Belarussiyaning Minsk shahrida bo`lib o`tgan tadbirlar to`g`risida.

Tog`-kon sanoati va geologiya vazirligi Geologiya fanlari universiteti "Gidrogeologiya va injenerlik geologiyasi instituti" davlat muassasasi vakili Belorussiayning Geologiya ilmiy ishlab chiqarish markazida bo`lib o`tgan kengaytirilgan Ilmiy kengashida ishtirok etdi. Mazkur yig`ilishda "Gidrogeologiya va injenerlik geologiyasi instituti" davlat muassasasi faoliyati va olib borilayotgan ilmiy ishlar haqida taqdimot qilindi.

Ilmiy kengash yakunida Belorussiyaning Geologiya ilmiy ishlab chiqarish markazi hamda "Gidrogeologiya va injenerlik geologiyasi instituti" davlat muassasasi o`rtasida hamkorlikni yo`lga qo`yish bo`yicha kelishuv imzolandi.

Shuning bilan birga, "Mening Belarussiyam" ko`rgazmasi doirasida "Belarus Respublikasida yer osti suvlari monitoringi" mavzusida tashkil etilgan davra suhbatida Belorussiya, Rossiya hamda O`zbekiston tajribalari almashinildi. "O`zbekgidrogeologiya" DM vakili tomonidan O`zbekistonda yer osti suvlari monitoringi haqida taqdimot qilindi.

Kanalga ulanish:
➖ @hydroengeo 

Sayt | Instagram | Facebook