Продам твой канал за сутки.

Любой по федеральной программе.

Продам канал с доходом 138090

Всего за 55 000. Срочно нужны деньги.

Telegram Analytics

TGStat хизмати янгиликларидан бохабар бўлиш учун обуна бўл!

Statistika Saralanganlar

JO'RABEK RAMAZON

@jorabekramazon

Kanal geosi va tili: O‘zbekiston, O‘zbekcha

Toifa: ko‘rsatilmagan

Iste'dodli va zabardast shoir Jo'rabek Ramazon she'rlari kanali ochildi. Xalqona, nafosatli, go'zal ijodi bilan ko'plab muxlislar orttirgan shoirning oxirati obod bo'lsin!
Creator: @Niyatullo_n7

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

ko‘rsatilmagan

Statistika

Postlar filtri

O‘chirilganlarni yashirish

Repostlarni yashirish

JO'RABEK RAMAZON

3 Mar, 19:23

MARTGA QARAB BORYAPMIZ...

Martga qarab boryapmiz, mohim,
Qorlar qanday eriyapti, boq.
Ortilgandek mening gunohim,
Mung‘ayadi buncha Boysuntog‘...
Martga qarab boryapmiz, gulim,
Nihoya bor muzlashimizga.
Boychechaklar yer ostida jim,
Intiq yotar izlashimizga.

Biz baxtiyor edik baribir,
Entikaman eslagan onim.
Bahor kelar – bag‘ri to‘la sir,
Martga qarab boryapmiz, jonim.
Nega hanuz nigohingda muz,
Bu fasldan kim bezdirdi, kim?
Hamma martga boryapti-yu, biz
Ortga qarab boryapmiz, jonim...

Kim baxtli, deb so‘rama, asli
Baxtni kutib yotmagan baxtli.
Qaqshatuvchi qahraton fasli
Sira sovuq qotmagan baxtli.
Ishq izhori bitgan xatini
Yor qo‘liga tutganlar baxtli.
Muzlamagan muhabbatini
Martga olib o‘tganlar baxtli!

Jo‘rabek Ramazon

@JorabekRamazon

120 0 5 8

JO'RABEK RAMAZON

23 Feb, 08:05

Дард мени ӯзгартиб ташлади буткул,
Бошлаб бӯлармикан барин болидан?
Ҳақоратдан тилим чарчамас нуқул,
Оғримас юрагим кӯзлар ёшидан.

Ногоҳ эшитилиб қолса бирор сас,
Лаҳзада бузилиб кетар асабим.
Қийналиб етганда ӯпкамга нафас,
Соғдом одамларга келар ҳасадим.

Севгилим бор еди бошқалар каби,
Яшади ёнимда қӯлимдан тутиб.
Дилозорлик мени толиқтирмади,
Чарчади у барин ичига ютиб.

На унга беролдим биронта орзу,
На ундан бемаъни орзум яширдим.
Ӯ мени кафтидан туширмади-ю,
Мен унинг юзига кафтим туширдим.

Бир ӯй кемиради дилни эрта-кеч:
Наҳотки топилмас дардимга даво?!
Худодан мол-дунё тиламадим ҳеч,
Сӯраганим фақат бир ҳовуч ҳаво.

Ҳали ҳам етса гар юрагим доди,
Нимага ҳаётдан маҳрум этяпсан?
Эркам, нафасингда ҳаво бор еди,
Сен уни кимларга олиб кетяпсан?

ЖӮРАБЕК РАМАЗОН

@JorabekRamazon

248 0 5 3 10

JO'RABEK RAMAZON

17 Feb, 16:49

TOʻGʻRI YOʻL

U kun maʼyus eding, koʻzlaring gʻamli,
Ogʻir uzilgandi lablaringdan soʻz:
,,Tushundim, biz birga boʻlmaymiz baxtli,
Butkul boshqa-boshqa ekan yoʻlimiz ...ʼʼ

Toʻxta! Ura koʻrma bu xatoga qoʻl,
Ikkimizga hukm chiqarma shoshib.
Menga nima kerak sensiz toʻgʻri yoʻl,
Yaxshisi, sen bilan ketay adashib.

JOʻRABEK RAMAZON

@JorabekRamazon

314 0 3 15

JO'RABEK RAMAZON

11 Feb, 23:24

QISH KUNI

Oppoq edi bu dunyo,
Oppoq edi yuraklar.
Bagʻrin ochib yotardi
Iz qolmagan yoʻlaklar.

Shunday kunda nogahon
Toʻsamanu yoʻlingni,
Lablarimga bosaman
Qorlar qoʻngan qoʻlingni.

Keyin ... keyin dunyoda
Gʻam qolmas chekmoq uchun.
Hurlar tushar samodan,
Bizni qutlamoq uchun.

Dunyo oppoq, dunyo oq,
Bu dunyoda oʻlim yoʻq!
Ishonsang-chi, muhabbat,
Mangulikdir hamma yoq.

Kel, jonginam, toʻldirgin
Bu dunyoning kamini.
Ilk bor qoʻlingdan oʻpib,
Sezaman qor taʼmini.

JOʻRABEK RAMAZON

@JorabekRamazon

382 0 3 1 8

JO'RABEK RAMAZON

6 Feb, 07:43

Bugun kechagidan chiroyli biram,
O‘zimdan o‘zim zavq-shavqqa to‘laman.
Sen axir yulduzsan, qo‘rqmagin, erkam,
Bag‘rimga kel, senga falak bo‘laman.

Ko‘zdan qosh chiroyli, qoshdan qarog‘ing,
Mendan-ku baxtiyor hatto tarog‘ing,
Zerikib qolmasin biron barmog‘ing,
O‘zimga cho‘zaver, ermak bo‘laman.

Yecholmay muhabbat tuggan tugunni,
Hissiz deb o‘ylama men bag‘ri xunni,
Afsonaga aylantirib bugunni,
Hammani yig‘latgan ertak bo‘laman.

Sen boshqa qizlarga o‘xshama, jonim,
Joni azizga jon to‘shama, jonim,
Faqat bugunni deb yashama, jonim,
Ertaga men senga kerak bo‘laman.

Joʻrabek Ramazon

@JorabekRamazon

566 0 5 2 13

JO'RABEK RAMAZON

5 Feb, 20:46

TOʻRTLIK

Qilmishim xato-yu rasvolik boʻldi,
Qay ishni boshlamay gʻavgʻolik boʻldi.
Qorilgan loyimning taʼmini bilmay,
Orzuyim hamisha daholik boʻldi.

JOʻRABEK RAMAZON

@JorabekRamazon

326 0 10 1 14

JO'RABEK RAMAZON

29 Jan, 17:18

SUVGA CHOʻKIB OʻLGAN DOʻSTIMGA

Kimgadir tashlangan qarmoq ildimi,
Balki chorlagandir biror suvpari.
Yo uygʻoq qalbingga torlik qildimi
Dunyoning toʻrtdan bir quruqliklari.

Tuyuldimi koʻlning chuquri yuksak,
Suvning jilolari koʻzing oldimi?
Qizlardan sadoqat koʻrmagan yurak
Tilla baliqlarni sevib qoldimi?

Razolat koʻlkasi koʻksimni ezar,
Bu dunyo mening ham jonimga tekkan.
Suv ostida yashash qanday, birodar,
Baliqlar bir-birin aldamasmikan?

Oʻzga bir olamni koʻzlamoq afzal,
Yolgʻonchi dunyoni suygandan koʻra.
U yerda xiyonat boʻlmasa agar,
Hoziroq qoshingga boraman, joʻra!..

JOʻRABEK RAMAZON

@JorabekRamazon

404 0 2 1 15

JO'RABEK RAMAZON

25 Jan, 20:55

Yo Rab, Yusufning chehrasin emas,
Dardimni yashirar biron bir iz ber.
Shohona hayotni qilmadim havas,
Shunchaki bugunga rizq ila roʻz ber.

Gʻovlar qarshisida nochor qolgan dam
Aldamadim ichib behuda qasam.
Haqiqat koʻziga tik qaray desam,
Qoʻrqaman, sen bir juft chaqmoqli koʻz ber.

Umr — yoʻl, qonimga qonib ketyapman,
Goh sen, goh oʻzimdan tonib ketyapman.
Ezilib ketyapman, yonib ketyapman,
Koʻksimga bosayin, bir parcha muz ber.

Bilaman, maʼni yoʻq dunyo korida,
Soʻradim, soʻrayman tilim borida:
Yunus parilaring qolsin gʻorida,
Menga ajalingdan asrovchi qiz ber!

JOʻRABEK RAMAZON

@JorabekRamazon

405 0 4 10

JO'RABEK RAMAZON

22 Jan, 15:41

DUNYO

Bu dunyoning yozi qor,
Bahorlari kirmagan.
Shaytonlari mansabdor,
Farishtasi zoʻrlangan.
Dilni ozod etganda,
Gʻanim boʻyning egmasin.
Ogʻzing oshga yetganda,
Boshing toshga tegmasin.
Dunyoni yoʻqotishdan
Choʻchib yotmayman zinhor:
Qovurgʻamning ostida
Yana bitta dunyo bor.

JOʻRABEK RAMAZON

@JorabekRamazon

463 0 4 12

JO'RABEK RAMAZON

18 Jan, 16:43

Joʻrabek Ramazon xotirasiga

Kim aytdi: shoirlar odamday oʻlar,
Yoki tigʻ sanchilgan alamdan oʻlar.
Shoir oʻlgan kuni tirilib kelsa,
Oʻziga tutilgan motamdan oʻlar.

Shoirni koʻrganda uygʻonib ketar,
Gʻaflat uyqusidan qochadi dunyo.
Shoir bu dunyoni uygʻotib ketar,
Shoir oʻlgach koʻzin ochadi dunyo.

Shoirning boshiga yetmas ajali,
Duel chogʻi oʻlar, jang chogʻi oʻlar.
Shoirlar oʻlmaydi oqshom mahali,
Shoirlar musaffo tong chogʻi oʻlar.

Hayot — shirin meva, yeb toʻymas shoir,
Shoir maqtov yoki tilakdan oʻlar.
Shunchaki oʻlimni ep koʻrmas shoir,
Shoirlar oʻlganda yurakdan oʻlar.

NASRULLO ERGASH

@JorabekRamazon

963 1 8 11

JO'RABEK RAMAZON

16 Jan, 00:21

TUSH

Men uni tushda koʻrdim —
Sochin ortga tashlagan.
Yoshi oʻn yetti yoki
Oʻn sakkizdan oshmagan.

Koʻzlarimga termulib,
Termultirdi koʻzimni.
Men uni tushda topdim,
Soʻng yoʻqotdim oʻzimni.

Devona koʻnglim bir on
Choʻlgʻadi ajib farah.
Tishlari dur yo marjon,
Kulgusi guliqahqah.

Tark etgim kelar yerni,
Aylanib olqishlarga.
Men endi bu dunyoni,
Almashaman tushlarga.

JOʻRABEK RAMAZON

@JorabekRamazon

431 0 4 12

JO'RABEK RAMAZON

6 Jan, 15:39

Ниманидир бошлаш-ку мушкул,
Ниманидир тугатиш керак.
Ёки мени бўғизлаб буткул,
Сўнгги йўлга кузатиш керак.
Мен ўзимдан бўляпман жудо,
Бир нима де, жим турма, Худо!
Дунёнинг-ку этаклари кир,
Кўкрагидан босган қадамлар.
Муҳаббатсиз яшаб кўрсин бир
Мендан кейин қолган одамлар.
Менсиз қолар бўлса бу дунё,
Бу туйғудан айла мосуво!

Жӯрабек Рамазон

@JorabekRamazon

444 0 4 11

JO'RABEK RAMAZON

28 Dec 2024, 14:03

Севдим сени, орзуларим фалак бўлди,
Бошдан токи оёққача юрак бўлди.
Кимга дунё, кимга дунё моли керак,
Менга эса бир тасодиф керак бўлди.

Ой қизларга ойдан ҳам оқ бахт сўрадим,
Айрилиқдан анча йироқ бахт сўрадим.
Иккимизнинг измимиздан чиқди ҳаёт,
Иккимизга бошқачароқ бахт сўрадим.

Қўрқма ахир, юзимизга доғ тушмади,
Бошимизга ё осмон, ё тоғ тушмади.
Ҳайронамиз ҳайрати кўп дунёсида,
Шунча ғамдан сочимизга оқ тушмади.

ЖЎРАБЕК РАМАЗОН

@Jorabekramazon

488 0 6 11

JO'RABEK RAMAZON

24 Dec 2024, 22:22

“Сизни севиш керак, севиш ва севиш!..”

Эсимда лаҳзалик бахтиёр ҳаёт
Ва бизни бахтиёр қилолмаган қиш.
Барибир ўзимга пичирлайман бот:
“Сизни кутиш керак, кутиш ва кутиш!..”

Тутиб туролмадик бахт келган маҳал,
Мумкинмиди уни бировга сўйлаш?
Энди ўша бахтни топишдан аввал
Сизни ўйлаш керак, ўйлаш ва ўйлаш…

Инсон ўз тақдирин ўзи бошқарар…
Бу ёлғон, ҳамманинг тақдири чалкаш.
Мени-ку тугатиб бўлди бошқалар,
Сизни асраш керак, асраш ва асраш…

Балки бисотимда қолмаган нажот,
Балки эришганим барчаси эриш.
Барибир ўзимга пичирлайман бот:
“Сизни севиш керак, севиш ва севиш!..”

Жўрабек Рамазон

@JorabekRamazon

473 0 6 9

JO'RABEK RAMAZON

22 Dec 2024, 20:52

KECHIR MENI

Bolaligim Boysuntogʻ
Bagʻrida yelib ketdi.
Shundan buyon na qoʻmsab,
Na-da bir kelib ketdi.
Aytolmadi qizgʻaldoq
Boʻgʻzidagi ,,xayrʼʼini,
Chelak tutgan qizaloq,
Kechir meni, maylimi?

Men yoshlikday olisman,
Bolalikday hamnafas.
Sen bolalikday qochoq,
Yoshlikday unutilmas.
Xiralashgan bir yulduz
Izlar oʻsha daydini.
Xayolimday shirin qiz,
Kechir meni, maylimi?

Oqshom yigʻlar qizarib
Sayhonlarning sahnida,
Bir-birini aldagan
Ikki dilning ahdiga.
Yurak boʻzlar qontalosh,
Qoʻmsab lola saytini.
Qaldirgʻochim, qalamqosh,
Kechir meni, maylimi?

Koʻz yosh emas, qon ila
Ivib ketdi bolishim.
Senga bermagan qalbim
Xazonlarga alishdim.
Nahot ... Nahot yoʻqotdi
Joʻrabek sen Laylini?!
Boʻgʻzimda bir soʻz qotdi:
,,Kechir meni, maylimi?ʼʼ

JOʻRABEK RAMAZON

@JorabekRamazon

472 0 2 7

JO'RABEK RAMAZON

17 Dec 2024, 09:33

Sevgi – hali nomi topilmagan rang,
Oshiqlar oshiqib moʻyqalam izlar.
“Ishqingda devona boʻlaman”, demang,
Hozir telbalarni sevmaydi qizlar.

Koʻzlaring – yomgʻirda ivigan poʻstin,
Sevdingmi, chora yoʻq, olgʻa kurashga!
Mening bu qishloqi, toʻpori doʻstim
Yaramaydi hatto soat soʻrashga.

Sevgi – setorlarga sigʻmagan bir kuy,
Ohangi osmondan baland, ziyoda.
Dunyoning eng sodda oshiqlari-ey,
Uchrashuvga chiqib yurmang piyoda.

Mana men, tovusdan chiroyli qizning
Oʻgʻirlab yashadim xayollarini.
Zulmat qulflangan mudroq xonada
Quchoqlab yigʻladim roʻmollarini.

Alvido, muhabbat!
Alvido, yoshlik!
Koʻksimda bir nima kun sayin muzlar.
Bir qiz deb bir umr devona boʻldik,
Afsus, telbalarni sevmaydi qizlar.

Joʻrabek RAMAZON

@JorabekRamazon

520 0 9 2 18

JO'RABEK RAMAZON

15 Dec 2024, 10:22

KOʻCHA

Mening toshloq koʻchamdan
Dunyo boshlanar edi.
Koʻrinmasam, koʻchaning
Koʻzi yoshlanar edi.
Bir kun dunyoning oʻzga
Koʻchasiga yoʻl oldim.
Ortimdan ona koʻcha
Qoʻlin silkitib qoldi.
Yugurma har tomonga,
Yoʻlingni sayla, dedi.
Shoiri koʻp zamonda
Yoqang avayla, dedi.
Sen toʻpori, sen yuvosh,
Aldanish-chi, qiyinmas.
Nobakorlar otgan tosh
Menikiday mayinmas.

JOʻRABEK RAMAZON

@JorabekRamazon

376 0 1 13

JO'RABEK RAMAZON

7 Dec 2024, 13:22

АТАЙИН

Мен атайин илдам кетаман —
Сен ортимдан етоласанми?
Атайин кеч қоламан баъзан —
Тоқат билан кутоласанми?

Гоҳ ӯзимча куламан мамнун,
Гоҳо ғазаб қилиб озгина.
Атай жаҳлинг чиқармоқ учун
Ёлғондакам қиламан гина.

Мен атайин ӯламан бир кун
Йиғлайсанми — синамоқ учун ...

ЖӮРАБЕК РАМАЗОН

ATAYIN

Men atayin ildam ketaman —
Sen ortimdan yetolasanmi?
Atayin kech qolaman baʼzan —
Toqat bilan kutolasanmi?

Goh oʻzimcha kulaman mamnun,
Goho gʻazab qilib ozgina.
Atay jahling chiqarmoq uchun
Yolgʻondakam qilaman gina.

Men atayin oʻlaman bir kun
Yigʻlaysanmi — sinamoq uchun ...

JOʻRABEK RAMAZON

@JorabekRamazon

437 0 1 14

JO'RABEK RAMAZON

22 Nov 2024, 16:45

KOʻZLAR

Meni adashtirdi kaftdagi chiziq,
Manglaydagisi ham aldamchi ekan.
Ular koʻk koʻrsatsa — yoʻlimda qoziq,
Ular gul koʻrsatsa — qoʻlimda tikan.

Barmoqlar riyokor, tirnoqlar begʻam,
Qoʻllar istaganni quchadi, lekin
Inson taqdiriga qiyos manglay ham
Kimningdir koʻksini oʻpishi mumkin.

Biroq aldolmaydi bechora koʻzlar,
Nigohda qiyofa beradi yurak.
Behuda boʻsalar, havoyi soʻzlar,
Yor, faqat koʻzlarga ishonish kerak!

Manglayga topinib yashadikmi, ayt,
Garchi hayot bizni yutayotgan kit.
Hech boʻlmasa, jonim chiqayotgan payt
Koʻzingni yashirma ... Koʻzingni oʻqit ...

JOʻRABEK RAMAZON

@JorabekRamazon

638 0 8 16

JO'RABEK RAMAZON

15 Nov 2024, 20:54

ORZU

Shunday odam boʻlsang, shunchalar yaxshi,
Hech kimsa yoningga jim kelolmasa.
Bir emas, bir nechta Majnunning ishqi
Sening sevging bilan teng boʻlolmasa.

Shunday odam boʻlsang, yorqin hayoti,
Hamma yaxshi koʻrsa qondoshi kabi.
Ismingni tiliga olgan zahoti
Tinmayin titrasa qizlarning labi.

Shunday odam boʻlsang, nigohlari oʻq,
Tiling bulbullarga qoʻshiq oʻrgatsa.
Dard desa — dunyoda bunday narsa yoʻq,
Baxt desa — odamlar seni koʻrsatsa!

JOʻRABEK RAMAZON

@JorabekRamazon

767 1 12 3 26

20 ta oxirgi post ko‘rsatilgan.

391

obunachilar

Kanal statistikasi

Kanalda mashhur

Bugun kechagidan chiroyli biram, O‘zimdan o‘zim zavq-shavqqa to‘laman. Sen axir yulduzsan, qo...

QISH KUNI Oppoq edi bu dunyo, Oppoq edi yuraklar. Bagʻrin ochib yotardi Iz qolmagan yoʻlaklar. ...

TOʻGʻRI YOʻL U kun maʼyus eding, koʻzlaring gʻamli, Ogʻir uzilgandi lablaringdan soʻz: ,,Tushund...

Дард мени ӯзгартиб ташлади буткул, Бошлаб бӯлармикан барин болидан? Ҳақоратдан тилим чарчамас нуқ...

MARTGA QARAB BORYAPMIZ... Martga qarab boryapmiz, mohim, Qorlar qanday eriyapti, boq. Ortilgande...