Kitob tumani hokimligi| RASMIY

Kitob tumanida obodonlashtirish ishlari davom etmoqda

Xususan, tuman hududidan o‘tuvchi M-39 "Olmaota-Bishkek-Toshkent-Shahrisabz-Termiz" avtomobil yo‘li yoqasi bo‘ylab obodonlashtirish ishlari olib borilmoqda. Mazkur ishlar doirasida yo‘lning har ikki qismida manzarali gul ko‘chatlari ekilmoqda.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

Viloyat hokimi Kitob erkin iqtisodiy zonasi va hududdagi qurilish ishlari bilan tanishdi

Bugun Qashqadaryo viloyati hokimi Murotjon Azimov Kitob tumanidagi Makrid kengliklarida tashkil etilayotgan "Kitob erkin iqtisodiyot sanoat zonasi"da olib borilayotgan ish jarayonlari bilan yaqindan tanishdi. Ushbu sanoat hududi 37 gektar maydonda joylashgan bo‘lib, 20 ta lotdan iborat (Kelgusida sanoat zonasi hududini 100 gektarga yetkazish hamda qo`shimcha ishlab chiqarish obyektlarini ko`paytirish rejalashtirilgan). Loyihaga ko‘ra, bu yerda qo`shimcha qiymat zanjirini yaratish maqsadida mikrokalsitdan tayyor mahsulot, shuningdek, boshqa turdagi qurilish materiallari ishlab chiqarish sanoat obyektlari faoliyat yuritishi rejalashtirilgan.

Viloyat hokimi sanoat zonasida ish boshlayotgan tadbirkorlar bilan uchrashib, ularning muammolari va takliflarini tingladi. Xususan, hududni zamonaviy kommunikatsiya tarmoqlari bilan ta’minlash masalasi muhokama qilindi. Hokim tegishli mutasaddilarga infratuzilma va kommunikatsiya ishlarini jadallashtirish bo‘yicha tegishli topshiriqlar berdi.

Shuningdek, "Qarshi Conch Sement" xorijiy korxonasi vakillari bilan ham muloqot o`tkazildi. Unda sanoat zonasining energiyaga bo‘lgan ehtiyojini qondirish uchun korxona hududida yana qo‘shimcha 30 megavatt quvvatga ega quyosh panellari o‘rnatish taklifi ilgari surildi. Ushbu tashabbusning asosiy maqsadi – ishlab chiqarilgan energiyani bevosita unga yaqin bo`lgan sanoat zonasi ehtiyojlariga yo‘naltirish. Xorijiy kompaniya vakillari bu taklifni ma’qullab, loyihani amalga oshirishga tayyor ekanliklarini bildirishdi.

O‘rganishlar davomida viloyat hokimi mahalliy tadbirkorlar tomonidan yangi barpo etilayotgan ko‘p qavatli turar-joy binolari qurilishi jarayonlari bilan ham tanishdi. Mazkur loyihalar shaharsozlikni rivojlantirish va aholi uchun qulay yashash sharoitlarini yaratish maqsadida amalga oshirilmoqda. Zamonaviy uy-joylar barpo etilishi mahalliy infratuzilmani rivojlantirish, yangi ish o‘rinlari yaratish va ijtimoiy sharoitlarni yaxshilashga xizmat qiladi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt| ✅Telegram | ✅Twitter | 📹YouTube

Kitob tumanida navbatdagi "Bo‘sh ish o‘rinlari mehnat yarmarkasi" bo‘lib o‘tdi

Bugun Kitob tumanida "Bo‘sh ish o‘rinlari mehnat yarmarkasi" bo‘lib o‘tdi. Ushbu yarmarka "Ayollar daftari" va "Yoshlar daftari" ro‘yxatiga kiritilgan fuqarolar, ijtimoiy himoyaga muhtoj shaxslar, migratsiyadan qaytgan aholi vakillari hamda probatsiya ro‘yxatida turuvchi shaxslarning bandligini ta’minlash, ularning doimiy daromad manbalariga ega bo‘lishi uchun tashkil etildi.

Yarmarka doirasida tumandagi 30 dan ortiq muassasa va korxonalar o‘zlaridagi mavjud 350 ta bo‘sh ish o‘rni bilan ishtirok etdi.

Tadbir davomida:
▪️ Ish izlovchi fuqarolar ish beruvchilar bilan bevosita suhbat o‘tkazish imkoniyatiga ega bo‘ldi.
▪️ Ko‘plab ishtirokchilarga ishga joylashish bo‘yicha yo‘llanmalar berildi.
▪️ Qator fuqarolar bilan ish beruvchilar o‘rtasida mehnat shartnomalari tuzildi.

Tashabbusning ahamiyati
Mehnat yarmarkasi orqali ishsiz va band bo‘lmagan aholiga ish topishda amaliy yordam ko‘rsatilib, ularning hayot darajasi yaxshilanishiga turtki beriladi. Ayniqsa, ayollar va yoshlarni ish bilan ta’minlash masalasiga alohida e’tibor qaratilib, ularning kasbiy ko‘nikmalarini oshirish, tadbirkorlik faoliyatini boshlashi uchun imkoniyat yaratish muhim ahamiyat kasb etadi.

Bu kabi yarmarkalar orqali mahalliy korxonalar o‘zlari uchun malakali ishchi kuchini topish imkoniyatiga ega bo‘lmoqda. Shu bilan birga, tadbir davomida fuqarolarga bandlik bo‘yicha huquqiy maslahatlar berildi, mavjud subsidiyalar, imtiyozli kreditlar va davlat tomonidan qo‘llab-quvvatlash mexanizmlari haqida ma’lumotlar yetkazildi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt| ✅Telegram | ✅Twitter | 📹YouTube