Farosat Hozir sizlar bilan ko'pchilik uchun faqat nomi tanish bo'lgan his tuyg'u haqida fikr yuritamiz.
Farosat shunday bir ajib narsaki, hattoki 88 ta universitetda o'qigan insonda ham bo'lmasligi mumkin, uni ilm bilan chalkashtirmaslik kerak!
O'zingiz ongli ravishda o'z majburiyatlaringizni bilishingiz, suhbat jarayonida qarshingizda kim turganiga qarab, real holatdan kelib chiqib muomala qilishingiz ham shu farosat atalmish ne'matning mahsulida.
G'ishmat bor anovini qil, G'ishmat keyin mana bu ishni qil, G'ishmat nimadir ish qilishi uchun Toshmat bechora qayta qayta ta'kidlab turishi shartmi ?
Aytaylik yaqin insoningiz uchun og'ir paytda siz o'yin-kulgu, ko'ngil-hushlik haqida gapirib turibsiz. Bu ham farosatsizlik belgisi.
(o'zim bilan ko'p sodir bo'lgan)
Gap tagidagi gaplar haqida eshitganmisiz ? Bir insonni ko'rib qoldingiz gapiraverasiz,gapiraverasiz bechora ming istihola bilan oxiri gap tagida gap gapirishni boshlaydi.
- O'tgan yili bo'lgan ishlar esingdami ........... (eshitsang ham eshitasan deganday, tinmay gapiraveradi)
- Ancha gapimiz yig'ilib qolgan ekan-da. Keling boshqa payt bafurja gaplashamiz. Vaqtingizni olmay hozir !
Farosati bor odam ushbu gapni : biroz shoshayotgan edim, keyinroq gaplashaylik degan ma'noda tushunib oladi !
Agar bu gap aks ta'sir ko'rsatsa ishonavering bu gapni aytganingizga afsuslanasiz. Hali 2 3 yil oldingi xotiralar,magazinchi G'aybullaning to'yi hullas eshitadigan mavzularingiz ko'payib ketadi )
Jamoat transportida turli insonlarni kuzatib ketish ham ba'zan qiziq. Turfa hil qadriyatlar turfa hil insonlar.
Kitob o'qib ketayapsiz yoki shunchaki qiladigan ishlaringizni rejalab ketayapsiz. Hozirgina bekatdan chiqqan bir inson qulog'ingiz tagida saqichni "cholpillatib" bora-borguncha asabingizni yeb bitradi.
Ba'zan shu narsaga guvoh bo'laman.Avtbousda yoki metroda odam ko'payib ketgan vaqtlarda ayollar,qizlardan o'zini olib qochib noqulaygina joylashib ketayotgan erkak kishi masofa uchun qoldirgan joyga yana boshqa qiz tiqilib, bechora insoni noqulay holatda qoldiradi.
Aqlli insonlar ham farosatsizsiz bo'lishi mumkin, juda aqlli bo'lmasa ham farosati butun insonlar ham atrofimizda talaygina.
Bu mening shahsiy fikrlarim.Barchasi bitta maqolaga sig'maydi.Ushbu mavzuda soatlab gapirish mumkin.
P/S: Maqolani blogimga joylashdan avval Toshmatga ko'rsatdim. Huddi shunday yozishim kerakligini aytgan ekan 😅
Manba
👉
@komronbeks_blog
