Yuridik soha talabasini doim qiynaydigani - qaysi yo’nalishdan ketish kerakligi. Advokat bolaymi, prokuraturada ishlaymi, chetga ketib qolib ketsammikin, biznes qivorsam nima boladi degan savollar miyyasida doim aylanib yuradi.
Yo’nalish tanlashda asosiy mezon daromad bo’lishi kerak emas. Ha to’g’ri, pul qudratli, pul bilan ko’p narsani hal qilsa boladi, lekin uzoqni ko’ra olish kerak. Chunki ba’zilar telefon bilan hal qilgan ishlarni boylar pul bilan hal qila olmaganini eshitganman.
Ko’pchilik ish soatlari haqida ham ko’p bosh qotiradi. Ishga sakkizda borib, kechki payt oltida qaytgisi keladi. Bu yaxshi, lekin yana o’sha gap: uzoqni ko’ra olish kerak. Boshida eshakday mehnat qilishingiz mumkin, lekin vaqtlar keladi faqat nomingiz gapiradi.
Oddiy odam tushunishi qiyin bo’lgan gaplarni aytayotgan bo’lishim mumkin. Lekin nima demoqchi bo’lganimni tushunayotganlar ham bor (qaysi yo’nalishga ishora qilayotganimni taxmin qilgan bo’lsangiz kerak).
Xullas, yoshlikda mehnatdan qochmay, bosib ishlash kerak. Pul haqida ko’p o’ylamay, ko’proq odamlarga yordam berish kerak. Sabr qilish kerak chunki boshida hamma narsa qiyin bo’ladi.
Fikrlar subyektiv.
@ismoiljon_gulomov
