IHMA Sirdaryo viloyati

👨‍🦽Nogironligi bo‘lgan shaxslarga havo yo‘llarida harakatlanish uchun chipta kassalarida qanday imtiyozlar mavjud?

🖋 2022-yil 31-avgustdagi 213-sonli Prezident farmoniga ko‘ra, 2022-yil 15-sentabrdan boshlab Qoraqalpog‘iston Respublikasi va Xorazm viloyatida istiqomat qilayotgan nogironligi bo‘lgan shaxslar aviachiptalarni olishda 50 foizlik chegirmali tarifdan foydalanishi belgilab qo‘yilgan.

Shuningdek, har bir havo transporti kompaniyalari o‘zining imkoniyatidan kelib chiqib qo‘shimcha imtiyozlar joriy etishi mumkin.

✅ “O‘zbekiston havo yo‘llari” kompaniyasi har yilgi kelishuvga ko‘ra, 100 foizlik chegirmani quyidagi shaxslarga joriy etgan:

🟢II jahon urushi nogironlariga, nogironlik guvohnomasi va havo transporti uchun berilgan ikkita talon (joriy yil va oldingi yil uchun yoki joriy va keyingi yil uchun) asosida.

🟢II jahon urushi 3-guruh nogironlariga, II jahon urushi 3-guruh nogironi guvohnomasi va havo transporti uchun berilgan ikkita talon asosida.

🟢II jahon urushi qatnashchilari va ularga tenglashtirilgan shaxslarga, tegishli guvohnoma va havo transporti uchun berilgan ikkita talon asosida.

🟢II jahon urushi 1-guruh nogironini kuzatib borish uchun kuzatuvchiga, II jahon urushi 1-guruh nogironlariga ularning kuzatib boruvchilari uchun berilgan tegishli guvohnoma va havo transporti uchun berilgan ikkita talon (joriy yil va oldingi yil uchun yoki joriy va keyingi yil uchun) asosida.

Manba: @huquqplus

📝 @IHMA_Sirdaryoviloyati

❗️Bugungi kun holatiga fuqarolarga to‘lanadigan pensiya va nafaqalar miqdorlarini bilasizmi?

🖋 12.08.2024 yildagi PF-108-son Prezident Farmoniga asosan,

➖ 2024-yilning 1-sentabridan boshlab fuqarolarga to‘lanadigan boshqa pensiyalar va nafaqalar miqdorlari quyidagicha etib belgilangan:

✅ Ish staji to‘liq bo‘lmagan chog‘dagi nogironlik pensiyasining eng kam miqdori — oyiga 920 000 so‘m.

✅ Mehnatga layoqatsiz fuqarolarga beriladigan nogironlik nafaqasi va bolalikdan nogironligi bo‘lgan shaxslarga beriladigan nafaqa miqdori — oyiga 920 000 so‘m.

✅ 1941 — 1945 yillardagi urush oqibatida nogiron bo‘lgan shaxslar va uning qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaxslarning eng kam pensiya miqdori ustamalarni inobatga olgan holda — oyiga 4 056 000 so‘m.

✅ Belgilangan yoshga doir eng kam pensiya miqdoridan (834 000 so‘mdan) 920 000 so‘mgacha pensiya oluvchilarning yoshga doir pensiyalari miqdori — oyiga 920 000 so‘m.

✅ Zarur ish stajiga ega bo‘lmagan keksa yoshdagi fuqarolarga beriladigan nafaqa miqdori — oyiga 745 000 so‘m.

✅ Ish staji to‘liq bo‘lmagan chog‘dagi yoshga doir pensiyaning eng kam miqdori qo‘shimcha to‘lovni hisobga olgan holda — oyiga 745 000 so‘m.

✅ O‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band bo‘lgan bolaning qonuniy vakiliga beriladigan nafaqa miqdori — oyiga 745 000 so‘m.

✅ Boquvchisini yo‘qotganlik nafaqasi oluvchilarning bir nafar mehnatga qobiliyatsiz oila a’zosi uchun nafaqa miqdori — oyiga 745 000 so‘m etib belgilanadi va keyingi har bir mehnatga qobiliyatsiz oila a’zosi uchun — 244 000 so‘mdan qo‘shiladi.

✅ Boquvchisini yo‘qotganlik pensiyasi oluvchilarning bir nafar mehnatga qobiliyatsiz oila a’zosi uchun pensiyaning eng kam miqdori — oyiga 745 000 so‘m etib belgilanadi va keyingi har bir mehnatga qobiliyatsiz oila a’zosi uchun amaldagi tartibga muvofiq pensiya to‘lanadi.

📝 @IHMA_Sirdaryoviloyati

RASMIY MUNOSABAT

Sirdaryo tumanida joylashgan alohida taʼlim ehtiyoji bo‘lgan bolalar uchun yordamchi 71-sonli maktab-internatida bo‘lib o‘tgan Yangi yil tadbiri to‘g‘risida eʼlon qilingan xabar Ijtimoiy himoya milliy agentligi Sirdaryo viloyati boshqarmasi ishchi guruhi tomonidan o‘rganildi.

Avvalo shuni qayd etish kerakki, bugungi kunda maktab-internatida 228 nafar aqliy va ruhiy rivojlanishi orqada bo‘lgan bolalar (alohida taʼlim ehtiyojlari bo‘lgan o‘quvchilar) taʼlim-tarbiya olib kelmoqda.

O‘tgan 2024-yilning 28-dekabr kuni maktab-internatida Yangi yil munosabati bilan tadbir o‘tkazilgan. Unda o‘quvchilarni imkoniyati cheklanganligini inobatga olib, bir guruh boshlang‘ich sinf o‘qituvchilari bolalarga bayram kayfiyati ulashish maqsadida sahna ko‘rinishi namoyish qilgan. Ustozlar yosh bolalar obraziga kirib, sheʼr, qo‘shiq aytgan, raqsga tushgan va bundan bolajonlarga quvonch ulashishdan boshqa maqsad bo‘lmagan.

O‘qituvchilar bilan suhbat davomida, ularning hech qanday g‘araz niyati bo‘lmagani, bolalar bilan tunu-kun ish olib borishi, ayniqsa, ruhiy rivojlanishi orqada qolgan tarbiyalanuvchilar bilan bu kabi o‘yin ko‘rinishidagi interaktiv mashg‘ulotlar muntazam o‘tkazilib borilishini taʼkidlashdi.

Shuningdek, soha mutaxassislari alohida taʼlimga ehtiyoji bo‘lgan bolalar taʼlimi ularning nuqson turlari va uning darajalarini inobatga olgan holda korreksion usulda tashkil etilishi, bunda taʼlim-tarbiya jarayoni oddiy bog‘cha dasturiga o‘xshash tarzda olib borilishi, shu bois muassasada himoyalaydigan muloyim davolovchi maxsus tartib tashkil etilganini qayd etishdi.

Qo‘shimcha qilinishicha, bunday taʼlim-tarbiya ishlari bolalarning diqqati, fikrlash va ish qobiliyati, xotirasi, nutqi va tafakkuridagi kamchiliklarni bartaraf etishga qaratilishi bilan muhim. Bolalarga bilim berishda tarbiyachilar ularning o‘ziga xos individual xususiyatlarini eʼtiborga olgan holda maxsus sharoitda, maxsus usullar bilan ish olib borishadi. Korretsion tuzatish usuli taʼlim jarayonidagi barcha darslarda, sinfdan tashqari va boshqa tadbirlarda ham tatbiq etiladi.

Yuqoridagilardan kelib chiqib, ijtimoiy tarmoq faollari va kuzatuvchilardan ushbu holatni noto‘g‘ri talqin qilmasliklarini so‘rab qolamiz.

📝 @IHMA_Sirdaryoviloyati

#2025_yil_1_yanvardan

🖋 Qonunchilikka ko'ra 1-yanvardan boshlab:

1️⃣ Tazyiq va zo‘ravonlik sodir etishga moyil bo‘lgan shaxslarning reyestri yuritiladi;

2️⃣ Nogironligi bo‘lgan shaxslarga qulay va to‘siqlarsiz muhit yaratiladi;

3️⃣ Fuqarolar qabuli va sayyor qabullarni o‘tkazishda majburiy tarzda surdotarjimon ishtiroki ta’minlanadi;

4️⃣ Kambag‘al oilalar farzandlari davlat bog‘chalariga imtiyozli asosda qabul qilinadi;

5️⃣ Bog‘chalarda inklyuziv ta’lim guruhlari ochiladi;

6️⃣ Yetim va ota-ona qaramog‘idan mahrum bo‘lgan yoshlarga ta’lim olish, bandligini ta’minlash, davolanish hamda uy-joy sharoitlarini yaxshilash uchun ijtimoiy yordam ko‘rsatiladi.

📝 @IHMA_Sirdaryoviloyati