#RUHIYAT
📝BOQIY BAXT
Nechun hasratlarda yonasan ey, dil,
Nechun baxt izlarsan mukammal, komil?!
Gar chin mo‘min bo‘lsang, sengadir ayon:
Baqo qay tomonda, fano qay tomon...
Ko‘rgan-kechirganing bari sinovdir,
Fanoni sevmoqlik Baqoga g‘ovdir...
Sevsang, ajralmoqni o‘ylab qo‘y bir kun,
Zotan, bunda bo‘lmas bag‘irlar butun...
Samo cho‘qqisiga yetgani sayin,
Quyosh ham zavolga ketmog‘i tayin.
Oy ham to‘lishganda ortiga qaytar,
Mangulik qo‘shig‘in nur ila aytar...
Bu, Buyuk Robbimning joriy ishidir:
Komillik–zavolning boshlanishidir...
Yilning bahor, yozi, kuzi, qishi bor,
Har biri aylanib kelgaydir takror...
Sevinchlar ortida kulfat yashirin,
Kim ham bilar edi azalning sirin...
Gar shodlik istarsan mangu, bezavol,
Foniyda boqiyni topmoq xomxayol...
Har baxtning ortidan kelgaydir bir g‘am,
Bugun do‘sting ko‘pdir, erta bo‘lur kam.
Bugun baxt, shodlikdan og‘zing quloqda,
Ertaga ko‘z yoshing oqar buloqday.
Sevganing hech qachon seni sevmaydi,
Bugun shoh bo‘larsan, ertaga–daydi.
Qadri yo‘qlar bilmas qadringni hargiz,
Ularchun to‘kkaning ko‘zyoshing essiz...
Oqil inson uchun emas hech nihon–
Topgan-yo‘qotganing bari imtihon...
Boshing ko‘kka yetsa, boshing eggin jim,
Yuztuban qulasang, bo‘lmagin taslim.
Kutma yaxshilikka qaytar deb ehson,
Buncha g‘ofil bo‘lma, ey oqil inson.
Qaytar dunyo bo‘lgay faqat Qiyomat,
Ungacha ko‘rganing sinovdir faqat.
Zolimlar musiybat ko‘rmasa aslo,
Adolat yo‘q debon o‘ylama ammo.
Qutulib qololmas Dahshatli kunda,
Kim nohaq yo‘llarda yurgaydir bunda.
Har kim jazosini olar muqarrar,
Hatto pinhon bo‘lsa qilmishi agar.
Zero, g‘ofil emas sirlardan Alloh,
O‘zi barchamizga Eng Odil Guvoh!
Mazlumning o‘chini Robbim olgaydir,
Har zolim barmog‘in tishlab qolgaydir.
Mo‘min rozi bo‘lar o‘z iymonidan,
Azob-uqubatda qolgan jonidan...
Sevgan sevganiga yetishgay u kun,
Firoq-u alamni unutib butun.
Mangu jannatlarda boqiydir baxt ham,
Tamom unutilar har qandayin g‘am.
O‘tkinchi dunyo deb chekmagil fig‘on,
Mangulik quvonchlar kutmoqda, ishon.
Illo, iymon ila yashab o‘tsang, bas,
Allohga qulliging ketmagay abas.
🕊Shahobiddin Odil✍
@laa_ilaaha_illallohu
📝BOQIY BAXT
Nechun hasratlarda yonasan ey, dil,
Nechun baxt izlarsan mukammal, komil?!
Gar chin mo‘min bo‘lsang, sengadir ayon:
Baqo qay tomonda, fano qay tomon...
Ko‘rgan-kechirganing bari sinovdir,
Fanoni sevmoqlik Baqoga g‘ovdir...
Sevsang, ajralmoqni o‘ylab qo‘y bir kun,
Zotan, bunda bo‘lmas bag‘irlar butun...
Samo cho‘qqisiga yetgani sayin,
Quyosh ham zavolga ketmog‘i tayin.
Oy ham to‘lishganda ortiga qaytar,
Mangulik qo‘shig‘in nur ila aytar...
Bu, Buyuk Robbimning joriy ishidir:
Komillik–zavolning boshlanishidir...
Yilning bahor, yozi, kuzi, qishi bor,
Har biri aylanib kelgaydir takror...
Sevinchlar ortida kulfat yashirin,
Kim ham bilar edi azalning sirin...
Gar shodlik istarsan mangu, bezavol,
Foniyda boqiyni topmoq xomxayol...
Har baxtning ortidan kelgaydir bir g‘am,
Bugun do‘sting ko‘pdir, erta bo‘lur kam.
Bugun baxt, shodlikdan og‘zing quloqda,
Ertaga ko‘z yoshing oqar buloqday.
Sevganing hech qachon seni sevmaydi,
Bugun shoh bo‘larsan, ertaga–daydi.
Qadri yo‘qlar bilmas qadringni hargiz,
Ularchun to‘kkaning ko‘zyoshing essiz...
Oqil inson uchun emas hech nihon–
Topgan-yo‘qotganing bari imtihon...
Boshing ko‘kka yetsa, boshing eggin jim,
Yuztuban qulasang, bo‘lmagin taslim.
Kutma yaxshilikka qaytar deb ehson,
Buncha g‘ofil bo‘lma, ey oqil inson.
Qaytar dunyo bo‘lgay faqat Qiyomat,
Ungacha ko‘rganing sinovdir faqat.
Zolimlar musiybat ko‘rmasa aslo,
Adolat yo‘q debon o‘ylama ammo.
Qutulib qololmas Dahshatli kunda,
Kim nohaq yo‘llarda yurgaydir bunda.
Har kim jazosini olar muqarrar,
Hatto pinhon bo‘lsa qilmishi agar.
Zero, g‘ofil emas sirlardan Alloh,
O‘zi barchamizga Eng Odil Guvoh!
Mazlumning o‘chini Robbim olgaydir,
Har zolim barmog‘in tishlab qolgaydir.
Mo‘min rozi bo‘lar o‘z iymonidan,
Azob-uqubatda qolgan jonidan...
Sevgan sevganiga yetishgay u kun,
Firoq-u alamni unutib butun.
Mangu jannatlarda boqiydir baxt ham,
Tamom unutilar har qandayin g‘am.
O‘tkinchi dunyo deb chekmagil fig‘on,
Mangulik quvonchlar kutmoqda, ishon.
Illo, iymon ila yashab o‘tsang, bas,
Allohga qulliging ketmagay abas.
🕊Shahobiddin Odil✍
@laa_ilaaha_illallohu