ЧИРОЙЛИ ТУЙҒУЛАР УЧУН, МАШААЛЛАҲ!
Билмайди дейсанми, юрагингдаман,
Ҳув қўлинг етмаган фалагингдаман.
Балки ҳаётингда йўқману, илло,
Аллоҳдан ўтинган тилагингдаман!
Рашкинг олов бўлиб куйдирса, менман,
Соғинчлар жонингдан тўйдирса, менман.
Қисмат гуноҳларинг ҳисобин олиб,
Бошингни кундага қўйдирса, менман!
Туну-кун хаёлинг ўзимку, айтгин,
Асаллар таъм олган сўзимку, айтгин.
Неча жононларга термуларсану,
Кўзингдан кетмаган кўзимку, айтгин!
Оҳ десанг ўша мен кўксингдан чиққан,
Нигоҳим жонингга ханжарин суққан,
Адашиб кўчангдан ўтиб қолган мен,
Сендек бевафога билмай йўлиққан.
Беркитиб овора бўлган дардингман,
Юрагинга қўнган ҳарир гардингман,
Сенку кечолмайсан мендан умрбод,
Мен сени ўзгага берган мардингман!
Малика Тавфиқ.
✨ 💖💖💖💖💖💖💖💖💖💖💖💖
✨
𝐓𝐞𝐥𝐞𝐠𝐫𝐚𝐦 | 🍁🍂Кўнгил🍂🍁