ISHTIXON TUMANI HOKIMLIGI

#Bugun

Ishtixon tumanida yana bir xususiy tibbiyot muassasasi – “Imkon Med” klinikasi o‘z faoliyatini boshladi.

Bugungi klinika ochilish marosimi tumanning J. Maxmudov mahallasi hududida bo‘lib o‘tdi. Tadbirda mahalliy nuroniylar va tajribali faxriy shifokorlar ishtirok etishdi.

Mazkur tibbiyot muassasasi 23 o‘ringa mo‘ljallangan bo‘lib, u zamonaviy texnologiyalar asosida 25 turdagi fizioterapiya muolajalari hamda laboratoriya tekshiruvlarini amalga oshiradi.

Bu klinika aholiga yanada yuqori sifatli tibbiy xizmat ko‘rsatish yo‘lga quyilgan.

Murojaat uchun:+998995252193
——
ISHTIXON TUMANI HOKIMLIGI AXBOROT XIZMATI
Ishtixon.uz |Telegram |Instagram |Facebook

Mehnat munosib rag'batlantirildi

Joriy yil oktabr oyida “Mahallalarda soliq organlari faoliyati” axborot tizimida Samarqand viloyati Ishtixon tumanidagi 8 ta mahallaga biriktirilgan 3 nafar soliq inspektorining samaradorlik ko‘rsatkichi (KPI) - 88,5 ballni tashkil etdi.

Umumiy reytingda 4 nafar soliq inspektorlari 90 balldan yuqori, 1 nafar soliq inspektori esa 100 ball samaradorlik ko‘rsatgichlariga erishdilar.

100 ballilar qatorida tumanimizda faoliyat olib borayotgan soliq inspektori Adxam Toshboyev ham bor.

Adxam Toshboyevga tumandagi “Xonaqa” hamda “Chimqo'rg'on” mahallalari biriktirilgan.

Uning ko‘magi bilan qisqa davrda ushbu mahallarda moliyaviy qiyinchilik tufayli vaqtincha faoliyatini to‘xtatgan 28 ta subyektning faoliyati tiklandi, noqonuniy faoliyat ko‘rsatib kelayotgan 51 ta norasmiy tadbirkorlarning faoliyati qonuniylashtirildi. Bundan tashqari, uyida norasmiy daromad topib kelayotgan 352 nafar fuqaro o‘zini o‘zi band qildi.

Mehnatning albatta rag‘bati bor. Adxam Toshboyevning ham mehnatlari e’tirof etilib, unga shaxsan Soliq qo‘mitasi raisi tashakkurnoma yo‘lladi.

A. Toshboyevga viloyat soliq boshqarmasi boshlig'i o'rinbosari A.Valiyev ishtirokida ushbu tashakkurnoma va esdalik sovg'alari topshirildi.
——
ISHTIXON TUMANI HOKIMLIGI AXBOROT XIZMATI
Ishtixon.uz |Telegram |Instagram |Facebook

⛅️ "Oʻzgidromet"  - Bugun, 17-noyabr kuni Samarqand viloyatida havo oʻzgarib turadi, yogʻingarchilik boʻlmaydi. Ayrim joylarda tuman tushishi mumkin.

Sharqdan sekundiga 7-12 metr tezlikda shamol esadi. Kechasi 0-5, kunduzi 10-14 daraja iliq boʻladi.
——
ISHTIXON TUMANI HOKIMLIGI AXBOROT XIZMATI
Ishtixon.uz |Telegram |Instagram |Facebook

Ishtixon tumanida 5-22-noyabr kunlari mahalla xotin-qizlari o‘rtasida quyidagi sport turlari bo‘yicha musobaqalar yuqori saviyada tashkil etildi:

Voleybol,

Stol tennisi,

Shaxmat,

Shashka.

Mazkur musobaqalar mahalla, sektor va tuman bosqichlarida bo‘lib o‘tdi.

Musobaqa natijalari quyidagicha:

🌟 Voleybol bo‘yicha: Birinchi sektor xotin-qizlari 1- o‘rinni qo‘lga kiritdilar.

🌟 Stol tennisi bo‘yicha: Ikkinchi sektor xotin-qizlari 1- o‘rinni egalladilar.

🌟 Shaxmat va shashka bo‘yicha: To‘rtinchi sektor xotin-qizlari 1- o‘rinni qo‘lga kiritdilar.
——
ISHTIXON TUMANI HOKIMLIGI AXBOROT XIZMATI
Ishtixon.uz |Telegram |Instagram |Facebook