Маркс ЖУМАНИЁЗОВ

🔤🔤🔤🔤🔤🔤🔤🔤🔤

ОМОН МАТЖОН
«Нега мен?!» достонидан парча

ТУРҒУНЛИК ЙИЛЛАРИ

Дунёга синчиклаб тикилган кўзлар
Мушкул бир ҳолатни пайқашга тушди.
Қай томонга боқманг, бари — йўлсизлар,
Толелар айқашу уйқашга тушди.

Етмиш йил эл яшаб қуръон, тавротсиз,
Эрлар ночор қолди, аёл авратсиз,
Замон дурадгори, асбоб-яроқсиз,
Илма-тешик томни ямашга тушди.

Қор қора ёғмоқда, ёмғир заъфарон,
Дарёлар ўрнида оқмоқда армон,
Ҳар подшо ўзича чиқариб фармон,
Қолганлар бир-бирин булғашга тушди.

Ёқиб бўлакелдик газни, кўмирни,
Зимистон айлаймиз тез она-ерни,
Кўк ютар бундайин улкан қабрни,
Одамнинг сояси қуёшга тушди.

Ҳар ерда ҳоким ҳақ, арбоблар ғолиб,
Қонун шуларники, шуларда қолип,
Энг катта айбдор бир ёқда қолиб,
Жазони бошқалар ўташга тушди.

На майхона қолди юртда, на меҳроб,
На муқаддас қаср, на азиз китоб,
Не-не олтин бошлар кўролмай офтоб,
Надомат тунида мудрашга тушди.

Ҳайронман сен ўзбек деган миллатга,
Ерингни тўлдирдинг мараз, иллатга,
Не жавоб айларсан бундай кулфатга,
Қара, пойдеворинг нурашга тушди?

Қани элни яктан этган донолар,
Қани уй файзини тутган момолар,
Қани «Бирлаш! Тиклан!» деган нидолар,
Ғафлат оғусими ё ошга тушди?!

На шомда ишинг бор, на тонгда ёдинг,
Ароқ, уйқу бўпти бор эътиқодинг,
Жаҳон саҳнасидан ўчмоқда отинг,
Номингдан бошқалар сўзлашга тушди.

Кўкда йўқ Улуғбек очган юлдузлар,
Кўҳна Урганчингни емоқда тузлар.
Ер ости ганжларинг бегона кўзлар
Излаб, ковлаб, ташиб, гизлашга тушди.

Нечун қоралайсан сен ўз ўтмишинг,
Амир ҳам ўз кишинг, ҳон ҳам ўз кишинг,
Кўрарманми сенинг униб-ўсишинг,
Нечун парвоналар оташга тушди?

Бойқаронг қотилмиш, Темуринг хунхўр,
Мангубердинг зобит, хор, манглайи шўр,
Не хароб миллатсан, борми бирон зўр,
Устунлар тикланмай қулашга тушди?!

Жаннат Ўзбекистон, жаннатинг қани,
Шунча меҳнат қилдинг, меҳнатинг қани,
Сиғинган, суянган давлатинг қани,
Ҳар дайди ит сени талашга тушди?

Ҳеч ким ўз молига қўёлмас баҳр,
Бору йўғимизни билмайди дунё,
Ҳеч кимдан сўрамай-нетмай не юҳо
Бу юртдан қурбонлик ямлашга тушди.

Ўзинг бўлсанг эдинг ўзингга қози,
Ҳар оғир-энгилга бўлардик рози,
Етти ётлар қўйиб носоз тарози,
Оқу қорангни каж ўлчашга тушди.

Билганинг-кўрганинг пахта бўлибдир,
Ақлинг, тафаккуринг ахта бўлибдир,
Юз сариқ, жигаринг сўхта бўлибдир,
Наслинг шажараси бутрашга тушди.

Ўзин, элин, тилин нақд сотган ким у,
Бир танда уч сотқин яшагани шу,
Буни шараф билиб нечалар ёҳу,
Даврондан мукофот тилашга тушди.

Давр деворида Қодирий қони,
Шимолга қулади жануб Чўлпони,
Заҳр ичди биллур жом тутган Усмонинг,
Қонли базм соқийни сўрашга тушди.

Хўш, бугун-чи, йўқми ҳеч пок тийнат
Ўн жойга хатланар сал фаол инсон,
Ким у, ҳар сўқмоққа қўйиб юз қопқон,
Ҳар йўлни ким обдон боғлашга тушди?!

Киммиш! Ўзимизнинг булар палидлар,
Булар ўзимизнинг абдуллатифлар,
Юлдузлар таъмидан бебаҳра итлар
Ойни ялоқ билиб увлашга тушди.

Ким эмиш! Барин гоҳ сотган ўзингсан,
Бир-бирингни ғажиб ётган ўзингсан,
Ким бош тикласа тош отган ўзингсан,
Ахир, ўз бошинг ҳам шу тошга тушди.

Келди Маҳтумқули айтган бир замон,
Унутди «Яхшилик» сўзини ёмон,
Обрў талашмоқда қурт билан илон,
Филлар пашша билан савашга тушди.

Илм, бу аслида тангрининг нури,
Ҳаммага тенг аён эмасдир сири,
Кўпни олим этиб қамчининг зўри,
Шогирд устоз билан курашга тушди.

Кимнинг эри қаттол, кимнинг аёли,
Шундан бир-бирида эмас хаёли.
Ром этиб ўткинчи тулпорнинг ёли,
Кўпларнинг кўзлари ўйнашга тушди.

Азиз нимамиз бор аёлдан бошқа,
Куйиб бўлсалар-да ишда, қуёшда,
Нечун кирмакдалар яна оташга,
Қандай шармандалик бу бошга тушди?!

Тортилиш кучидан собитдир олам,
Қуёш теграсида сайёралар жам,
Аслида меҳрдан яралган одам
Бурч юкидан бўйин товлашга тушди.

Инсон бир туғилар, қайта туғилмас,
Азал бунёдкори қайта уринмас,
Асли рост нарсалар қайта қурилмас,
Ахир, сув бошқаю ўт бошқа тушди.

Не кўрдинг Сталин бўлганда «отанг»,
Не берди довдирбой, парфеъл Никитанг,
Гўё Брежнев ҳам сенинг ўз хатонг,
Тирноғингни кимлар ковлашга тушди?!

Руснинг уйига ҳам кирди дарз, алкаш,
Шунданми режалар, йўллар гоҳ чалкаш,
Шунданми ўз жойин ташлаб беоташ,
Қайда иссиқ кўрса тарқашга тушди.

📱 Яқин дўстларингизга улашиб қўйинг.

✅ Каналга обуна бўлинг:
https://t.me/marksjumaniyozov

🎵 Отажон Худойшукуров - Табассум қил

📑 Омон Матжон шеъри

📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov

📹 Видеоархив.

Хоразм вилояти, Ҳонқа тумани, Ал-Хоразмий совхозига тааллуқли архив видео.

📱 Яқинларга улашиб қўйинг.

✅ Каналга обуна бўлинг

🔤🔤🔤🔤🔤🔤 🔤🔤🔤🔤🔤🔤

Отажон Худойшукуров - Хуш келдинг

📚Партавий мухаммаси.

—————————
Салом эй шаъми маҳфил матлаи анвор хуш келдинг
Салом эй ишқ элига муниси ғамхор хуш келдинг
Салом эй нозанинлар хайлига сардор хуш келдинг
Маконим қилғали гушан чаман рухсор хуш келдинг
Бошимга қўй қадам эй сарви гул рафтор хуш келдинг

Бўлиб тобеъ нигоҳи марҳаматдин илтижоларга
Қадрдонлик тариқи бирла биз қилган рижоларга
Муҳаббат аҳлини еткурмак истаб муддаоларга
Висолинг муждасидин туҳфа айлаб ошноларга
Тутиб меҳри вафо ойинини изҳор хуш келдинг

Сочинг фикри билан диллар паришон ўлғонин англаб
Лабинг ёдида бағридин таҳ-батаҳ қон ўлғонин англаб
Саҳарлар жон қуши шавқингда нолон ўлғонин англаб
Йўлингда ойу йил кўзлар нигорон ўлғанин англаб
Соғинган дийдаларга кўрсатиб дийдор хуш келдинг

Фалак токи неча ўз манзарида ишва соз ўлсин
Неча ойу қуёш ўз буржида оламнавоз ўлсин
Тароватда надими даргоҳинг ҳар сарвиноз ўлсин
Ошиб ҳар лаҳза ҳуснинг равнақи умринг дароз ўлсин
Муродим жомидин ич бодайи саршор хуш келдинг

Кўнгул қўйдим санга аввал кўришда дил фирибим деб
Кўнгул дардини изҳор айладим ҳозиқ табибим деб
Умид этдим висолингдан шифо бўлғай насибим деб
Нечук ҳижроним ичра ҳолинг эй Партав ғарибим деб
Сўраб ҳолимни саҳар вақтида бедор хуш келдинг.
—————————

📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov

🔤🔤🔤🔤🔤🔤 🔤🔤🔤🔤🔤🔤

Хожихон Болтаев - Бўлмаса (Кажханг сувора)

📚Девоний мухаммаси.

—————————
Қонға ботсин жисмим ишқ ўтиға сўзон бўлмаса
Кўр бўлсин кўз жамолингга нигоҳ бон бўлмаса
Тандин айрилсин бошим йўлингда қурбон бўлмаса
Бархам ўлсин жоним ул ғам бирлан тўпон ўлмаса
Ҳар бир ул тўпон ғами ҳам онда бу жон бўлмаса.

Йиғламоқдин кўзларимда қатраи нам қолмади
Тоқатим сабру фироқинг қилди бархам қолмади
Эй ситамгар ҳажр аро мен чекмаган ғам қолмади
Қилмағон афсуси аҳволимға одам қолмади
Деб на мушкул дард экан бу ҳеч осон бўлмаса

Ўзга бир хури пари пайкар ҳузурин не қилай
Айламанг тарификим даврон сурурин не қилай
Анжуми афлок ўзга хуршиди нурин не қилай
Ҳосилим васл ўлмаса умрим мирурин не қилай
Шами ҳижронингда мандек сўнгра вайрон бўлмаса

Хотирам ошуфтаман шод бўлмаса шод бўлмасин
Қисматим шулдур ғамидин кўнглим озод ўлмасин
Эй мусулмонлар бировга шунча бедод бўлмасин
Улки аввал ёри васли бирла обод ўлмасин
Тиракан шаму аро ул моҳи тобон бўлмаса

Эй саломат аҳли ўзни мен билан ёд этмангиз
Роҳат эт сундеб валиятга гирифтор этмангиз
Захмима малҳам қўйиб нештарға дучор этмангиз
Дўстлар энди мени тарғиби гулзор этмангиз
Ул қадди туби юзи гул чашми фаттон бўлмаса

Нехуш айём эрди айлаб сайри гулшан иккимиз
Гоҳ гулистон саҳнида айлаб нишинман иккимиз
Дилга ўргатмай дами ман йўқса ким сан иккимиз
Айрилиғ тақдир экан бердик шунга тан иккимиз
Рози эрмас сансиз ичкан май қаро қон бўлмаса

Шаму Фурқат даштида шабгирри Девони қилур
Ёри хатти ҳолини тасвири Девони қилур
Бенаволик шиквасидан таҳрири Девони қилур
Зулфи тумори бу нав тасвири Девони қилур
Зафарон хожат сиёйи ранги самон бўлмаса.

—————————

📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov

🔤🔤🔤🔤🔤🔤 🔤🔤🔤🔤🔤🔤

Оғабек Собиров - Парво айласа

📚Навоий ғазали.

—————————
Парво айласа

Кўнглум ўртансун агар ғайрингға парво айласа
Ҳар кўнгул ҳам ким сенинг шавқингни пайдо айласа

Ҳар киши васлин таманно айласам новмид ўлай
Ҳар киши ҳам ким сенинг васлинг таманно айласа

Ўзгалар ҳуснин тамошо айласам чиқсун кўзим
Ўзга бир кўз ҳамки ҳуснунгни тамошо айласа

Ғайри зикрин ошкора қилса лол ўлсун тилим
Ўзга бир тил ҳамки зикринг ошкоро айласа

Рашкдин жонимға ҳар наргис кўзи бир шўъладир
Боғ аро ногоҳ хиром ул сарви раъно айласа

Офият жонимға етти эй хуш ул муғким мени
Бир қадаҳ бирла харобот ичра расво айласа.

Даҳр шўхиға Навоий сайд бўлма нечаким
Кун узори узра тун зулфин мутарро айласа.

—————————

📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov

🔤🔤🔤🔤🔤🔤 🔤🔤🔤🔤🔤🔤

Отажон Худойшукуров - Бўлмас

📚Машраб ғазали.

—————————
ОШИҚ БЎЛИБСАН, БЎЛМАҒИЛ ҒОФИЛ

Малаксан ё башар, ё ҳуру ғилмонсан, билиб бўлмас,
Бу лутфу бу назокат бирла сендин айрилиб бўлмас.

Юзунг мисли қизил гулдур, кўнгул чун булбули шайдо,
Бу гулнинг ишқидин булбул чамандин айрилиб бўлмас.

Юзунгни офтобини кўруб ҳайрон бўлуб қолдим,
Фалакка қул узотиб, шамси анварни олиб бўлмас.

Тиконсиз, гул, садафсиз бир машаққатсиз ҳунар бўлмас,
Риёзат тегмагунча ёр васлига етиб бўлмас.

Кел, эй Машраб, агар ошиқ бўлибсан, бўлмағил ғофил,
Бу ғафлат уйқусидин, эй ёронлар, уйғониб бўлмас.

—————————

📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov