JEL 🌐 ЖЕЛ

Шерзат марқұмның әкесі Қаржаубайға қарсы қылмыстық іс қозғады!!!


Бұған дейін Шерзат Полаттың әкесі Қаржаубай Нұрымов ұсақ бұзақылық жасағаны үшін 15 тәулікке қамалған. Оған қоғамдық орында әдепсіз сөздер айтты, құқық қорғау органдары қызметкерлерін қорлады, сондай-ақ айналасындағыларды сыйламады, қоғамдық тәртіпті және азаматтардың тыныштығын бұзатын әрекеттер жасады және көлік құралдарының жүруіне кедергі келтірді (ӘҚБтК-нің 434-бабының 1-бөлігі) деген айып тағылған. Қаржаубай інісі Нұрқанат өлген соң қатты ашынып кеткен еді.

Қаржаубайдың қарындасы Бақыт Реймова да 15 күнге жабылған. Ол Қазақстан Республикасының бейбіт жиналыстарды ұйымдастыру және өткізу тәртібі туралы заңнамасын бұзғаны үшін (ӘҚБтК-нің 488-бабының 8-бөлігі) әкімшілік жауапкершілікке тартылған. Оның азаматтығы болмауына байланысты кейіннен Қазақстан Республикасынан шығару туралы шешім қабылданған.
Қаржаубайдың тағы бір бауыры Салтанат Нұрымоваға ұсақ бұзақылық жасағаны үшін 20 АЕК (73 840 теңге) айыппұл салынған.

Енді қамауда жатқан Қаржаубайды қылмыстық іспен соттап, түрмеге тығып, ұлы мен інісінің өлімін әділ тергеуді талап еткізбей үнін өшірмек.


ЖЕЛге жаңалығыңды жібер👉 @jelgehat
ЖЕЛ арнаға жазыл 👉@jelide

«Әділетті Қазақстанда» әлсіздің көрген күні қорлық


Талғардағы Қаржаубай Нұрымовтың әулетіндегі қайғылы оқиғалар сериясына қарап авторитар биліктің бойындағы пост-Қаңтар синдромы өршіп бара жатқанын көреміз.
Ақорда мен күштік құрылымдар “халық көтеріліп кетпесе болды” деген үреймен азаматтарды, тіпті Қаржаубай Нұрымов секілді әділет іздеп шырылдаған жәбір көрушілерді де, алдап-арбауға, үркітуге, айыппұл салуға, қамауға дайын екенін танытты.
Талғардағы трагедияны “Ескі Қазақстанның Тоқаевқа жасаған саботажы” дейтін конспирологтар шықса, еш таң қалмаймын. Шын мәнісінде, қазір Қазақстанда билікті дәл өзі сияқты дискредитациялайтын саяси күш жоқ.


Әділетті Қазақстан, Тоқаевша айтсақ, “заң диктатурасымен” орнамайды. Әділетті Қазақстан азаматтар өз мемлекеті қорғансызға қорған болады, құқық қорғау органдары істі ашық әрі жан-жақты қарайды, сот әділ шешім шығарады деп шын сенген кезде ғана орнайды. Ел байлығының жартысынан астамы бар болғаны 165 адамның қолында шоғырланған, халқы айлығының 70%-ін тамаққа жұмсайтын, әрбір бесінші азаматы шетелге көшуді ойлайтын Қазақстанда ол сәттің жақында тумайтыны анық.
Ал ол күн туғанша Астанада ықпалды көкесі, оффшорда миллиондаған доллары, күштік органдарда “крышасы” жоқ “әлсіз” отбасыда туылған әрбір қазақстандық қатыгез, қорқақ әрі селқос қоғамда о бастан аутсайдер болып қала береді.

Шалқар Нұрсейітов, саясаттанушы


ЖЕЛге жаңалығыңды жібер👉 @jelgehat
ЖЕЛ арнаға жазыл👉 @jelide

ҚР Президенті Тоқаевқа!

ҚР Ішкі істер министрі Талғардағы жағдайды шеше алмаса, Жаңа Қазақстанды ОПГ басқарған, қазақтың сенімін жыққан, ең соңғы үмітін үзген, құрдымға кеткен қоқыс деп қоя саламыз.
Талғардағы бір әулеттің тас талқанын шығарған оқыс жағдай құқық қорғау органдарының кім екендерін, кіммен кімнің сыбайлас, байланысы бар екенін анықтайтын емтихан болып тұр. Құқық қорғау органдары бұл емтиханнан өте ме, өтпей ме, ол жағы мүлде белгісіз.
Өткенде Талғардағы оқыс жағдайды Ішкі істер министрі қолға алды, Бас прокуратура бақылауға алды деген еді. Дұрыс болыпты ғой деп қуанғанбыз. Бүгінгі болып жатқан жағдайлардан тіпті адам шошиды.
Президент Тоқаев таққа алғаш отырғанда Жаңа Қазақстан деген ұранды алға тартып, үлкен дипломатиялық лауазымдарда жұмыс істеп келген, бірнеше тілді біледі, өте интеллигент азамат, әділдік болар, шындық бой түзер деген сенімім болған.
Талғардағы жағдайды заң үстемдік ететіндей шешпесе, президент өзі араласпаса, жыл сайынғы желтоқсан мен қаңтар айларындағы үрей мен қорқыныш, дүрбелең белең алуы мүмкін. Бізде жағдай тек жоғарыдан берілетін тапсырманы ғана орындайды. Президенттің жалпы мынау сорақы жағдайдан хабары бар ма осы!?
Құрметті, президент мырза!
Мынау сорақы іске тікелей араласуыңыз керек! Құқық қорғау органдарының әрекетінде күмәнді жағдайлар өте көп сияқты.
Талғардағы жергілікті билік, полиция, прокуратура, ішкі саясат бөлімінің бәрінің кадрларын толығымен ауыстыру керек.
Әйтпесе, мынау сұмдық әрі сорақы жағдай Жаңа Қазақстан деген атауды өте жеккөрінішті етіп тұр. Бекболат Қаржан