Olim yetishtirgan ayol
Sahihi Buxoriyni sharhlagan olim, Ibn Hajar Asqaloniy yetimlikda o'sib, voyaga yetdilar. To'rt yoshga to'lganlarida otalari vafot qilgan. Onalari esa otalaridan avval vafot qilgan edilar. Sittur Rukba ismli opalari, yosh ukalarini o'z qaramog'iga olib, odob va ta'lim bergan edilar.
Ibn Hajar Asqaloniy opalari haqida eslab:
"Opam men bilan xushmuomala, muloyim va odobli edilar. Menga qilgan yaxshiliklari uchun Alloh ularni ajru savoblari bilan siylasin. Yosh bo'lishlariga qaramasdan, ulardan ko'p manfaatlar oldim, xulqu odoblaridan bahramand bo'ldim.
U kishi (Qur'onni yod olgan) qoriya va kotiba- yozuvchi edilar. Aql zakovatda tengsiz edilar. Opam menga onamdan so'ng, onam edilar" deyishadi.
Anvar Ahmad tarjimalaridan