Muhammad al-Xorazmiy AKT maktabi

#akademiya #Iordaniya

XALQARO TASHRIF

🇺🇿🇯🇴 Iordaniyaning Qirolicha Raniya O’qituvchilar Akademiyasi delegatsiyasi yurtimizga tashrif buyurdi. Bu tashrif Akademiya va O’zbekiston ta'lim tizimi o’rtasidagi aloqalarni mustahkamlash va o’qituvchilarning kasbiy rivojlanishiga xizmat qiladigan yangi imkoniyatlar yaratishga qaratilgan.

📌Qirolicha Raniya O’qituvchilar Akademiyasi 2009-yilda tashkil etilgan bo’lib, o’qituvchilarning kasbiy rivojlanishiga e'tibor qaratadi. Akademiya o’zining innovatsion dasturlari orqali eng so’nggi xalqaro amaliyotlar va tadqiqotlarga asoslangan o'quv dasturlarini taklif etadi. Akademiya tashkil etilganidan beri o‘qituvchilar va maktab rahbarlari uchun kasbiy ta’lim imkoniyatlarini yaratib kelmoqda.

🎒Al-Xorazmiy nomidagi ixtisoslashtirilgan maktabga Qirolicha Raniya O’qituvchilar Akademiyasi delegatsiya a’zolari, Akademiyaning Bosh Direktori doktor Usama Obeidat va hamkorlik bo'yicha menejeri doktor Hanan Assaf tashrif buyurdilar. Tashrif davomida ta’limning sifatini oshirish uchun qanday samarali hamkorlik qilish mumkinligi masalalari muhokama qilindi. Mehmonlar muassasada tashkil etilgan ta'lim jarayonlari, undagi shart-sharoitlar bilan tanishdilar.

Shuningdek, tashrifning asosiy maqsadi o’qituvchilarning kasbiy rivojlanishini qo’llab-quvvatlash va ta'limdagi sifatni oshirish bo’yicha hamkorlikni yo’lga qo’yish bo‘ldi. Bunday tashriflar kelajakda ta'lim sifatining yanada yaxshilanishiga olib keladi.
_
🌐Telegram 🌐Facebook 🌐Instagram 🌐Web 🌐Youtube 🌐Linkedin

#STEM #Xalqaro #Hamkorlik #Yaponiya

STEM TADQIQOT KOʻNIKMALARINI KUCHAYTIRISH LOYIHASI

🇺🇿🇯🇵Muhammad al-Xorazmiy nomidagi ixtisoslashtirilgan maktabda 18- fevral kuni Yaponiyaning Global Jamiyat Instituti vakillarining tashrifi bo'lib o'tdi.

Tashrif davomida maktabimizda STEM tadqiqot koʻnikmalarini va 21-asr kompetensiyalarini kuchaytirish uchun olib borilayotgan ishlar bilan tanishildi.💡

📌Loyihaning asosiy maqsadi – oʻquvchilarning tanqidiy fikrlash, ijodkorlik, hamkorlikda muammolarni hal qilish hamda matematik va ilmiy tadqiqot ko‘nikmalarini oʻlchash imkonini beruvchi shaffof va lokalizatsiyalangan raqamli baholash vositalarini joriy qilishdan iborat ekanligi haqida ma'lumotlar berildi.

Tashrif buyuruvchilar dars jarayonlarini kuzatar ekan o'quvchilarning muammolarni birgalikda hal qilish, matematik va ilmiy izlanish qobiliyatlarini rivojlantirish, ishonchli baholash usullaridan faydalanilayotganligiga amin bo'lishdi va o 'zlarining fikr-mulohazalari bilan o'rtoqlashdilar.
_
🌐Telegram 🌐Facebook 🌐Instagram 🌐Web 🌐Youtube 🌐Linkedin

#CCNA #sertifikati #Top

CCNA SERTIFIKATI QANDAY IMKONIYATLAR BERADI?

Muhammad al-Xorazmiy nomidagi ixtisoslashtirilgan maktabda tashkil etilgan Cisco CCNA mock test natijalarini e'lon qilamiz!

🔝Top 10
➖Alibek Bekchanov 86.9%- 868.9;
➖Yunusbek Umarkhujayev 78.2% -781.6;
➖Farzona Sevinchova 70% -700.2;
➖Mukhammadali Tursunaliyev 69.4% -694 ;
➖Odiljon Muhammadtursunov 68.8% -687.7;
➖Otabek Palvanov 65.6%- 656.4;
➖Shohjahon Shamsiddinov 64.4% -644;
➖Afzal Bakhodirov 61.3% -612.9;
➖Islom Baxtiyorov 60.7% -606.7;
➖Azam Irgashev 53.8%- 538.

🔗Ma'lumot uchun, CCNA (Cisco Certified Network Associate) sertifikati, Cisco tarmoq texnologiyalari va tizimlarini o'rganishga qaratilgan dastlabki darajadagi professional sertifikat bo'lib, u quyidagi imkoniyatlarni taqdim etadi: CCNA sertifikati tarmoq muhandislari, tizim administratorlari, tarmoq texniklari va boshqa IT mutaxassislariga tarmoq boshqaruvi, xavfsizligi va tizimlarni yaratish bo'yicha keng imkoniyatlar yaratadi. Sertifikatni qo'lga kiritgan mutaxassislar tarmoq va IT sohasida keng turdagi ish o'rinlariga murojaat qilishlari mumkin.🖥

🛡Sertifikatni olish jarayonida siz yangi tarmoq texnologiyalarini, masalan, cloud computing, SDN (Software-Defined Networking), va IoT (Internet of Things) kabi sohalarni o'rganasiz.

Bundan tashqari, Cisco'ning CCNA sertifikati dunyo bo'ylab tan olingan va bu sizga xalqaro darajada muhim ish topish imkoniyatini ham berishi mumkin.

Shuningdek, ushbu sertifikatga ega mutaxassislar tarmoq xavfsizligi, muammolarni tahlil qilish va ularni hal qilish bo'yicha yaxshi ko'nikmalarga ega bo'ladilar, bu esa o‘z navbatida tarmoq infratuzilmasini ishonchli va samarali boshqarish imkonini yaratadi.
_
🌐Telegram 🌐Facebook 🌐Instagram 🌐Web 🌐Youtube 🌐Linkedin