Ijtimoiy himoya milliy agentligi Namangan viloyati boshqarmasi joriy yilning 5-fevral kuni ijtimoiy tarmoqda “Ijtimoiy himoya milliy agentligi Namangan viloyati boshqarmasida ham oylik maoshlar to’lanmagan” degan xabar bo’yicha quyidagilarni ma’lum qiladi:

Mazkur xabardagi holat yuzasidan Ijtimoiy himoya milliy agentligi Namangan viloyati boshqarmasi tomonidan tizimdagi barcha xodimlarning oylik-maoshlarini o’z vaqtida to’lab berilishi to’liq nazoratga olingan.

Bunga ko’ra “Inson” ijtimoiy xizmatlar markazlari xodimlarining 2025-yil yanvar oyi ish haqi joriy yilning 5-fevral kuni to’liq to’lab berilgan. Faqatgina, boshqarma xodimlarining oylik-maoshlari 2025-yil 5-fevral kuni soat 19:24 da bankga to’langan bo‘lib, bank kuni yopilganligi uchun 2025 - yil 6-fevral kuni soat 09:04 da xodimlar plastik kartalariga bank tomonidan tushirib berildi.

Ma’lumot o’rnida, O’zbekiston Respublikasi Iqtisodiyot va moliya vazirligining "Oʻzbekiston Respublikasining “2025-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash yuzasidan 2025-yilda budjet intizomiga rioya qilish choralari toʻgʻrisida"gi buyrug’iga binoan oylik ish haqining ikkinchi yarmini kelgusi oyning birinchi besh ish kunida toʻliq moliyalashtirilishini taʼminlanishi belgilab qo’yilgan.

🟢Ijtimoiy himoya milliy agentligi Namangan viloyati boshqarmasi matbuot xizmati

Rasmiy sahifalarimiz👇
📝Telegram |  📝Facebook | 💻 Instagram