𝑽𝒆𝒚𝒔𝒂𝒍🍿

#goodWillHunting #taqriz

Film: Good Will Hunting (Zakovatli Uil Hanting)
Janr: Romantic, drama
Sana: 1997
IMDb: 8,3/10

Bu filmni tahlil qilishimda va yanada yaxshiroq tushunishimda, kecha yaqinda o'qigan "Eljernonga atalgan gullar" romani yordam berdi deya olaman. Nega ekanligini fikrlarim davomida izohlab o'tib ketaman.
Film menga chuqur falsafiy atmosferasi bilan boshqacha ta'sir qildi. Men filmni, bebosh bir yosh yigitchani to'g'ri yo'lga boshlamoqchi bo'lgan bir professor va ruhshinos haqida film deya OLMAYMAN) Chunki film bunday mazmunda emas, men uchun. Menimcha bu film inson shaxsiyatining qanchalik murakkabligi to'g'risidagi film.
Boya aytib o'tgan romanimning bosh qahramoni Charli Gordon ham dahoga aylanishni boshlagan paytlarda uning o'ziga xos shaxsiyati paydo bo'la boshlaydi. U qancha ko'p o'qigani sari, atrofida insonlar kamayishni boshlaydi. Oldinlari o'zi bilgan eng zo'r olimlar, aslida bir tiyingga qimmat mansabparast ahmoqlar ekanini anglab yetadi va ularga nisbatan past nazar bilan qarash paydo bo'ladi. Hattoki, sevgan ayoliga nisbatan munosabati haqiqiymi yo'qmi bu ham shubha ostida qoladi. U doim erkin bo'lishni va mustaqil yetuk shaxs sifatida shakllanishni xohlaydi va men Will Huntingda ham shu fe'l-atvorni ko'rdim.
Boshqa bir taqrizni o'qiganimda qaysidir ma'noda film bosh qahramoniga nisbatan "tarbiyasiz" degan so'z ishlatilishi menga xatodek tuyilgandi. Fikrlarimni aniqlashtirish uchun ChatGPT bilan ozgina bu to'g'risida gaplashganimda qanchalik to'g'ri yoki xato o'ylaganimni bildim:

ChatGPT: Yuqori intellekt va odatiy qoidalarga qarshi turish: Daho insonlar ko‘pincha o‘zgacha fikrlashga moyil bo‘ladilar, ular jamiyatda o‘rnatilgan qoidalar yoki odatlar bilan kelishmasliklari mumkin. Bu ularni ba’zan tarbiyasiz yoki hudbin sifatida ko‘rsatishi mumkin, chunki ular o‘zlarini boshqa odamlarning fikrlariga yoki norma va qoidalarga nisbatan mustaqil deb bilishadi. Bu holatda, tarbiya masalasi insonning o‘ziga xosligidan kelib chiqadi, chunki ular ba’zida o‘z g‘oyalarini boshqalarga tushuntirishda ko‘rsatilgan odob qoidalarini buzishlari mumkin.

Diqqat, spoiler bo'lishi mumkin! Will Hunting 20-21 yoshlar atrofidagi yigit. Kuchli xotirasi va mantiqan tez fikrlashi tufayli bir professorning nazariga tushadi. Professor uni shaxsiyati yaxshi emasligi uchun ruhshinos qabuliga yozdiradi. Axaxaxa, shu joyiga mazza qildim lekin) Yigit aniq fanlar dahosi bo'lgandan keyin uni qandaydir ruhiy muolajalar qiziqtiradi yoki to'g'irlaydi deb o'ylashni o'zi xatoda. Mana nima uchun u hamma psixologlarning ustidan mazax qildi. Jin ursin, u tarbiyasi buzuqligidan emas, o'sha bir tiyinlik qiymati yo'q savsata sotuvchi insonlardan aqlliroq ekanligi uchun. Hattoki buni, mazax qilayotganini sezmagan ruhshinoslarning holatidan bilsa bo'ladi. Aqlli insonlar o'zidan saviyasi pastroq insonlarning ortiqcha keraksiz ma'lumotlarini javobsiz va be'tibor qoldirishi, ko'pchilik tomonidan tarbiyasizlik va hudbinlik kabi ko'rinishi mumkin, aslida bu xato va yangilish tushuncha)

Haqiqat, qo'rquv va ishonchsizlik

Nima uchun u aynan Dr. Sean Maguirega kelganda u bilan yaxshi munosabat o'rnata oldi? Javob oddiy doc unga shunchaki yigitda yo'q bo'lgan xususiyatlar haqida bor haqiqatni aytdi xolos. Willda, bilim ortidan quvib, hissiyotlarining umuman shakllanmay qolganligini o'zining tilida tushuntirib, ko'rsatib berolgani uchun hamda yigitni o'zi xohlagan ishga undagani, o'z xohish-istaklariga jiddiy qarashi kerakligini maslahat bergani va o'rtadagi samimiy suhbatlar, balkim, shular sabab bo'lgandir deb o'yladim.
Skylar bilan munosabatlariga keladigan bo'lsak, Willda doimiy qo'rquv hissi sezilib turardi. U bir narsadan, hissiyotlarini ijtimoiy tabaqasidan kelib chiqib o'yinchoq qilib tashlab ketishlaridan qo'rqardi, shuning uchun doim bu ish sodir bo'lishini oldini olib o'zini jiddiy munosabatlardan olib qochdi nazarimda.

Daho insonlarni qolipga solib bo'lmaydi)


Film haqidagi fikrlarim qisman shulardan iborat, ko'rishni maslahat beraman.

Bugun, miyyamni joyga qo'ygan holda "Good Will Hunting" haqida o'z fikrlarimni bildiraman)

Talabalarda xotira, sessiyaga 1 hafta qolganidagina, butun semestrga nisbatan yaxshi ishlaydi)

Normal uyqu holati buzilganidan ko'p aziyat chekaman, lekin bu insomnia emas. Men xohlagan vaqtim uyquga ketishim mumkin, ammo kamdan-kam holatda to'yib uxlayman. Kimdir doim meni huddi pultda boshqarayotganga o'xshab tuyilaveradi, miyyam menga bo'ysinmagan holda uyg'onaman va keyin tabiiyki uyqu menga begona. Hattoki tush ko'rmaslikni orzu qiladigan bo'lib qolibman.

Aslida bu xabarni yozmasimdan bir soat oldin uyg'ongandim)

Niyat qildim! Agar yutsam, olgan kitoblarim bilan rasmga tushib, kanalning avasiga joylashtiraman🌚

Olg'a obunachilar men sizlar bilan✊🏼❤️‍🔥