Kosonsoy tuman maktabgacha va maktab ta'limi bo'limi rasmiy

VAZIR MASLAHATCHISI NAMANGANDA BO‘LDI

Viloyat maktabgacha va maktab ta’limi boshqarmasida pedagoglarni kasbiy rivojlantirish, o‘quvchilarda zamonaviy ko‘nikmalarni shakllantirish masalalariga bag‘ishlangan seminar tashkil etildi. Boshqarma apparat xodimlari, viloyat Pedagogik mahorat markazi mas’ullari, umumta’lim maktablari direktorlari ishtirok etgan tadbirda Maktabgacha va maktab ta’limi vazirining maslahatchisi Ulug‘bek Toshkenboyev ta’lim sifatini yangi bosqichga olib chiqish, maktablarda “Kasbiy rivojlantirish kuni” va “Kasbiy rivojlantirish soati” tadbirlarining tashkil etilishi doirasida amalga oshirilayotgan ishlar hamda belgilangan vazifalar to‘g‘risida batafsil to‘xtalib o‘tdi.

Kunning ikkinchi yarmida vazir maslahatchisi Ulug‘bek Toshkenboyev boshchiligidagi ishchi guruhi a’zolari Namangan shahridagi 27-,44-75- hamda Davlatobod tumanidagi 92 – maktablarida bo‘lib, ta’lim sifatini ta’minlash, pedagoglar salohiyatini oshirish borasidagi ishlar tahlil qilindi. Ilm maskanlari o‘qituvchilari va o‘quvchilari tomonidan Singapur bilan hamkorlikda joriy etilgan sun’iy intellektga asoslangan raqamli ta’lim platformasi (Serebry)dan foydalanish samaradorligi o‘rganildi.

Namangan viloyati maktabgacha va maktab ta’limi boshqarmasi Axborot xizmati