shittalk

#30dayWritingChallenge | Write about love.

Oukey, love. Ko'p joyda o'qigan bo'lsangiz kerak, love deganda har doim ham qarshi jins vakili bilan munosabatda bo'lish tushunilmasligi kerak deb yozishadi. Ha, bu to'g'ri. Sevgi har doim ikki inson o'rtasidagi munosabat emas. Buni hamma har xil ko'radi. Lekin men bugun sizlarga sevgi deganda nimani tushunishim, qanaqa ko'rishimni aytib bermoqchiman. Obyektiv fikr kutmang.

Menga sevgidan ham ko'ra muhabbat deb atash ko'proq yoqadi. O'zi bu haqida kichik post ham yozganman. Ha, love deganda mening xayolimga birinchi o'rinda ikki inson orasidagi munosabatlar keladi. Bir qiz o'rtog'im bilan gaplashib o'tirgandik bir kuni. Gapdan gap ochilib, u menga sevgi nima degan savol bergandi.

U faqat ikki insonning bir-biriga qiziqishimi? Agar shunaqa bo'lsa, ular qachondir bir-birini anchagina o'rganib, qiziqishini yo'qotadi. Keyin shunda hammasi tugaydimi? Bu sevgi emasmi?

Bir-biriga qiziqish sevgi bo'lishi mumkin, lekin muhabbat bo'lmasligi mumkin. Muhabbat faqatgina bir-birini o'rganishdan tashkil topmagan. Mana bu postdagi rasmda yozganimdek, bir insonda nimaiki bo'lsa, muhabbatda ham barchasi bor. Juftlik birga xursandchilik qilishadi, birga yangi narsa o'rganishadi, birga siqilishadi, birga kuylashadi.

Muhabbat - birlik. Unda ikki tomon bir-biri bilan diffuziya bo'lib ketib, birdamlikka intilishadi. O'sha savolni bergan qiz o'rtog'im hozir sevgan insonim, yarmim. Boshqa kun gaplashib o'tirganimizda, "o'shanda sen sevgi va muhabbatni ta'riflab berganingda sevib qolgandim" degandi.

Hayotning ma'nosi yo'q, hamma o'zi uchun ma'no tanlaydi deganman ko'p postlarda. Mening hayotim ma'nosi birgalikda tinch hayotda yashash. Odatda bu mavzuda, aniqroq aytganda, shaxsiy hayotimning shu qismi haqida gapirishni, yozishni yoqtirmayman publicda. Sir saqlayman. Lekin bugun yozdim, ребята.

Shunaqa. Sevib yashanglar, sevilib yashanglar )

@xfeusw