#review #taqriz
“Ular oʻnta edi” – Agata Kristi
Yoshligida detektiv janriga qiziqmagan, qotilliklarni ochish, jinoyatchilarni topish haqida oʻylamagan odam boʻlmasa kerak. Quyidagi taqriz ham detektiv janrining qirolichasi Agata Kristi qalamiga mansub “Ular oʻnta edi” asari haqida.
10 ta qahramon. Kimsasiz orol. Atrofi suv bilan toʻsilgan. Hech qanday qayiq yoʻq. Oroldan esa ketishning imkoni nolga teng.
Orolga kelishingiz bilan sizni aldashganini, yuborilgan maktubdagi xabar yolgʻonligini bilganingizda qay ahvolga tushardingiz? Undan ham dahshatlisi, sanoq sheʼr va unga ustamonlik bilan yashirilgan oʻlim rejasi. Siz qotillik qilgansiz, ammo buni qonunan isbotlashni imkoni yoʻq. Jinoyat qilib, hech nima boʻlmaganday yashab yurgan edingiz. Birdan bu haqida kimdir xabar topdi-da, sizni jazoga mahkum qilmoqchi. Hukm allaqachon qabul qilingan. Shafqatsiz, istisnolarsiz oʻlim.
Uogreyv, Lombard, Vera Kleytorn kabi boshqa 7 ta aʼzo ham birin-ketin halok boʻladi. Ularni kim oʻldiryapti? Qotil oʻzlaridan birimi yoki yana kimdir bormi? Reja mukammal tuzilgan edi. Hech qanday oʻzgarishlarsiz, batartib davom etadi. Oʻqish davomida bunisi deb oʻylasangiz, ozginadan keyin u dunyoga rihlat qilgan boʻladi. Muqaddimadan to xotimagacha kim, kim, kim degan savol turadi va shu orqali ham mutolaa jarayonida zerikmaysiz.
Agar jinoyatchi suddan qochib qutulgan bo‘lsa, uning jazoga loyiq ekanligini kim hal qiladi va adolatni kim amalga oshiradi? Demak, kimdir adolatni tiklamoqchi. Oʻzini “adolat posboni” qilib koʻrsatmoqchi.
U chiqargan hukm - oʻlim jazosi keskin jazo emasmidi, ular qilgan jinoyatlar uchun bu koʻp emasmidi, koʻngilxushlik uchunmidi va yo?
Soʻngsoʻz oʻrnida shuni aytishim mumkinki, A. Kristidan koʻp narsa kutgandim. Toʻgʻri, oldin bu janrda asar oʻqimagandirman, lekin yetarlicha film/serial koʻrganman. Shunga menga biroz yengil yozilgandan, yozuvchining mahorati toʻla aks etmaganday tuyildi. Biroq oʻqisangiz afsuslanmaysiz. Dunyoqarashingiz, fikrlash doirangiz, IQ'ingiz oshsa oshadiki, kamaymaydi.
Ifor 🫧
Yoqimli mutolaa.
“Ular oʻnta edi” – Agata Kristi
Yoshligida detektiv janriga qiziqmagan, qotilliklarni ochish, jinoyatchilarni topish haqida oʻylamagan odam boʻlmasa kerak. Quyidagi taqriz ham detektiv janrining qirolichasi Agata Kristi qalamiga mansub “Ular oʻnta edi” asari haqida.
10 ta qahramon. Kimsasiz orol. Atrofi suv bilan toʻsilgan. Hech qanday qayiq yoʻq. Oroldan esa ketishning imkoni nolga teng.
Orolga kelishingiz bilan sizni aldashganini, yuborilgan maktubdagi xabar yolgʻonligini bilganingizda qay ahvolga tushardingiz? Undan ham dahshatlisi, sanoq sheʼr va unga ustamonlik bilan yashirilgan oʻlim rejasi. Siz qotillik qilgansiz, ammo buni qonunan isbotlashni imkoni yoʻq. Jinoyat qilib, hech nima boʻlmaganday yashab yurgan edingiz. Birdan bu haqida kimdir xabar topdi-da, sizni jazoga mahkum qilmoqchi. Hukm allaqachon qabul qilingan. Shafqatsiz, istisnolarsiz oʻlim.
Uogreyv, Lombard, Vera Kleytorn kabi boshqa 7 ta aʼzo ham birin-ketin halok boʻladi. Ularni kim oʻldiryapti? Qotil oʻzlaridan birimi yoki yana kimdir bormi? Reja mukammal tuzilgan edi. Hech qanday oʻzgarishlarsiz, batartib davom etadi. Oʻqish davomida bunisi deb oʻylasangiz, ozginadan keyin u dunyoga rihlat qilgan boʻladi. Muqaddimadan to xotimagacha kim, kim, kim degan savol turadi va shu orqali ham mutolaa jarayonida zerikmaysiz.
Agar jinoyatchi suddan qochib qutulgan bo‘lsa, uning jazoga loyiq ekanligini kim hal qiladi va adolatni kim amalga oshiradi? Demak, kimdir adolatni tiklamoqchi. Oʻzini “adolat posboni” qilib koʻrsatmoqchi.
U chiqargan hukm - oʻlim jazosi keskin jazo emasmidi, ular qilgan jinoyatlar uchun bu koʻp emasmidi, koʻngilxushlik uchunmidi va yo?
Soʻngsoʻz oʻrnida shuni aytishim mumkinki, A. Kristidan koʻp narsa kutgandim. Toʻgʻri, oldin bu janrda asar oʻqimagandirman, lekin yetarlicha film/serial koʻrganman. Shunga menga biroz yengil yozilgandan, yozuvchining mahorati toʻla aks etmaganday tuyildi. Biroq oʻqisangiz afsuslanmaysiz. Dunyoqarashingiz, fikrlash doirangiz, IQ'ingiz oshsa oshadiki, kamaymaydi.
Ifor 🫧
Yoqimli mutolaa.