Susambil – Nodir Nishonov

✨ Hans Zimmer Saudiya Arabistonining madhiyasini yangilaydi - unga milliy ramzning yangi talqinini yaratish taklif etildi 👀

Ana yangiligu mana yangilik!

@insusambil

✨Teron Ejerton ishtirokidagi "Qo‘l yuki" filmi Netflix tarixidagi eng ko‘p tomosha qilingan 5 ta film qatoriga kirdi 🎬

Hozirga kelib film 149,5 million marta tomosha qilingan. Undan yuqorida faqat "Qush qutisi", "Adam loyihasi", "Yuqoriga qaramang" va "Qizil ogohlantirish" filmlari turibdi.

Film voqealari Rojdestvo arafasida kechadi. Aeroport qo‘riqchisi (Teron Ejerton) samolyotga xavfli yukni olib o‘tmoqchi bo‘lgan ehtimoliy terrorchi (Jeyson Beytman) bilan kurashga kirishadi.

Kino 13-dekabr kuni namoyishga chiqdi va tanqidchilardan ijobiy baholar oldi.

Film ijodkorlari asarning davomi bo‘yicha hech qanday rejalar yo‘qligini ma’lum qilishdi.

@insusambil

✨Tom Holland "Hamkor" kitobining film talqinida bosh rolni ijro etadigan bo‘ldi

Filmning syujeti Jon Grishemning shu nomdagi bestseller asariga asoslangan. Jon Grishemning "Hamkor" romani muvaffaqiyatli yosh advokat Patrik Lanigan haqida hikoya qiladi. U kutilmaganda avtohalokatda halok bo‘ladi. Hech kim Patrikning mijozlarining offshor hisoblaridan 90 million dollar o‘g‘irlab, o‘z o‘limini sahnalashtirgani haqida shubhalanmaydi. U xotini va yangi tug‘ilgan qizini uyda qoldirib, Braziliyaga yashirinadi va butunlay boshqa shaxs sifatida yangi hayot boshlaydi. Biroq, o‘g‘irlangan pullarni qaytarmoqchi bo‘lgan mijozlardan biri uning iziga tushgach, Patrikning osoyishta hayoti tugaydi. O‘zini qutqarish uchun advokat FQBga taslim bo‘lishga va jinoyati haqidagi barcha haqiqatni oshkor qilishga qaror qiladi.

Ssenariyni "Oskar" mukofoti sovrindori Grem Mur ("Taqlidiy o‘yin") adaptatsiya qilmoqda. Holland, shuningdek, bo‘lajak filmning prodyuseri ham bo‘ladi.

@insusambil

✨ Shu yili chiqadigan filmlarning nomlari yagona poster ko‘rinishida.

Rahmat demanglar) Ro‘yxatni yo‘qotib qo‘ymasangiz bo‘lgani)

@insusambil

✨ "Parazitlar" filmining rejissyori Pon Jun-ho tomonidan suratga olingan, Robert Pattinson bosh rolni ijro etgan "Mikki 17" ilmiy-fantastik filmining treyleri e’lon qilindi.

Edvard Eshtonning "Mikki 7" romani asosida yaratilgan "Mikki 17" filmi uzoq Niflyaym muzli dunyosini o‘zlashtirish uchun kelgan mustamlakachilar jamoasi haqida hikoya qiladi. Oddiy odamlar orasida Mikki Barns (Robert Pattinson) ismli "sarflanadigan material" bor. Uning vazifasi eng xavfli topshiriqlarni bajarish va oddiy ekipaj a’zolarini himoya qilish uchun o‘z hayotini tahlika ostiga qo‘yishdir. Shu sababli, Mikki tez-tez halok bo‘ladi, uning ongi va xotiralari esa yangi tanaga ko‘chiriladi. Bu tizim Mikki 17 kutilmaganda omon qolib, bazaga qaytganida va u yerda yangi yaratilgan kloni - Mikki 18ni uchratganida izdan chiqadi.

Filmda Pattinsondan tashqari Naomi Aki, Stiven Yan, Toni Kollett va Mark Ruffalo ham rol ijro etishgan. Pon Jun-ho ssenariyni ham o‘zi moslashtirgan.

"Mikki 17" 7-mart kuni jahon kinoteatrlarida namoyish etiladi.

@insusambil

✨ "O‘rgimchak odam Godzillaga qarshi" komiksiga ilk nigoh.

Yangi komiksning qog‘oz shakli joriy yilning 30-aprel sanasida sotuvga chiqariladi.

@insusambil

✨ Leonardo Di Kaprio Martin Skorseze ekranlashtiradigan "#DevilInTheWhiteCity" filmida bosh rolni ijro etadi.

Syujet 1893-yilgi Butunjahon Kolumbiya ko‘rgazmasiga tayyorgarlik ko‘rayotgan Chikagoda o‘nlab kishilarni o‘ldirgan seriyali qotil haqida hikoya qiladi.

@insusambil

✨ Rotten Tomatoes saytiga ko‘ra 2024-yilning eng sara loyihalari.

@insusambil

✨ Greta Gervig Netflixdan "Narniya saltanati"ning kinoteatr prokatini qo‘lga kiritdi

Uzoq davom etgan muzokaralardan so‘ng, Gervig striming xizmati bilan nihoyat filmni kinoteatrlarda namoyish etish bo‘yicha kelishuvga erishdi. Yangi "Narniya" filmi kinoteatrlarda ikki hafta davomida (2026-yil 26-noyabrdan boshlab) 90 ta mamlakatdagi IMAX zallarida eksklyuziv tarzda ko‘rsatiladi. Netflixda esa film 2026-yil 25-dekabrda chiqariladi.

Greta Gervig "Barbi" filmi ekranlarga chiqishidan oldinroq ushbu loyihaga rozilik bergan edi. Margo Robbi ishtirokidagi filmning g‘oyat katta muvaffaqiyatidan so‘ng, Gervig kino sanoatida yanada ko‘proq ta’sir kuchiga ega bo‘ldi va Netflixdan "Narnia saltanati"ni kinoteatrlarda namoyish etishni talab qildi.

Striming xizmati uzoq vaqt davomida o‘zining filmlarni faqat platformada eksklyuziv chiqarish tamoyilini buzmaslik uchun bu taklifni rad etib keldi. Uzoq davom etgan muzokaralardan so‘ng Gervig ultimatum qo‘ydi: film kinoteatrlarda namoyish etiladi yoki u loyihani tark etadi. Oxir-oqibat Netflix uning shartlarini qabul qilishga majbur bo‘ldi.

Greta Gervig tomonidan yaratilgan bu misol boshqa striming loyihalari mualliflariga ham o‘z asarlarini kinoteatrlarda namoyish etish huquqini himoya qilish uchun yo‘l ochishi mumkin. Masalan, "Pichoqlarni qayrab" trilogiyasining uchinchi qismini yaratish ustida ishlayotgan Daniel Kreyg va rejissor Rayan Jonson avvalroq Netflix’ning an’anaviy prokatga chiqishni istamasligidan norozilik bildirishgan edi.

"Narniya saltanati" filmini suratga olish ishlari 2025-yilning ikkinchi choragida boshlanishi rejalashtirilmoqda. Syujet va aktyor tanlash jarayoni tafsilotlari hamon sir saqlanmoqda.

@insusambil

✨ Donald Tramp Gollivudga o‘zining maxsus elchilarini tayinladi:

• Mel Gibson
• Silvestr Stallone
• Jon Voyt

Trampning so‘zlariga ko‘ra, ularning vazifasi kinoindustriyani uning gullagan davri bo‘lmish "Gollivudning oltin asri"ga qaytarishdan iborat.

@insusambil

✨ Sun’iy intellekt va kinematograf

"Brutalist" filmida Adrian Brodi va Felisiti Jonsning "vengercha" talaffuzini takomillashtirish uchun Respeecher neyron tarmog‘i ishlatilgan.

Filmdagi ayrim binolarning loyihasini yaratishda ham sun’iy intellekt texnologiyasidan ham foydalanilgan.

#TheBrutalist

@insusambil