МАҲАЛЛА ЕТТИЛИГИ | MAHALLA YETTILIGI KANAL

#Диққат
#тарқатинг

“112 ягона диспетчерлик хизмати ишга тушган" – Рақамли технологиялар вазирлиги

2023 йил 28 июль куни Фарғона шаҳрида ўтказилган йиғилишда президент Шавкат Мирзиёев Ички ишлар ва Рақамли технологиялар вазирликлари олдига ягона “112” тезкор рақами ва диспетчерлик тизимини ишга тушириш вазифасини қўйганди.

2024 йил 29 майдаги Вазирлар Маҳкамасининг 304-сон қарори бўйича “112” ягона диспетчерлик хизмати қуйидаги муддатларда босқичма-босқич ишга туширилиши белгиланган:

“112” ягона диспетчерлик хизмати қуйидаги муддатларда босқичма-босқич ишга туширилади:

⁃ 2024 йил 1 июндан Тошкент шаҳри ва Тошкент вилоятида;

⁃ 2024 йил биринчи ярим йиллигида Андижон, Наманган ва Фарғона вилоятларида;

⁃ 2024 йил якунига қадар Қорақалпоғистон Республикаси ва қолган вилоятларда.

Рақамли технологиялар вазирлиги ахборот хизмати раҳбари Шерзод Ахматовнинг маълум қилишича, айни пайтда бу тизим республиканинг барча худудларида ишга тушган ва фаолият юритмоқда.

@Mahalla_Raisi

#Диққат
#тарқатинг

"Ойликбот" ўрнига янги "Молиячи" тизими ишга туширилади!

Иқтисодиёт ва молия вазирлигининг маълум қилишича, Telegram'даги "Ойликбот" чат-боти ишлашдан тўхтатилди. Унинг ўрнига хавфсиз ва қулай бўлган янги "Молиячи" ахборот тизими ишга туширилади.

📲 Янги "Молиячи" тизими орқали ходимлар ўз маоши ва бошқа зарур маълумотларни тўғридан-тўғри юклаб олиш имкониятига эга бўладилар.

📢 Дастур ишга туширилгани ҳақида батафсил маълумот расмий ижтимоий тармоқ саҳифаларида эълон қилинади.

@Mahalla_Raisi

#Диққат
#тарқатинг

Энди сув, «свет» ёки газ ҳисоблагичлари даврий қиёслашдан ўтказиш таъминотчи корхоналар зиммасига юкланди

🔹 Аҳоли ва тадбиркорлар электр, газ ва сув ҳисоблагичларини қиёслаш учун мурожаат қилиш талабидан озод қилинди.
🔹 Ҳисоблагичларни даврий қиёслаш ваколатли органлар томонидан (проактив шаклда) амалга оширилади.

Бу ўзгариш Вазирлар Маҳкамасининг 847-сон қарори (12.12.2024) асосида жорий этилди.

Проактив давлат хизмати – мурожаат талаб қилинмайди, ҳисоблагичлар автоматик тарзда қиёслашдан ўтказилади.

@Mahalla_Raisi

#Диққат
#тарқатинг

Эртага барча давлат ташкилотларида “свет” бир соатга ўчади

Бу 25 март – “Ер соати” куни муносабати билан ўтказилаётган махсус акция ҳисобланади. Мақсад табиий ресурсларни асраш ва бу орқали сайёрамизга ғамхўрлик кўрсатишдир.

“Барчангизни ушбу акцияга бефарқ бўлмасликка ва кун давомида атиги 60 дақиқага электр энергиясидан фойдаланмасликка чақирамиз”, дейилади Экология вазирлиги чақириғида.

@Mahalla_Raisi

#Диққат
#тарқатинг

Банкларда қайтарилмаётган кредитлар миқдори рекорд даражада кўпайди

2025-йил 1-март ҳолатига кўра, Ўзбекистондаги тижорат банкларининг муаммоли кредитлари (НПЛ) 24 триллион 348 миллиард сўмга етди. Таққослаш учун, 2024-йил мос даврида муддати ўтган қарзлар улуши 20 триллион 850 миллиард сўм бўлган.

@Mahalla_Raisi

#Диққат
#тарқатинг

Тошкентнинг 4 та туманида иссиқ сув вақтинча ўчирилади

Тошкент шаҳрининг Шайхонтоҳур, Олмазор, Чилонзор ва Юнусобод туманларининг айрим ҳудудларида иссиқ сув вақтинча ўчирилади. Бу ҳақда пойтахтни иссиқ сув билан таъминловчи иссиқлик таъминоти оператори — «Veolia Energy» маълум қилди.
Қайд этилишича, бугун, 24 март куни иссиқлик тармоқларининг максимал ҳароратга чидамлилиги синовдан ўтказилади. Шу муносабат билан шу куни соат 9:00 дан 18:00 гача қуйидаги манзилларда иссиқ сув таъминоти вақтинча тўхтатилади:

Шайхонтоҳур тумани
Кўчалар ва проспектлар: Навоий, Беруний, Ислом Каримов, Самарқанд Дарвоза, Абай, Абдулла Қодирий, Чорсу, Гулобод.
Майдонлар ва мавзелар: Чорсу, Қоратош.
Мавзелар ва даҳалар: Марказ-10, 11, 13, 14.

Олмазор тумани
Кўчалар ва проспектлар: Олмазор, Кичик ҳалқа йўли, Маннон Уйғур, Қорақамиш, Ҳувайдо.
Мавзе: Олмазор.
Мавзелар ва даҳалар: Қорақамиш 2/1, 2/2, Марказ-26, 27, 28.

Чилонзор тумани
Кўчалар ва проспектлар: Бунёдкор, Пахтакор, Фурқат, Бешёғоч, Талабалар, Нурафшон, Зиё, Шифонур.
Мавзе: Бешёғоч.
Мавзелар ва даҳалар: Б-1, Б-2, Б-3.

Юнусобод тумани
Кўчалар: Аҳмад Дониш, Шаҳристон, Янги Юнусобод, Юнус ота, Жума масжид.
Мавзелар ва даҳалар: №2–19, Янги шаҳар, Деҳқонобод, Соҳибкор, Уч Қаҳрамон, Мойқўрғон, Қулоқтепа.
Билдирилишича, синовлар келаси иситиш мавсумига пухта тайёргарлик кўриш мақсадида ўтказилмоқда.
Максимал ҳароратдаги синовлар давомида қувур тизимларига юклама қисқа муддатли оширилади, бу эса иссиқ сув йўллар ва тротуарларга чиқиб кетишига олиб келиши мумкин.

@Mahalla_Raisi

#Диққат
#тарқатинг

Оиласида ногирон аъзолари бўлган шахслар аукцион орқали ер участкаси сотиб олишда уларга 37 500 000 сўмгача бир марталик ёрдам пули берилади

📄 Ҳукуматнинг 23.03.2023 йил кунги 122-сон қарори билан тасдиқланган низомга асосан,

➖ ер участкасини аукцион орқали сотиб олиш харажатларидан келиб чиққан ҳолда, оиласи таркибида ногиронлиги бўлган шахслар сонидан қатъи назар, БҲМнинг 100 баравари (37 500 000 сўм) гача миқдорда бир марталик тўлов ажратилади.

❗️ Бунда имтиёзли тоифадаги шахслар қуйидаги мезонларга тўғри келиши керак:

✔️ охирги 12 ой давомида ўзи ёки оила аъзолари номида яшаш учун мўлжалланган турар жойи ёки ер участкаси мавжуд бўлмаслиги;

✔️ ер участкаси охирги 3 ой ичида аукцион орқали харид қилинган ва Ўзбекистон ҳудудида бўлиши;

✔️ ногиронлиги бўлган шахс деб топилган, шунингдек, “Темир дафтар”, “Аёллар дафтари”, “Ёшлар дафтари”нинг бирида турган бўлиши лозим.

@Mahalla_Raisi

#Диққат
#тарқатинг

2013 йилда 1 кг гўштни 25 000 сўмга олиш мумкин эди. Бугун эса унинг нархи 140 000 сўмга чиқди.

Нархлар қандай ўзгарди:
▫️2013 — 25 000 сўм
▫️2014 — 27 000 сўм
▫️2016 — 35 000 сўм
▫️2017 — 38 000 сўм
▫️2018 — 46 000 сўм
▫️2020 — 60 000 сўм
▫️2021 — 70 000 сўм
▫️2022 — 90 000 сўм
▫️2024 — 120 000 сўм
▫️2025 — 140 000 сўм

@Mahalla_Raisi

BAYRAMINGIZ MUBORAK, AZIZ HAMKASBLAR!

Assalomu alaykum, hurmatli mahalla tizimi xodimlari va faollari! Qadrli yurtdoshlar! Siz hamkasblarimni Mahalla tizimi xodimlari kuni bilan chin qalbimdan tabriklab, barchangizga yuksak hurmatim va samimiy tilaklarimni bildiraman. Azaliy an’analar va zamonaviy qadriyatlarni o‘zida mujassam etgan mahalla tizimining hayotimizdagi o‘rni va ta’siri tobora ortib bormoqda. Ayniqsa, Hurmatli Prezidentimiz ta’kidlaganlaridek, yoshlar tarbiyasi, osoyishtalikni ta’minlash, kambag‘allikni qisqartirish, aholini tadbirkorlikka jalb etish, ijtimoiy himoya va xotin-qizlar faolligini kuchaytirish, ekologiya va obodlik kabi biri-biridan muhim vazifalar “mahalla yettiligi” tizimi orqali samarali yechim topayotgani g‘oyatda quvonarli.

Bunday yuksak natija va e’tirofga sazovor bo‘lishda Siz — “mahalla yettiligi” a’zolari — mahalla raisi, hokim yordamchisi, xotin-qizlar faoli, yoshlar yetakchisi, ijtimoiy xodim, soliq hamda profilaktika inspektorlaridan iborat ta’sirchan tuzilmaning alohida hissasi borligini bilamiz va qadrlaymiz.

Qolaversa, muhtaram otaxon va onaxonlarimiz, faol ko‘cha va uy boshliqlari, imom-xatib va otinoyilar, ziyolilar katta fidoyilik bilan mahallalarda axloqiy-tarbiyaviy muhit barqarorligini ta’minlashda beminnat xizmat qilmoqda, ma’naviyatning jonkuyar targ‘ibotchisi bo‘lib, odamlarni ezgu amal va yaxshilik olamiga chorlamoqda.

Darhaqiqat, agar sidqidildan harakat qilsak, mahallaning qurbi yetmaydigan ishning o‘zi qolmadi. Mahallani jamiyatimizning hal qiluvchi bo‘g‘iniga aylantirishdek oliyjanob maqsad yo‘lida bizda kuch va imkoniyatlar ham, salohiyat ham yetarli. Bunda, avvalo, xalqimizga, uning fidoyi, jonkuyar va faol vakillari — Sizlarga ishonamiz va tayanamiz.

Sizlarni yana bir bor Mahalla tizimi xodimlari kuni bilan tabriklayman. Bayramingiz qutlug‘ bo‘lsin!

K.KURANBAYEV, O‘zbekiston mahallalari uyushmasi raisi

@Mahalla_Raisi

#Диққат
#тарқатинг
#табрик

22 март – Маҳалла тизими ходимлари куни!

Ушбу сана муносабати билан маҳалла тизими ходимлари ва фаолларини самимий муборакбод этамиз!

Барчангизга мустаҳкам соғлик, серқирра ва масъулиятли фаолиятингизда улкан зафарлар, хонадонларингизга хотиржамлик ҳамда файз-у барака тилаймиз.

@Mahalla_Raisi

#Диққат
#тарқатинг

Тадбиркорларга 150 млн сўмгача субсидия берилади

2026 йил 1 январгача томорқа ер эгалари билан кооперация асосида иш ташкил этган тадбиркорларга омборхоналарни жиҳозлаш, қуритиш, саралаш ва қадоқлаш ускуналари харид қилиш харажатларининг 30 фоизи миқдорида, бироқ 150 млн сўмдан ортиқ бўлмаган ҳажмда субсидия берилиши белгиланган.

@Mahalla_Raisi

#Диққат
#тарқатинг

Ўзбекистон ҳарбий харажатлар бўйича Марказий Осиёда етакчи бўлди

Global Firepower 2025 рейтингига кўра, Марказий Осиё энг катта мудофаа бюджетига эга давлатлар рўйхати:

🇺🇿Ўзбекистонд мудофаа учун (2,8 млрд доллар);
🇰🇿Қозоғистон мудофаа учун 2 миллиард доллар;
🇹🇲Туркманистон мудофаа учун 1,1 миллиард доллар;
Ҳарбий харажатлар энг кам давлатлар Тожикистон (446 миллион доллар) ва Қирғизистон (221,8 миллион доллар).

@Mahalla_Raisi

#Диққат
#тарқатинг

Tезликни оширган ҳайдовчиларга жарима баллари қуйидагича белгиланмоқда:

• Ҳайдовчиларнинг белгиланган ҳаракат тезлигини 20 км/соатдан кўп бўлмаган катталикда ошириб юбориши учун 0,5 балл;

• Ҳайдовчиларнинг белгиланган ҳаракат тезлигини 20 км/соатдан кўп, 40 км/соатдан кўп бўлмаган катталикда ошириб юбориши учун 1 балл;

• Ҳайдовчиларнинг белгиланган ҳаракат тезлигини 40 км/соатдан кўп, 60 км/соатдан кўп бўлмаган катталикда ошириб юбориши учун 1,5 балл;

• Ҳайдовчиларнинг белгиланган ҳаракат тезлигини 60 км/соатдан кўп, 80 км/соатдан кўп бўлмаган катталикда ошириб юбориши учун 2 балл берилади.

@Mahalla_Raisi