Telegram Analytics

TGStat хизмати янгиликларидан бохабар бўлиш учун обуна бўл!

SearcheeBot

Telegram-каналлар оламидаги сизнинг йўлбошчингиз.

TGAlertsBot

Каналингиз репостлари ва эсловлари ҳақида хабар беради.

Statistika Saralanganlar

Jasurbek Hasanov

@khasanovjasurbek

Kanal geosi va tili: O‘zbekiston, O‘zbekcha

Toifa: Dizayn

ijodga – ijodkor nigohi.
*tajriba: be.net/khasanovuz
Hamkorlik uchun: @creative_dprt
Shaxsiy: @khasanov_jasurbek

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Dizayn

Statistika

Postlar filtri

O‘chirilganlarni yashirish

Repostlarni yashirish

Jasurbek Hasanov

24 Apr, 07:45

Bu pozitsiya, dizayndan chiqib menejmentga o’tishga ilk qadam bo’ladi.

Meni buni boshqa tarafi – kompaniyalar miqiyosida bu lavozimni o’rni haqida aytmoqchiman.

Kichik kompaniyalarda “art direktor” nomi bor xolos, lekin amalda bu rol ko‘proq dizaynerlarga vazifa taqsimlash, ish jarayonini boshqarish va tayyor dizaynlarni nazorat qilishdan iborat bo‘ladi. Strategik emas, operatsion darajadagi rol. Va ilk bosqichda sinab ko’rish uchun ideal variant.

Katta tizimlarda esa bu rolga yuk ko‘proq: vizual qarorlar, stil tizimi, platformalararo uyg‘unlik, hatto brendga tegishli asosiy tasdiqlargacha shu lavozimning qo’lidan o‘tadi.

Menejmentga o’tishdan avval, kichik loyihalarda o’zini sinab ko’rish kerak. Jarayonning o’zidagi yuklatiladigan vazifalar unga begona tuyulib, “ruhan azoblansa” almashtirishni o’ylasa bo’ladi.

@khasanovjasurbek

687 0 0

Jasurbek Hasanov

19 Apr, 21:10

0 dan boshlash — ijodkor uchun odatiy holat. Hattoki, odat ham )

Har safar yangi uslub, yangi vizual. Hamma narsa kayfiyatga qarab qilish. Bu erkinlik. Lekin ayni paytda muammo.

Post chiqishi, ish yakunlanishi, dizayn tushunarli bo‘lishi kerak. Lekin kayfiyat bo'lmasa-chi?

UMFT’da shu narsa sezildi. Har safar dizayn boshqacha. Go‘yoki har gal boshqa odam qilganday, lekin oxirida stil yo‘qolib qoldi. O‘zim ham davom ettira olmay qoldim.

Shunda tushundimki, tizim — ijodni o‘ldirmaydi. U doim energiyani zuluk kabi so'rib oladigan qarorlardan xalos qiladi. Fikrlashga, g‘oya qilishga vaqt beradi.

Dizayn tizim bu — har safar o‘sha bir xil savollarnini bermaslik. “Qayerdan boshlay?”, “Qanday joylashtirsam ekan?” degan ichki savollar qurshovidan qutulish yo'li.

Natijada, har qanday holatda ham ish sifati o‘zgarmaydi.

@khasanovjasurbek

1.2k 0 5 1

Jasurbek Hasanov

13 Apr, 18:46

Ko‘pchilik charchoq, dedlaynni cho‘zish va balans yo‘qligi bilan kurashadi.

Barchasini bitta sabab bog‘lab turadi — noto‘g‘ri taqsimot.

Eng ko‘p uchraydigan holat: dedlayn uzoq bo‘lsa, avval yengil ishlar bilan vaqt o‘tkaziladi. Keyin esa dedlayn “yonishni” boshlaganda, bor kuch ishga tashlanadi. Kechasi bilan ishlab chiqiladi.

Bunday holatda bosim bo‘lmaydi, dam olish qachon bo‘lishi ham noaniq. Ustiga-ustak, doimiy charchoq paydo bo‘ladi.

Yechim esa — top-heavy ishlash modeli.

Bu uslubda asosiy ishlar haftaning yoki kunning boshiga to‘g‘rilanadi, oxiri esa energiyani qayta tiklash va yengil vazifalarga qoldiriladi.

Ishlash tartibi:
– Haftaning birinchi 3 kuni: eng muhim va og‘ir ishlar
– Qolgan kunlar: yengil topshiriqlar, yakunlash yoki dam olish
– Kun ichida: ertalab — fokus, kechga — yengil ishlar

Bu olimpiya sportchilarining mashq qilish uslubi. Bu bo'yicha batafsil video orqali tushunib olishingiz mumkin. (ingliz tilida)

@khasanovjasurbek

1k 0 12 2

Jasurbek Hasanov

12 Apr, 18:20

Bu ijodiylikni "ochib" tashlaydigan kitobdan bir shingil fikrlar.

'Steal Like an Artist' bu kitobni olib, aynan, qo'l bilan ushlab, his qilib o'qiladigan kitoblardan biri.

Qisqa qilib aytganda bular — ijodiy hayot qoidalari.

@khasanovjasurbek

1.5k 0 21 7

Jasurbek Hasanov

10 Apr, 17:06

Dizaynerlik o‘zidan-o‘zi karyeraga aylanmaydi.
Yo‘l tanlash kerak bo‘ladi.

Bu xarita — aynan shu tanlov jarayonida menga yordam bergan sxema. Agar siz ham qaysi yo‘lga burilish haqida o‘ylayotgan bo‘lsangiz, ish beradi.

*men tanaffus paytida aynan shular bo'yicha o'ylab ko'rgan edim.

(Ilhom manbasi: Christina Wodtke)

@khasanovjasurbek

1k 0 15 5

Jasurbek Hasanov

9 Apr, 18:16

Ijod — chigallikdan chigallikacha bo‘lgan yo‘l.

Ijod qilaman desangiz, boshida shunaqa bo‘ladi.
Keyin ham.
Faqat siz uni yoqtira boshlaysiz.

*Bu vizual aynan shu ichki kurash haqida.

@khasanovjasurbek

930 0 5

Jasurbek Hasanov

6 Apr, 12:45

Yaqinda faoliyatimda bir oz tanaffus bo‘ldi.
Shu vaqt ichida keyingi bosqich haqida o‘yladim.

Meraki’da qisqa vaqt brend dizayner sifatida ishladim.
Qisqa vaqtdagi katta tajriba uchun rahmat!

Endi esa, frilansdagi art direktorlik pozitsiyamni asosiy faoliyatimga aylantiryapman.

So‘nggi yillarda 10 ga yaqin dizaynerlar bilan ishladim, loyihalarni yo‘naltirdim. Bu menga kreativ qarorlar va strategik fikrlash ko‘nikmasini rivojlantirdi.

Kreativ va strategik dizaynga ochiq loyihalar bo‘lsa — men tayyorman.

@khasanovjasurbek

1.1k 0 0 1

Jasurbek Hasanov

5 Apr, 22:30

Ijod degani shunaqa:

Qiziqish bor,
cheklovlar ham bor,
har kuni nimadirdan boshlaysan.
Ilhom oladigan narsalaring bo‘ladi,

va eng muhimi — hamma kabi emas,
o‘z uslubingda qilasan.

@khasanovjasurbek

1.1k 0 6 3

Jasurbek Hasanov

4 Apr, 22:25

Zerikarli bo‘ling.

Anchadan buyon hech nima qila olmayotganimni sezdim. Ya'ni menda ichki qoniqish darajasi juda tushib ketdi. Shu sababdan, buning sabablarini qidira boshladim.

Tabiiyki, 'screen time' ko'rib chiqdim. Judayam ko'p vaqt o'zimni sun'iy band qilish bilan bandman.

Sababi hech nima qilmayotganimni shu narsalar ortiga yashirish. Hech nima qilayotgan pozitsiyasidan, nimadir qilyapman pozitsiyasini noto'g'ri to'ldirdim.

Shundan so'ng men barcha eng ko'p foydalanadigan saytlarimga cheklov o'rnatdim. Iloji boricha, zerikishga harakat qilyapman.

Ishni bitirishning yagona yo'li shu. Zerikish.

@khasanovjasurbek

1k 0 6 5

Jasurbek Hasanov

28 Mar, 14:25

Ko'plab dizaynerlarni fikrlarini o'qidim. Shundan umumiy xulosam, AI dizayn yo'nalishida quyidagicha o'zgarishlarga sabab bo'ladi:

— Bajarishdan ko'ra, g'oya va didning qadri oshadi;
— Bir ishga nisbatan dizaynerlar ehtiyoji kamayadi. Lekin boshqa pozitsiyalar (masalan, art direktor, kreativ direktor) uchun raqobat kuchayadi;
— Ijodiy va texnik jihatdan kuchlilar eng kerakli bo‘ladi. Chunki AI hali mukammal emas.

*Ishsiz qoldiradimi? Ha, aynan ma'lum dizaynerlarga talabni kamaytiradi.

@khasanovjasurbek

1.5k 0 6 12

Jasurbek Hasanov

27 Mar, 21:30

yangi ChatGPT haqida qanday fikrdasiz? 🤔

@khasanovjasurbek

1.2k 0 0 21

Jasurbek Hasanov

27 Mar, 14:45

Mart oyida ko'plab yaxshi natijalarga sabab bo'lgan muqova dizaynlari 🔥

Art direktor: Jasurbek Hasanov
Ijodkorlar: Komron Toshkanov, Siroj Rustamov, Nusratilla Azimov

@khasanovjasurbek

1.2k 0 3 10

Jasurbek Hasanov

23 Mar, 18:25

*Yozishdan oldin emas, yozgandan keyin tekshiring.

@khasanovjasurbek

1.4k 0 7 4

Jasurbek Hasanov

19 Mar, 17:31

Tasavvur qiling: bir kun uyg‘onasiz-u, hech qanday yangi g‘oyalar hayolingizni bir chetiga ham kelmaydi.
Ilhom yo‘q.
Motivatsiya ham.

Bu holatga „ijodiy inqiroz“ deb aytishadi. Har qanday ijodkor bir kunmas bir kun bu holat bilan duch keladi.

Sizda shunday holat bo'lganmi?

@khasanovjasurbek

1.8k 1 5 25

Jasurbek Hasanov

17 Mar, 01:25

Shunaqa, dizayner bo‘lib bir joyda “patolok”ka urilasiz. Mas’uliyat olishga tayyor bo‘lmasangiz, o‘sha joyda qolaverasiz. Daromad o‘sishi degani — mas’uliyat ortishi degani aslida. Boshqacha bo‘lmaydi.

@khasanovjasurbek

1.5k 0 3 2

Jasurbek Hasanov

11 Mar, 07:05

O‘ylash xavfli

Bu hech qanday "clickbait" emas. Rostdan ham ish jarayonida o‘ylash sizni ishdan chalg‘itadi.

G‘alati paradoksmi?

Odatda, biror ishni qilish paytida boshqariluvchi shovqinlardan foydalanaman. Bu bo‘lishi mumkin: musiqa, biror video va hokazo. Buni o‘zingiz istalgan payt yoqishingiz yoki o‘chirishingiz mumkin.

Qanaqa ish jarayoni desangiz, aynan o‘ylash emas, amalga oshirish bosqichiga kelganda ortiqcha o‘ylar yoki umuman ishga aloqador bo‘lmagan fikrlarni „o‘chirib qo‘yishim“ kerak.

Tabiiyki, ortiqcha fikrlar ish sifatiga ta’sir qiladi.

@khasanovjasurbek

1.7k 0 5 11

Jasurbek Hasanov

5 Mar, 07:04

Natija e’tiborga bog‘liq

Ba’zan mijozlardan: "Nega ba’zi dizaynlar zo‘r chiqibdi-yu, boshqalari unchalik emas?" degan savolni eshitaman.

Javob oddiy: e’tibor.

Qaysi ishga ko‘proq vaqt va resurs ajratsangiz, natijasi ham shunga yarasha bo‘ladi. Ssenarist haftalab ssenariy yozadi, montajor videoni puxta tayyorlaydi – chunki ular natijaga ta’sir qilishini bilishadi.

Muqovaga esa kamdan-kam hollarda shunday yondashiladi. G‘oya ustida o‘ylash, suratga tushirish, test qilish – bularning barchasi muqovani samarali qilish uchun zarur. Lekin ko‘pincha bu jarayon shoshilinch va yuzaki bo‘ladi.

Eng yaxshi misol? 1 kunlik dedlaynlar.
Albatta, shunday muddatda ham nimadir qilish mumkin. Lekin sizga shunchaki nimadir emas, videoingizni ko‘rishga undaydigan muqova kerak.

Shunday ekan, e’tibor natijani belgilaydi. Muqovaga yetarlicha vaqt ajratilmasa, u tomoshabinni jalb qila olmaydi. Video ustida qancha ishlashdan qat’i nazar, agar muqova e’tiborsiz qoldirilsa, video kutilgan natijani bera olmasligi mumkin.

@khasanovjasurbek

1.5k 0 3 2

Jasurbek Hasanov

28 Feb, 17:49

Fevral oyida tayyorlangan muqovalardan bir parcha

Art direktor: Jasurbek Hasanov
Dizaynerlar: Komron Toshkanov, Siroj Rustamov, Nusratilla Azimov

@khasanovjasurbek

1.4k 0 4 2

Jasurbek Hasanov

27 Feb, 07:46

Yaxshi natija vaqt bilan keladi

Andrew Price videolaridan birida aytib beryapti:
"Yozuvchi Stephen King birinchi qoralamasini tugatgandan so‘ng unga olti hafta qaramaydi. U boshqa ishlar bilan shug‘ullanadi, ta’tilga chiqadi yoki yangi kitob yozishga kirishadi.

Keyin esa, unga qaytgach, xuddi boshqa odamning ishini o‘qiyotgandek bo‘ladi. Bu unga mutlaqo yangi nuqtai nazardan qarash imkonini beradi – agar u shunchaki joyida o‘tirib davom ettirganida, bunday natijaga erisha olmas edi."

Bu misolni berishimdan maqsad, ijodkor o'z ishiga tashqaridan, boshqa perspektivalardan qaray olishi kerak. O'zini-o'zi tanqid qila bilishi kerak.

Dizayn jarayonida ham shuni qo‘llash mumkin:
Tayyorlagan dizayningizni darrov mijozga yubormang. Uni chetga olib qo‘yib, bir muddatdan keyin qayta ko‘rib chiqing.
Tabiiyki, avval sezilmagan kamchiliklar ko‘rinadi.

Yoki post yozayotgan bo‘lsangiz – uni birdan kanalga joylab yubormang.
Qayta o‘qigach, tuzatishlar kerakligini sezasiz.

*Ba'zida postlarimni yozib bo'lgach, birdan kanalga joylab yuboraman. Qayta o'qiganimdan keyin tahrirlashim kerakligini sezaman.

G‘oyangiz bormi? Uni yozing, keyinroq boshqa kayfiyatda o‘qing.
Shunda zaif tomonlar, egovlash kerak bo‘lgan qirralar aniqroq ko‘rinadi.

Ijodga vaqt bering. Eng yaxshi natijalar shoshilish bilan emas, vaqt bilan keladi.

@khasanovjasurbek

1.4k 0 6 1

Jasurbek Hasanov

26 Feb, 07:46

“Kamroq iste’mol qil, ko‘proq yarat.” – Jay Alto

Ko‘proq kontent ko‘rsam, fikrlarim rivojlanadi, ijodim kuchayadi deb o‘ylardim. Ammo ijodiy jarayon boshqacha: ijod – iste’molda emas, harakatda shakllanadi.

Har bir ortiqcha o‘qilgan maqola, har bir ortiqcha ko‘rilgan video sizni tomoshabin sifatida kuchliroq qiladi. Ammo yaratuvchiga aylantirmaydi.

Aziz Rahimov podkastlaridan birida aytgandi:
“20 daqiqa kontent iste’mol qilsangiz, 25 daqiqa yarating.”

Bu oddiy nisbat ham ijodingizni kuchaytiradi, fikrlaringizni aniqroq qiladi.

Eshitish – bilim emas.
Tomosha qilish – tajriba emas.
O‘rganish – qo‘llar harakatga kelganida boshlanadi.

Siz kutayotgan ideal kontent yo‘q. Uni yaratadigan – o‘zingizsiz.

@khasanovjasurbek

1.1k 0 7 5

20 ta oxirgi post ko‘rsatilgan.

1 145

obunachilar

Kanal statistikasi

Kanalda mashhur

Bu ijodiylikni "ochib" tashlaydigan kitobdan bir shingil fikrlar. 'Steal Like an Artist' bu kito...

0 dan boshlash — ijodkor uchun odatiy holat. Hattoki, odat ham ) Har safar yangi uslub, yangi vi...

Ko‘pchilik charchoq, dedlaynni cho‘zish va balans yo‘qligi bilan kurashadi. Barchasini bitta sab...

Dizaynerlik o‘zidan-o‘zi karyeraga aylanmaydi. Yo‘l tanlash kerak bo‘ladi. Bu xarita — aynan sh...

Ijod — chigallikdan chigallikacha bo‘lgan yo‘l. Ijod qilaman desangiz, boshida shunaqa bo‘ladi. ...