“Oila va gender” ilmiy-tadqiqot instituti

🥵 Ajrashish – juda og‘ir hissiy jarayon bo‘lib, turmush o‘rtoqlarning aloqani tugatishi bilan bog‘liq.
Ajrashishning turli sabablaridan biri psixologik, iqtisodiy, ijtimoiy yoki madaniy holatlar bilan ham bog‘liq bo‘lishi mumkin. O‘zbekiston hududida ajrashishning sabablari va ajrashishdan keyingi holatdagi oilalarga psixologik tavsiyalarni keltirib o‘tamiz.

⏺ AJRASHISH SABABLARI

🔴 Hissiy aloqa yetishmasligi. Oila ichidagi hissiy yondashuv yoki sevgining susayishi oilaning asosiy ustuni bo‘lgan o‘zaro hurmat va mehrni kamaytirishi mumkin.

🔴 Iqtisodiy qiyinchiliklar. O‘zbekistonda ham boshqa davlatlarda bo‘lgani kabi iqtisodiy qiyinchiliklarga duch kelish ajrashishga sabab bo‘ladi.

🔴 Munosobatlardagi xiyonat yoki sodiqlik muammolari. Ba’zida turmush o‘rtoqlarning birining xiyonati yoki o‘zaro ishonchsizlik ajrashishga sabab bo‘ladi.

🔴 Madaniy va ijtimoiy bosimlar. O‘zbekistonda oilalar ko‘pincha an’anaviy rol va kutishlar asosida tashkil topadi. Bu turli omillar, jumladan, oiladagi erkak yoki ayolning haq-huquqlari va majburiyatlari to‘g‘risidagi tasavvurlarni keltirib chiqaradi.

🔴 Oilaviy zo‘ravonlik. Shaxsiy va jismoniy zo‘ravonlik muammolari ko‘pincha ajrashishga olib keladi.

🔴 Maqsadlar va hayotiy yo‘nalishlardagi farqlar. O‘zaro fikrlar, maqsadlar yoki hayotga bo‘lgan yondashuvlar o‘rtasidagi ziddiyatlar ajrashishga sabab bo‘lishi mumkin.

AJRASHISH YOQASIDAGI OILA UCHUN TAVSIYALAR

✅ Muloqotni tiklash – ajrashishning oldini olish hamda oiladagi har ikki tomon o‘rtasida ochiq va samimiy muloqot qilish uchun zarur. Oilaning har bir a’zosining his-tuyg‘ulari va ehtiyojlarini tinglash, shuningdek, o‘z fikrlarini ifoda etishi uchun imkon yaratish juda muhim. Bu tushunmovchiliklar va salbiy his-tuyg‘ularni muloqot orqali kamaytirish mumkin.

✅ Tushunishga harakat qilish – har bir tomon bir-birining nuqtayi nazarini tushunishga harakat qilishi va o‘zaro yordamga tayyor bo‘lishi lozim. Bu o‘zaro hurmatni kuchaytiradi va nizolarni hal qilishni osonlashtiradi.

✅ Yordam olish – bunday jarayonlarda oilaviy maslahat va psixolog yordamidan foydalanish ham foydali bo‘ladi. Ba’zan tashqi nuqtayi nazar ham muhim qarorlar qabul qilishda yordam beradi.

🤝 Bizni kuzating:
👉 Telgram | Instagram | Facebook | WEB-сайтимиз | Ilmiy loyihalarimiz