📚𝐉𝐚𝐬 𝐤𝐢𝐭𝐚𝐩𝐪𝐮𝐦𝐚𝐫 𝐤ú𝐧𝐝𝐞𝐥𝐢𝐠𝐢📒

Ne ekseń sonı orasań.

📑Blogımdaǵı postlardan baslap, jeke chatlardaǵı kishkene dialoglarǵa shekem maksimalno qátesiz, taza Qaraqalpaq alfabitinde jazıwǵa háreket etemen(bilimim jetkenshe). Jekede bolsın gruppa, kanalda bolsın qátesiz jazatuǵın adamlardı da bólek húrmet qılaman.

Taza Qaraqalpaq alfabiti kóp qurılmalarda joq, androiddaǵı "google keyboard"da da "i" nı basıp tursań "I", "u" nı basıp tursań "ú" h.t.b taza alfabittegi háripler kelip shıǵadı. Bul qanshadúr waqıt aladı, jazıw bir neshe payızǵa ástenlesedi.

Android klaviaturası (google keyboard) bir márte jazǵan gáplerdiń sózleriniń izbe izliklerine shekem yadlap qaladı. Sol menen keyingi sapar "Assalawma" dep jazsańız "aleykum" sózi, "Jaqsı" dep jazsańız "raxmet, qalay óziń?" sózleri izbe iz "подсказка" bolıp shıǵıp turadı.

Sol funktsianallıqtan aktivno paydalanaman, júdá qolaylı, waqtım tejeledi. Jazıw qolaysız jaǵdaylarda da sózdiń basın jazsam izin ózi shıǵarıp berip turadı.

Joqarıda aytqanımday klaviatura sózlerdi internetten, yamasa aspannan alıp bermeydi. Men ne jazsam sonı yadlap qalıp, keyinshelik ózime sonı qaytarıp shıǵarıp beredi. Bul degeni men sózlerdi durıs jazsam durıs "подсказка" kórsetedi, qáte jazsam qáte.

Sonıń ushın hár telefon almastırǵanımda yamasa onı tazalaǵanımda jazısıwıma, sózlerdiń qáte durıslıǵına, grammatikalıq, orfografiyalıq qátelikleri joq ekenligine qattı itibar beremen. Bir kezleri erinemen, biraq eger erinip qáte, qısqartıp jazıp ketsem keyinshellik asıǵıp turǵanımda sol qáte "подсказка" dan paydalanıp ketiwge májbúr bolaman, qáte jazıw ádet bolıp qaladı.

Perzent tárbiyası, jaslıqta qánshelli dárejede ilim-bilim úyreniw, proekt baslap atırǵanda kóp paydalanılatuǵın component, service'lardı aldınnan optimal qılıp tayarlap alıw(programming) h.t.b ómirdegi kórinislerden usı joqarıdaǵı jazǵanlarıma mısal keltiriwge boladı. Arjaǵın jazıwımda shárt emes.

t.me/ikhlasaralbaev_blog