КЎНГИЛ

@ @ # * * ШОИР * * # @ @


Анжуман ичида хилват ахтарар.
Хилватни уйғотар вулқон сингари.
Отамерос юртнинг тупроғин деб зар.
Баъзан зарбоф тўнга турар тескари.

Бақириб, ҳайқириб бўлманг овора.
У пайқай олади оддий унни ҳам.
Унинг кўнгли шоҳу ўзи бечора,
Севаверар кундай қаро тунни ҳам.

Баъзан давраларга ботишмас сўзи.
Бўёқдор мақтовдан холи, содда, чўнг.
Ҳаётда кўп туртки кўради кўзи,
Аммо мақталади ўлганидан сўнг.

Кўпини ўқ еган, анчасини дор.
Баъзисига зомин қилич ва зиндон.
У битта маконга сиғиши душвор,
У битта зарб билан ўлиши гумон.

Уни сева олар тўлин ой фақат.
Кўкдаги қуёшдир қалбин сояси
Қулоғига азон айтган Ҳақиқат
Ишққа чўмилтирган мома дояси.

Ярми меҳр, ярми дарддан яралган.
Шул сабаб айтгани айланар шеърга.
Аниғи бир танти марддан яралган.
Тоққа тик қарайди, бош эгар ерга.
https://t.me/ijod_qalbi

Бисмиллаҳир роҳманир роҳийм.
Ассалому алайкум ва роҳматиллаҳи ва баракоту.
Оламларнинг подишоҳи бўлган марҳамати ҳамда фазлу карами кенг Аллоҳ субҳонаҳу ва таолога ҳамду санолар, Сизу Бизни тўғри йўлга чорлаб, ўзига эргашганларга шафоатни ваъда қилган севимли Пайғамбаримиз Муҳаммад саллоллоҳи алайҳи васалламга дуруду саловотлар бўлсин.
Яхши дам олиб хуш кайфиятда уйғондингизми, яхшилар.
Тангри таало баракотли ризқ,мустаҳкам иймон,тинчлик ва соғлик ато айласин, иншааллоҳ. Оиламиз бекам,ҳаётимиз тўкис, турмушимиз фаровон бўлсин.
Эзгу ният ҳамда улкан мақсадларни кўнгилларимизга солган Парвардигор уларнинг рўёбга чиқишида ҳам ўзи қўлласин.
Танимиз сиҳат, имонимиз саломат бўлсин, омин.

https://t.me/ijod_qalbi

@ @ # # @ @ @ # # @

Кимларни йўқотдик, кимларни топдик.
Баъзида чўккалаб, баъзида чопдик.
Ва яна бир йилнинг дафтарин ёпдик,
Янгисига етган ҳар кимса бахтли.

Чўнтак қуридими, бўлдикми қарздор.
Омад етмадими, қолдикми ночор.
Энди эски йилдан нолиманг зинҳор,
Янгисига етган ҳар кимса бахтли.

Амалга ошмаган айрим режалар.
Ҳаёт қаҳри қаттиқ, билганин чалар.
Яратган лутф этиб, энди ушалар,
Янги йилга етган ҳар кимса бахтли.

Қанча шодмон кунни тортиқ айлади,
Эски йил кимларни суюб, шайлади.
Соатнинг миллари бонгни пойлади,
Янги йилга етган ҳар кимса бахтли.

Аллоҳ неъмат билан сийлагани чин.
Тирикликнинг ўзи мисоли олтин.
Тангри марҳамти муборак бўлсин,
Янги йилга етган ҳар кимса бахтли.

.https://t.me/ijod_qalbi

Бисмиллаҳир роҳманир роэийм.
Ассалому алайкум.
Янги йилнинг илк тонги муборак бўлсин. Дастлабки дақиқасидан токи охирги лаҳзаларига қадар дунёни, юртимизни, хонадонларимизни тинчлик ва фарпвонлик, танларимизни соғлик ва шижоат, қалбларимизни имон, меҳр, муҳаббат, қквонч ва шодлик безаб, тўлдириб турсин.
Омад ва бахт доимий ҳамроҳимиз бўлсин, қадрдоним.

https://t.me/ijod_qalbi

@ @ ЯНГИ ЙИЛ ТИЛАГИ @ @


Порлаб офтоб, юлдуз, ой осмон чиройли бўлсин.
Ҳур фикр, қалби тоза инсон чиройли бўлсин.
Яйрасин аҳли башар, бор урушга чек қўйиб,
Дунё тарихинда бу - замон чиройли бўлсин.


Болалар етиму тул бўлмасин аҳли аёл.
Ёшу эр жони сабил, бўлмасин умри увол.
Она ер тортиб ситам, бўлмасин ҳеч хастаҳол,
Келажакка қолғуси имкон чиройли бўлсин.

Шундоқ ҳам гўзал ҳаёт яхшилар меҳнатидан.
Кўркига кўрк қўшилур одамий ҳимматидан.
Қутқазайлик дунёни қора дут чимматидан,
Меҳримиздан юз очиб, чунон чиройли бўлсин.

Заҳриддин бир сўз дегин, тингласин ёшу қари.
Ўзни инсонман деган одим айлаб сулҳ сари,
Қўлни қўлга берсаю, бўлса тинчикпарвари
Бу ҳаёт дафтарида ҳар он чиройли бўлсин.

https://t.me/ijod_qalbi

Ассалому алайкум, эй кўнглимнинг тўрини забд эта олган азиз ва муҳтарам инсон. Аллоҳнинг фазли, баракоти, меҳрибончилиги, раҳмати ва неъмати билан лиммо - лим бўлган янги 2025 - йил ҳам тобора яқинлашиб келмоқда. Яратганнинг барча ушбу марҳаматларини ҳис қилиш ва шукроналик билдириш Сизга ҳам насиб қилсин, иншааллоҳ. Ҳаётингизнинг қувончли ҳар лаҳзасида шодлигингизга шерик бўлиш Бизга ҳам насиб этсин, омин.


https://t.me/ijod_qalbi

@ ҚОРБОБОГА ИЛТИМОС @

Қопингизни очинг, қорбобо.
Кулгу қилмай, соддалигимни.
Совғаларнинг ичидан, илло,
Топиб олай болалигимни.

https://t.me/ijod_qalbi

@ # * * * * * * * * @ #

Қувлашмачоқ ўйнар соат миллари,
Ўтиб бораверар умр йиллари,
Лаҳзаси табаррук, қатраси азиз
Муаззам дунёда ҳаёт йўллари.

Тонг ва шом - осмоннинг икки пардаси.
Момақалдироқ - дўқ, шамол - зардаси.
Борлигин оламга билдириб кетар
Қисқа бўлса ҳамки, чақмоқ зарбаси.

Эй инсон, тириклик мўъжиза ўзи.
Ўлчовлик бандасин вақти, ризқ - рўзи.
Қанча яшагани баъзан муҳиммас,
Қандай яшаб ўтмоқ - хотира изи.
https://t.me/ijod_qalbi

Бисмиллаҳир роҳманир роҳим.
Зулжалали ва икром марҳамати билан оппоқ тонгни ойдин орзулар билан қаршилаётган оқкўнгил инсонларга хайрли кун,баракотли ризқ тилайман. Яратганга ҳамд, жаноби пайғамбаримиз саллоллоҳи алайҳи васалламга саловот айтган тилларингиз шукр ва зикрдан толмасин. Ўзингиз, аҳлингиз, дўсту яқинларингиз ва имонингиз Аллоҳнинг паноҳида бўлиб эзгулик қилишдан чарчаманг ва тўхтаманг. Аллоҳ турли табиий офат, касаллик ва нотинжликлардан, ҳар хил балолардан ўзи асрасин. Кунингиз хайрли, ризқингиз баракали, умрингиз ҳаловатли, турмушингиз фароғатли бўлсин иншааллоҳ.
Эҳсон, солиҳ амал, дуо ва ибодатларимиз барчамизни Аллоҳга, унинг дўстлари ва суюкли бандаларига ҳамда жаннатга яқинлаштирсин.
Тангрининг душманларидан, гуноҳдан ва дўзахдан узоқлаштирсин.
Худонинг қаҳридан, банданинг қарғишидан, шайтоннинг макридан асрасин,
ОМИН.
Ассалому алайкум ва раҳматиллоҳи ва баракоту.

https://t.me/ijod_qalbi

@ Т А Ш А К К У Р Н О М А @

Ассалому алайкум қадрдонлар.
Келаётган янги 2025 - йил тинчлик, фарлвонлик ва саломатлик билан бошланиб, гўзал тарзда давом этсин.

Янги йил, яхши кун арафасида ким аразлашганлари билан ярашиб дўстлик ёки қариндошликни тиклаган бўлса, ким бузилиш эҳтимоли бўлган оилани сақлаб қолган бўлса Аллоҳ саодатманд бандаларидан айласин, иншааллоҳ.

Мана бир неча кундирки эҳсон тарқатиб, мискин қалбларга шодлик, рўзғорларга барака туҳфа қилаётган саховатпешаларимиз хайрли ишларини жадал давом эттиришмоқда. Аллоҳ муродларини берсин.

Савдони жадал пайтида нархни кўтаришни эмас, байрам арафасида халқ қувончини ошириш учун арзон ва сифатли маҳсулотлар сотаётган олиҳиммат тижоратчи тадбиркорлартмзнинг бирига минг берсин.

Байрам баҳона йўлкирани кўтармаган инсофу диёнатли кирачи дўстлар, ҳамишп Сиз азизларнинг йўлингиз оқ, йўлдошингиз Ҳақ, сафарингиз бехатар бўлсин.

Кечани кеча, кундузни кундуз демай, элимизнинг байрам дастурхонига арзон гўшт етказиб бераётган қассобу чорвадорларнинг омадини берсин.

Тинчлигимизни сақлаётган, фаровонлигимизни таъминлаётган Давлатимиз ва давлат хизматчиларининг бошлари омон бўлсин.

Кимлар яхшилик учун вақтини сарфлаётган, молини харж қилаётган, жонини меҳнату машаққатга қўяётган бўлишса, ҳаммаларига
Т а ш а к к у р!


https://t.me/ijod_qalbi

@ # @ # * * * # @ # @

Гоҳ шодлик, гоҳида алам қўймайди,
Баъзан қоғоз, гоҳо қалам қўймайди.
Тунда ой ва юлдуз, ё шам қўймайди,
Хоҳи қувонч, хоҳи дардни ёз дейди.
Ватанни суйгувчи мардни ёз дейди.

Отаниниг ҳимматин, онанинг меҳрин,
Ёрнинг садоқати, фарзанднинг сеҳрин,
Жондек жигарларнинг дийдори ширин,
Хоҳи қувонч, хоҳи дардни ёз дейди
Оиласин севган, мардни ёз, дейди.

Ҳаётнинг безаги шаҳдли одамлар.
Дунёнинг устуни аҳдли одаэлар.
Содиқ дўсти борлар бахтли одамлар
Хоҳи қувонч, хоҳи дардни ёз дейди.
Дўстларига содиқ мардни ёз дейди.

Тўғри йўл танлаган мангу тирикдир.
Эгрилар шайтонга улфат, шерикдир.
Шеърнинг руҳи эрку, туғи ҳурликдир
Хоҳи қувонч, хоҳи дардни ёз дейди,
Ҳақиқатга қалқон мардни ёз дейди.


https://t.me/ijod_qalbi

Бисмиллаҳир роҳманир роҳийм.
Ҳаёт гулшанининг гултожи бўлган умри азиз, дийдори табаррук инсонлар. Карами кенг Парвардигоримизга ҳамду санолар, суюкли пайғамбаримиз Муҳаммад саллоллоҳу алайҳи васалламга дуруду саловотлар бўлсинки, соғу саломат яна бир нурафшон тонг, файзли кунга етишдик. Одатдагидек, тилларни дуо ва зикр, қалбларни имон ва шукр, танларни соғлик ва ҳузур, оилани хотиржамлик, элни фаровонлик, юртни тинчлик, дастурхонларни ризқу барака, қаторимизни дўсту яқинларимиз тарк этмасин дея дуо қиламиз. Ота онамизга кўрсатадиган яхшилигимиз зурриёдларимиздан, бир бирларимизга қиладиган эзгуликларимиз Аллоҳдан қайтишини такрор ва такрор Тангридан сўраймиз. Ҳаётимизни,ибодат, меҳнат, шодлик, омад ва қадр безашини, қалбимиз ва қўлларимизни Аллоҳ саховатли қилишини сўраб илтижо қиламиз. Миннат, таъма ва таъна эҳсонларимиз савобини камайтиришидан, кибр, ёлғон ҳамда ғийбат ибодатларимиз,умримиз ва ризқларимизни бебарака қилишидан Аллоҳим ўз паноҳида асрасин, омин Аллоҳу Акбар.
Ассалому алайкум ва роҳматиллоҳи ва баракоту.

https://t.me/ijod_qalbi

Кўнглимнинг қулфини очолмас тилим.

Дилимда боримни сочолмас тилим.

Баъзан раҳмим келар шўрлик забонга

Ўйларим сўзламоқ тушмас арзонга.

https://t.me/ijod_qalbi

@ НОМАРДГА ҲАМРОҲ ҚИЛМАСИН @

" Аввал йўлдош, кейин йўл"
Деб айтади доно эл.
Дуога очгининг қўл
Номардга ҳамроҳ қилмасин.

Мард билан қилсанг сафар
Манзилинг бўлгай бехатар
Кезмагайсан, дарбадар
Номардга ҳамроҳ қилмасин

Мушкулинг бўлгай раво
Шеригинг бўлса расо
Йўл аро бир муддао
Номардга ҳамроҳ қилмасин.


Яхшилардан ол дуо
Асрагай, қодир Худо
Заҳриддин этгил илтижо
Номардга ҳамроҳ қилмасин.

https://t.me/ijod_qalbi

Бисмиллаҳир роҳманир роҳийм.
Аллоҳга ҳамду санолар, Муҳаммад саллоллоҳу алайҳи васалламга дуруду салом ва саловотлар бўлсин.
Шукрким, Тангри азза ва жалланинг фазлидан умид қилиб яна бир янги кунни бошладик.
Аллоҳ бизларни ғам--ғуссадан,ялқовликдан,очкўзликдан,қўрқоқликдан ва бировларга қарам бўлиб қолишдан ўзи асрасин.Ёлғончи ва туҳматчи бўлиб қолишдан паноҳ берсин.Ҳалоллик,эзгулик,шукр ва зикр умримизни безасин.Тану жонимиз,имонимиз ва яқинларимиз саломат бўлсин,омин.
Ассалому алайкум ва роҳматиллоҳи ва баракотуҳ..

https://t.me/ijod_qalbi

ҚАРИТИБ ҚЎЙДИМ

Боламан - да, бир шўху шодон,
Ҳеч бир сизни у‌йламас нодон.
Бугун барча дўстларим хайрон,
Она сизни қаритиб қўйдим..


Омадим ҳам кулиб турибди,
Бахтим мана келиб турибди.
Вақт шамолдек елиб турибди
, Она сизни қаритиб қўйдим.


Онам экан кўздан ёш туккан
Пок қалбида сокинлик чўккан
Болам дебон жонидан кечган,
ОНА СИЗНИ ҚАРИТИБ ҚЎЙДИМ.

Д. Авазов, Жейнов.

https://t.me/ijod_qalbi

Бисмиллаҳир роҳманир роҳийм.
Аллоҳга ҳамду санолар, Муҳаммад саллоллоҳу алайҳи васалламга дуруду салом ва саловотларимиз бўлсинки, Ҳажжил масокин, Сайидил айём, муборак Жума кунининг фазлидан умид қилиб яна бир умр саҳифасини бошладик.
Аллоҳ ҳақ субҳонҳу ва таоло барчаларимизни ғам--ғусса, ялқовлик, очкўзлик,қўрқоқлик ва ўзгаларга қарам бўлиб қолишдан асрасин.Ёлғончи ва туҳматчи бўлиб қолишдан паноҳ берсин. Ҳалоллик,эзгулик,шукр ва зикр умримиз мазмунини безасин,омин.
Ассалому алайкум ва роҳматиллоҳи ва баракоту.

https://t.me/ijod_qalbi

НЕГА ЖИМ СИЗ ГАПИНГИЗ ЙЎҚМИ?

Оламни тўлдирса баҳор ҳавоси,
Изларман борми деб севги давоси,
Дилни ром айлайди булбул навоси,
Нега жимсиз, гапингиз йўқми.

Икки дил ўртаниб қолмасидан ҳеч,
Севги баҳорига бўлмасидан кеч.
Айтингчи, бир бора севганмисиз ҳеч,
Нега жимсиз, гапингиз йўқми.

Қалбимда туйғулар уради туғён,
Ширин ҳаёллар ҳам чопади ҳар ён.
Сизсизку қалбимдаги суюкли жонон
Нега жимсиз, гапингиз йўқми.

Чалдириб юракка севги торини,
Энди мен нетайин дил озорини.
Бориб бир кўринглар ишқ мозорини,
Нега жимсиз, гапингиз йўқми.

Д. Авазов,
Жейнов қишлоғи

https://t.me/ijod_qalbi

Ёшлар ижоди:

Бисмиллаҳир роҳманир роҳийм.
Ассалому алайкум ва роҳматиллоҳу ва баракоту.
Эй, менинг офтобсифат юзи нурли, жонбахш суҳбати ҳузурли азиз дўстларим.
Хайрли тонг тилайман , Сиз азизларимга.
Барчангизга кунни яхши кайфиятда бошлаб, хуш дамлар билан давом эттириш саодати насиб айласин.
Чиройли хулқ, зиёда илм, хайрли амал ва эзгу ният умр зарварақларимизга безак берсин, иншааллоҳ.
Оилавий бахт ва тотувлик, жамоавий аҳиллик, эл аро ҳурмат Сизларни ҳеч қачон тарк этмасин,омин.

https://t.me/ijod_qalbi