SHUKRONA✨✨

Uyg'onmagan qancha bilmaydi hech kim
Saharda uyg'onib ko'z ochdik shukur.
Qora mayiz bilan novvot bol bilan,
Tinch nonushta qilmoq qanchalar huzur!

Ko'rdik charaqlagan bobo quyoshni,
Goh yozda qiziymiz goh yashnar bahor.
Kapalak raqsini,maysa rangini,
Umrida bir bora ko'rmaganlar bor.

Yurib charchadingiz, toliqdingizmi?
Noshukurlik qilmang, ozgina o'ylang!
Oyoq kiyimi bor, ammo kiyishga 
Oyog'i yo'qlarning holini so'rang 

Libosingiz yoqmay jig'ibiyronsiz,
Kiyim ko'pligidan yotar qalashib.
Do'ppi topilar deb jon qayg'usida,
Tentiydi qashshoqlar ushoq talashib.

Bolalar uyida g'arib go'daklar
Zor yurar bir marta ona deyishga.
Ikkita issiq non olingda darrov,
Boring onanggizni ko'rib kelishga. 

Sizni bugun ishdan bo'shatishdimi?
Shumi tashvishingiz shumi muammo.
Qarang o'z uyini bo'shatib qo'yib,
Muhojirlar yig'lar vatandan judo.

Orzu havas ko'rmay o'tayapman deb
Noliyapsiz, balki og'rinayapsiz.
Qaydadir ochlikdan qirilyapti xalq,
Suv deb yig'layapti, eshitmayapsiz

Oxirgi pulni ham ishlatdingizmi? 
Xudo yetkazadi banda rizqini.
Umr tilang xasta bemorlarga siz,
Bugun kimlarnidir oxirgi kuni. 

Muhammad Yusuf