Logochi

Янги муваффақиятли кейс

Навбатдаги кейсимиз — сифатли полиэтилен пакетлар ва қоплар ишлаб чиқарувчи корхона учун логотип.

Логода номдаги икки сўз акс эттирилган — пакет ва макон-жойни ифодаловчи локация белгиси.

Логотип:
• Минимализм услубида,
• бир қарашдан тушунарли,
• компания фаолияти ҳақида маълумот берадиган,
• номга мос ҳолда ишланди.

Сизнинг ҳам корхонангизнинг "елкаси чопон кўрмаган" бўлса, яъни ўз логотипи ва айдентикасига эга бўлмаса, Logochi хизматингизга тайёр.

Logochi'дан мимимича лого 🥰

Оналар ва жажжи чақалоқлар учун мўлжалланган дўконлар тармоғи учун логотип ишлаб чиқдик.

Дўкон фақатгина оригинал, сифатли ва бренд маҳсулотлар билан ишлайди. Шу боис логотип ҳам рақобатчиларникига ўхшамайдиган, уникал бўлиши керак эди.

Дўкон аудиторияси — кўнгли нозик, яхши кайфият истовчи ҳомиладорлар ва ёш оналар. Уларга кескин, тиниқ ранглар, ўткир бурчаклар ёқмайди. Уларнинг фикри-хаёли қалбларидан ўрин олган жажжи чақалоқларида.

Шу ҳолатдан келиб чиқиб, биз юракча ичида юракча концепциясини ишлаб чиқдик. Ҳосил бўлган логотип эса керакли аудитория эътиборини тортади, осон эсда қолади ва дўкон йўналишини билдириб туради.

Ғоя қалай?

Бўёқчининг бўёқчилиги қўлидан маълум бўлади. Компаниянинг қандай йўналишда фаолият юритиши ҳам унинг логотипидан маълум бўлгани яхши.

Шу боис биз премиум тоифадаги чарм маҳсулотлари ишлаб чиқарувчи Arcano бренди учун мос логотип яратдик.

Корхона номи ўзбек тилидаги "арқон" ва инглиз тилидаги "arcane" (сирли, жумбоқли) сўзларидан ясалган. Шу боис биз логотипда арқон ёрдамида тикилиш услубини кўрсатиб бердик. Бу қўл меҳнати билан чармдан буюмлар тикилишини ифодалайди.

Логода номдаги А ҳарфини ҳам акс эттирдик. Чизиқларнинг ташқарига бироз чиқиб туриши эса мажозий маънода компания фаолияти давомий бўлишинини билдиради.

Сизга ҳам фаолиятингизни билдириб турувчи самарали логотип керак бўлса, изоҳларда + белгисини қолдиринг.