1 КУН ҚОЛДИ...

Тонг отмай бошланар иш,
Пишир куйдир, ҳар юмуш.
Соя солмасин ташвиш
Байрамга 1 кун қолди.

Ҳилма ҳил ҳар ҳил салат,
Тортлар турар қатма қат.
Уйда қолмасин аҳлат,
Байрамга 1 кун қолди.

Пишириқлар тошади
Ҳозир ҳамир ошади.
Ҳамма қайга шошади
Байрамга 1 кун қолди.

Мушаксиз байрам эмас,
Қорбобо нега келмас.
Гапирсанг, гапни илмас
Байрамга 1 кун қолди.

Асли ҳар кундир байрам,
Шукур чекмаймиз алам.
Қориндан бошқа йўқ ғам
Байрамга 1 кун қолди.

Жичча қорин тўйса бас,
Бўлиб қолмайлик нокас.
Ким ўзарга қасдма қасд
Байрамга 1 кун қолди.

Ночордир қаранг кимдир
Совуқда югурар зир.
Айтинг, дўстим уйга кир
Байрамга 1 кун қолди.

Ортиқ, беринг ош нондан
Савоб қолар инсондан.
Мушак азизми жондан
Байрамга 1 кун қолди

Эзгуликка буркансин
Мукофотла сийлансин
Ўлсин, шу кун демасин
Байрамга 1 кун қолди

Кўз очганимиз байрам,
Четда қолсин барча ғам.
Юракка берайлик дам,
Байрамга 1 кун қолди.

©ИРОДАХОН ҚОСИМОВА.


🌐 Яқинларингизга ҳам улашинг... ✉️

Каналга Обуна бўлинг👇
   ➥  @Manoliso 🧢