Xushnudbek.uz

❗️ESLATMA: ertaga barcha uchun ish kuni

Ertaga — 4-yanvar (shanba) barcha xodimlar uchun (besh kunliklarga ham, olti kunliklarga ham) ISH KUNI hisoblanadi.


👉 @hushnudbekreklama 👈

🇺🇿🇺🇸Shavkat Mirziyoyev Nyu-Orlean shahrida sodir etilgan terrorchilik harakati oqibatida ko‘plab insonlar qurbon bo‘lgani munosabati bilan AQSh prezidenti Jozef Baydenga hamdardlik bildirdi.

Ma'lumot uchun, shaharda 31-dekabr kuni 42 yoshli erkak avtomobilida odamlar ustiga bostirib borib, otishma sodir etishi oqibatida 14 kishi halok bo‘ldi, o‘nlab odamlar jarohatlandi. Uning o‘zi ham otishma vaqtida halok bo‘ldi.

Jinoyatchining avtomobilidan qurollar, qo‘lbola portlovchi vositalar hamda IShID (terroristik tashkilot) bayrog‘i topilgan.


👉 @hushnudbekreklama 👈

Shartnomaviy miqdordan ko‘p iste'mol qilingan elektr va gaz uchun to‘lov miqdori o‘zgardi

Bu bo‘yicha Vazirlar Mahkamasining qarori qabul qilindi.

Unga ko‘ra, yuridik iste'molchilar tomonidan hisob-kitob davrida elektr energiyasi va tabiiy gaz iste'moli shartnomaviy miqdordan 20 foiz va undan ortishiga yo‘l qo‘yilganda, belgilangan tarifning 1,2 baravari miqdorida to‘lov undiriladi.

Bundan avval yuridik shaxslar uchun shartnomaviy miqdordan oshgan iste'mol uchun 2 va 3 baravarlik tariflar joriy qilingan edi.

Prezident Shavkat Mirziyoyev 2024-yilning avgust oyida tadbirkorlar bilan ochiq muloqotda tadbirkorlik subyektlari uchun elektr va gaz iste'moli limitdan 20 foizgacha oshib ketsa ham bazaviy tariflar saqlanib qoladigan tartib joriy qilinishini aytgan edi.

❗️Eslatma: ushbu tartib maishiy iste'molchilar, ya'ni aholi xonadonlari uchun emas, tadbirkorlik subyektlari uchun joriy qilinmoqda.


👉 @hushnudbekreklama 👈

❗️ESLATMA: ertaga barcha uchun ish kuni!

Yangi yil bayrami munosabati bilan berilgan dam olish kunlari o’z nihoyasiga yetdi.

Ertaga — 3-yanvar (juma) hamda ertadan keyin — 4-yanvar (shanba) kunlari barcha xodimlar uchun (besh kunliklarga ham, olti kunliklarga ham) ISH KUNI hisoblanadi.


👉 @hushnudbekreklama 👈

Adolatning kuchi haqida
(bu yerda adolat qiz bolaning ismi emas)

Agar xalq adolatni his qilsa, juda ko‘p muammolarga sabr bilan chiday oladi. To‘g‘ri, muammolardan norozi bo‘lib, e’tirozini baralla aytadiganlari ham ko‘p bo‘lishi tabiiy, chunki xalq bu yaxlit tana emas, 37 million xil insondan tarkib topgan. Ammo gapirib-gapirib, baribir muammolarga sabr qilishda, tishini-tishiga qo‘yib, turmush tashvishlari bilan o‘ralashishda davom etaveradi. Axloqsizlikka o‘tmaydi. Dardini aytib, sal yengillashishi mumkin, chunki bu jinoyat emas.

Ammo xalq adolatni his qilmasa, har qadamda adolatsizlikni ko‘rsa, unda bu yomon. Bunaqada taranglashgan asablar axloq chegarasini kesib o‘tadi, oqibati kafolatlanmagan.

Og‘zidan shodi kirib, bodi chiqqan hokimlar bitta uzr bilan qutulsa, o‘zining vakolati doirasidan chiqib, qonunlarga tupurib qo‘yadigan ayrim mas’ullar oddiy ogohlantirish bilan cheklansayu, lekin uzoq vaqt metanda navbat kutib, endi navbati kelganda "zapravka" yopilib qolganidan fig‘oni ko‘kka chiqqan botinkasi teshik oddiy bir xalq vakilini qamab qo‘yishsa, bechora Yangi yil bayramini oila davrasida emas, panjara ortida kutib olsa, bunda xalq adolatsizlik ko‘radi. Va bu adolat ham emas, albatta.

Yilni katta xato bilan boshladik. Afsus, ming afsus. Zig‘irchalik foydasi bo‘lmagan, ammo xalqning davlatga bo‘lgan ishonchi nuqtayi nazaridan juda katta zarar olib keladigan ushbu tashabbus kimdan chiqqani bilmayman. Ammo bu xatoning o‘rnini qoplash uchun juda ko‘p ish qilinishi kerakligini aniq bilaman.

Afsus, ming afsus...


👉 @hushnudbekreklama 👈

Yangi yil bilan!

2025-yil xalqimiz uchun xayrli va barakali bo’lsin, ilohim.


👉 @hushnudbekreklama 👈

🇺🇿🇹🇲Prezident Shavkat Mirziyoyev va Turkmaniston Xalq Maslahati Raisi Gurbanguli Berdimuhamedov telefon orqali bir-birini va qardosh xalqlarimizni kirib kelayotgan 2025-yil bilan tabrikladi.


👉 @hushnudbekreklama 👈

2028-yilgacha QQS va foyda solig‘i stavkalari  oshirilmaydi

"Tadbirkorlar uchun teng sharoitlar va adolatli raqobat muhitini ta’minlash bo‘yicha navbatdagi chora-tadbirlar to‘g‘risida"gi Prezident farmoni qabul qilindi.

Farmonga ko‘ra:

➖ qo‘shilgan qiymat solig‘i va foyda solig‘i stavkalari 2028-yil 1-yanvarga qadar oshirilmaydi;

➖ 2025-yil 1-yanvardan 2028-yil 1-yanvarga qadar tikuv-trikotaj, poyabzal va charm-attorlik sanoati yo‘nalishlarida ishlab chiqarish faoliyatini yuritayotgan va quyidagi barcha shartlarga bir vaqtning o‘zida javob beradigan tadbirkorlik subyektlari uchun foyda solig‘i va o‘zlarining xodimlari uchun jismoniy shaxslardan olinadigan daromad solig‘i stavkalari 1 foiz etib belgilandi:

— jami xodimlar sonining kamida 15 foizi Ijtimoiy himoya yagona reyestri yoki Kambag‘al oilalar reyestriga kiritilgan oilalarning a’zolaridan tashkil topganda;

— har oyda har bir xodimga ish xaqi miqdori mehnatga haq to‘lashning eng kam miqdorining ikki baravaridan kam bo‘lmagan miqdorda hisoblanganda;

— soliq davrida tikuv-trikotaj, poyabzal yoki charm-attorlik mahsulotlarini realizatsiya qilishdan tushgan umumiy tushumi jami tovarlarni (xizmatlarni) realizatsiya qilishdan olingan daromadning kamida 90 foizini tashkil etganda.

➖ 2025-yil 1-apreldan boshlab daromadidan qat’i nazar, farmatsevtika mahsulotlari savdosi bilan shug‘ullanuvchi yoki tibbiy xizmat ko‘rsatuvchi yuridik shaxslar qo‘shilgan qiymat solig‘ini to‘lovchilar deb e’tirof etildi.


👉 @hushnudbekreklama 👈