Konservativ Tribunal ️

Ilmsiz(lashtirilgan) qon!

Qon donorligi yaxshi ish, u yurak faoliyatini yaxshilaydi, qon aylanishini faollashtiradi, immunitetni mustahkamlaydi, stressni kamaytiradi va bepul tibbiy tekshiruv imkonini beradi. Ammo quyida yozayotganim, fikri ojizona qarashlarim bu borada emas!

Yoʻlda yurganda imkon qadar yozuv oʻqimaslikka harakat qilaman, chunki oʻzbek tili imlosidan judo qilinayotgan qatl jarayonini kuzatish ogʻriqli.

Turkiy davlatlar vakillari 34 ta harfdan iborat yagona alifboni tatbiq etish boʻyicha kelishib oldi (2024-yil, sentyabr, Boku). “Umumiy alifboning yaratilishi nafaqat turkiy xalqlar oʻrtasidagi oʻzaro anglashuv va hamkorlikni mustahkamlaydi, balki ularning tillarini saqlab qolishga ham hissa qoʻshadi”, deya jar solindi oʻsha vaqtlarda.

Bu albatta yaxshi, ammo ikki avlod qiyinchiliklari — imloviy, maʼnoviy, savod va savodsizlik oʻrtasida sarson yurgan ota-bola hali bir-birini toʻla tushunib ulgurmay, oraga umumiy turkiy alifboda savodi chiqqan nabiraning qoʻshilishi menga qoʻrqinchli tuyulyapti.

Maʼlumot uchun, Oʻzbekistonda 1993-yil 2-sentyabr kuni lotin alifbosiga oʻtish toʻgʻrisidagi qaror qabul qilingan, 1995-yildan boshlab esa yangi alifbo bosqichma-bosqich joriy etila boshlagan. Mana, bu qarorga ham roppa-rosa 31-yil toʻldi, lekin davlat idoralari, rasmiy qaror va hujjatlar, yuqori lavozimlardagi juda koʻpchilik hanuz kirillda ish yuritadi.

Bugun koʻcha eʼlonlari, reklama bannerlari, umuman harflar ishtirok etgan har qanday borlik kirill va lotin alifbolarini qoʻllayotgan odamlarning ishi bilan toʻlib toshgan.

Oddiy xalq vakillarini aytmasa ham boʻladi:

• katta yoshlilar qayerdadir ariza yoki boshqa hujjat toʻldirishiga toʻgʻri kelib qolsa, kirillda yozsam boʻladimi? deb soʻrashadi:
• bozorlik qilishga otlangan amaki kelinidan roʻyxatni tushunarli tilda yozib berishini iltimos qiladi;
• ayrim ota-onalar farzandining darsiga koʻmaklasha olmaydi, kundaligida baholardan boshqasini deyarli tushunmaydi;
• telefon kontaktlari Ylygbek (Ulugʻbek), gonier ykam (Doniyor ukam) kabi qayd etilgan.

Xullas, qisqa qilib aytsam, Oʻzbekiston va oʻzbeklar yana yangi alifbo tatbiq etilishiga hozircha tayyor emas.

Тилим «Ман Сити» деб чиққан ёхуд битта ўзбек йигити қандай қилиб Европанинг энг кучли жамоалари орасида талаш бўлди (таҳлилий мақола)

Европада «шовқин кўтарган» йигит ким ва у бундай натижагача қандай йўлни босиб ўтди?

👉 https://xs.uz/uzkr/123030

Расмий саҳифаларимиз 👇

Telegram|Instagram|Youtube|Facebook

- Ko`nglingning ko`chasidan – deysan
- Ko`nglimning ko`chasidan – deyman
Paxtakorga to`xtab o`tamiz

- Uff bunchalar tikildi – deysan
- Ehh bunchalar tikildim – deyman
Paxtakorga to`xtab o`tamiz

- Menga nima – tushib ketasan
- Menga nima – tushib ketaman
Paxtakorga to`xtab o`tamiz

- Erta ko`nglin so`rayman – deyman
- Erta ko`nglin sorayman – deysan
Metro ichra so`zsiz har kuni
Paxtakorga to`xtab o`tamiz

© Sanjar Mashriqiy

Soyabonim yarmi bo‘sh...

Begonalik tuyg'usi
Tegramizda urar jo‘sh.
Men-chi yolg'iz kezarman,
Soyabonim yarmi bo‘sh.

Usting yupun, ham harir
Ham olmading yomg‘irpush.
Ko‘zyoshingday tomchilar,
Soyabonim yarmi bo‘sh.

Ayamaydi bulutlar
Bizday qilar xayr-xo‘sh.
Ko‘nglim kabi voajab
Soyabonim yarmi bo‘sh.

Visoldayin olis uy
Ham armonlar bunga qo‘sh.
Faqat haqiqat shunday
Soyabonim yarmi bo‘sh.

Ishq bu deysan tutqunlik
Sen beqaror hurkak qush.
Ma‘lumi-chi umrimday
Soyabonim yarmi bo‘sh.

O'lchov yo‘q-ku nedir ishq,
So‘rasalar ne dey, xo'sh?
Hech kim bilmas kim uchun
Soyabonim yarmi bo‘sh.

(C) Sanjar Mashriqiy