. Kutubxona tarixini ko‘rish uchun shu kanalni boshiga chiqishingiz mumkin. Kutubxonamiz nomi avval boshqacha edi. Hozirgi kunda jamoamiz
15 kishidan ko'p. Ular ham "
kimnidir hayoti o'zgarishiga sababchi bo'lib qolay" deb biz bilan birga.
***
✳️ Qo'shimcha savol-javoblar
Kutubxonaga bormasdan qanday kitob bor ekanligini qayerdan bilsa bo'ladi? –
@mkitobot boti orqali bilish mumkin
Kutubxona qayerda va ish vaqti? – batafsil kanalimizda qadalga xabarda mavjud
***
✳️ Foydali deb topgan bo‘lsangiz, yaqinlaringizga ham ulashing
@mehr_kutubxonasi