InfoMaster

СОАТБАЙ ДАРСЛАР УЧУН ҲАМ С1 УСТАМАСИ ТЎЛАНАДИМИ?

@Yurist_Xizmati 3794-савол:

Assalomu alaykum ! Men maktabda MMIBDO‘ bo‘lib ishlayman. Informatikadan 4 soat darsim ham bor, ichki o‘rindosh. Agar men informatikadan google for Education kursini tamomlab sertifikat olsam 50 foiz ustama to‘lanadimi? Qarorda bir stavkaga to‘lanadi deyilgan menga 4 soatga to‘lanadimi yo 20 soatgami? Ro‘yhatdan o‘tishda maktab rahbarlari degan joyi ham bor shuni tanlasak MMIBDO‘ bo‘yicha to‘lanadimi? Yoki Birovini tanlasak ikkovidan ham to‘lanadimi?

ЮРИСТ ЖАВОБИ:

✅ Сизнинг информатика фанидан ўтадиган 4 соат дарсингиз учун устама тўланади.

Ўзбекистон Республикаси Президентининг 11.05.2022 йилдаги ПФ-134-сон Фармони 9-бандига кўра халқаро тан олинган сертификатга эга бўлган педагог кадрларга — уларнинг тариф ставкасига нисбатан 50 фоиз миқдорида ҳар ойлик қўшимча устама тўланиши белгиланган.

☝️Ушбу фармон ижросини таъминлаш мақсадида Ўзбекистон Республикаси Молия вазирлиги ҳамда Халқ таълими вазирлигининг 2022 йил 29 июлда 34 қ/к, 15-хх сонли қўшма қарори қабул қилинди.

Ушбу қарорга мувофиқ ўқитувчи бир нечта сертификатга эга бўлган тақдирда, унга устама юқорироқ устама олиш ҳуқуқини берувчи сертификат бўйича тўланади.

Ушбу қарорга мувофиқ устамалар ҳар бир фан бўйича белгиланган. Мисол учун информатика фанидан Google for Эducation, ISTE CERITIFICATION, MCE, Leading Эdge Certifications каби ўқув курслари якунланганлиги ҳақида сертификат мавжуд бўлганда, унга 50 фоиз устама тўланади.

☝️Эътибор берган бўлсангиз, фармонда “уларнинг яъни педагог ходимларнинг тариф ставкаси” жумласи қўлланилган.

💁‍♂ Энди қаранг! “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низом 1-бандига кўра:

▪️ базавий тариф ставкаси ― бир ставка дарс соати учун ўқитувчининг маълумоти ва малака тоифасига кўра белгиланган базавий ҳақ миқдори эканлиги белгиланмоқда.

▪️ ўқитувчининг тариф ставкаси эса ― ўқитувчига бириктирилган дарс соатлари асосида бир ставка учун белгиланган базавий тариф ставкадан келиб чиқиб аниқланадиган миқдор ҳисобланади.

❗️Шунга кўра устама ўқитувчининг тариф ставкасидан келиб тўланади.

Вазирлар Маҳкамасининг 2005 йил 21 декабрдаги 275-сон қарорига 3-илова билан тасдиқланган “Халқ таълими ходимлари меҳнатига ҳақ тўлаш тўғрисида”ги низомнинг 12-бандига кўра педагог ходимлар меҳнатига соатбай ҳақ тўлаш:

▪️ ўрнини босиш тартибида умумтаълим муассасалари раҳбарлари томонидан ўтилган ўқув соатлари учун ҳақ тўлашда қўлланилади.

Энди қаранг! Ўқув машғулотларини ўтказганлик учун меҳнатга соатбай ҳақ тўлаш миқдорларини тасдиқлаш тўғрисида қарорга (рўйхат рақами 3157) биноан соатбай ҳақ базавий лавозим маошидан келиб чиқиб тўланади:

▪️ВМ 275-сон қарорга асосан педагог ходимларнинг лавозим маоши тартибига уларнинг базавий тариф ставклари ҳамда қўшимча тўловлар, устамалар асосида белгиланади.

👨‍⚖ Ҳурматли фуқаро айнан шу масалада Халқ таълими вазирлиги Юридик бўлимига бориб, улар билан маслаҳатлашдик. Улар ҳам мазкур устаманинг тўланишини таъкидлашди.

✅ Юқоридагиларга мувофиқ сизга 4 соат информатика фанидан ўтадиган дарсингиз учун устама тўланади.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Каналимизга уланинг
               👇👇
👉 @Yurist_Xizmati

Do‘stlaringizga ulashing.👇👇
Kanalimiz:
👉 @arifmetikauz
Guruhimiz:
👉 @arifmetika_chat