HUQUQ INFO || HUQUQIY BLOG

⚡️MUHIM

❗️UY-JOY UCHUN SUBSIDIYA AJRATISH QANDAY HOLLARDA RAD QILINADI ?

📃 Vazirlar Mahkamasining 182-son qarori bilan tasdiqlangan nizomga asosan,

➖ quyidagi hollarda ariza beruvchiga subsidiya ajratish rad etiladi:

❌ taqdim etilgan arizada ko‘rsatilgan ma’lumotlar ijtimoiy mezonlarga mos kelmaganda;

❌ taqdim etilgan ma’lumotlar noto‘g‘ri yoki soxta bo‘lganda; (Bunda ariza ko‘rib chiqish jarayoniga o‘tkazilmaydi va avtomat ravishda rad etiladi.)

❌ ilgari ipoteka kreditlari bo‘yicha subsidiyadan foydalangan (avval olingan subsidiyali ipoteka kreditini so‘ndirgan va uy-joyni boshqa shaxsga begonalashtirib yuborilgan taqdirda ham) ariza beruvchi shu jumladan turmush o‘rtog‘i takroriy murojaat qilganda;

❌ joriy yilda hudud uchun ajratiladigan subsidiya soni tugaganda;

❌ oylik daromad belgilangan normadan kam yoki ko‘p bo‘lganida;

❌ arizani ko‘rib chiqishda ariza beruvchining turmush o‘rtog‘i tomonidan avval topshirilgan va ko‘rib chiqish jarayonida bo‘lgan ariza aniqlanganda.

❗️Yuqorida ko‘rsatilmagan boshqa asoslar bo‘yicha subsidiya ajratish rad etilishiga yo‘l qo‘yilmaydi.


Kanalga ulanish 👇
https://t.me/huquqiy_info

Bugun hamma xodimlar 1 soat vaqtli ketishi kerak!

Mehnat kodeksining 187-moddasiga ko‘ra, bayram kunlari arafasida har kunlik ishning (smenaning) davomiyligi barcha xodimlar uchun kamida 1 soatga qisqartiriladi.

Ertaga 8-mart — Xalqaro xotin-qizlar kuni, dam olish kuni sifatida belgilangan bayram. Demak, bugun, 7-mart kuni barcha xodimlar 1 soat vaqtliroq uyiga ketishiga qonuniy haqqi bor.

Eslatib o’taman, bayramdan oldingi kuni ishning (smenaning) davomiyligini qisqartirish imkoni bo‘lmagan uzluksiz ishlaydigan tashkilotlarda va ayrim turdagi ishlarda ortiqcha ishlaganlik xodimga qo‘shimcha dam olish vaqti berish yoki xodimning roziligi bilan ish vaqtidan tashqari ish uchun belgilangan normalar bo‘yicha haq to‘lash orqali kompensatsiya qilinadi.


Kanalga ulanish 👇
https://t.me/huquqiy_info

❗️Xotin-qizlar kuni munosabati bilan necha kun dam olamiz?

🔰 Xotin-qizlar kuni bayrami arafasida quyidagi kunlar dam olinadi:

🔹8 mart (shanba) — Xotin-qizlar kuni bayrami - barcha uchun dam olish kuni;

🔹9 mart (yakshanba) — Dam olish kuni;

🔹10 mart (dushanba) — 5 kunlik ish haftasidagi xodimlar uchun dam olish kuni (ishlanmaydigan bayram kuni dam olish kuniga to‘g‘ri kelganligi sababli, bayramdan keyingi ish kuniga ko‘chirilgan dam olish kuni) 6 kunlik ish haftasida ishlaydigan xodimlar uchun ish kuni.

  
Kanalga ulanish 👇
https://t.me/huquqiy_info

❗️O‘ZGALAR PARVARISHIGA MUHTOJ BOLAGA QARAB TURGAN SHAXSGA HAR OYDA 745 000 SO‘MDAN NAFAQA BERILADI

📄 Prezidentning 17.02.2022 yil kungi PF–74-son Farmoniga asosan,

➖ O‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band bo‘lgan bolaning qonuniy vakiliga har oylik nafaqa to‘lovi (parvarishlash nafaqasi) joriy etilgan.

✅ Parvarishlash nafaqasini to‘lash va yetkazib berish xarajatlari respublika byudjeti mablag‘lari hisobidan qoplanadi.

📄 Prezidentning 12.08.2024 yil kungi 108-son Farmoniga ko‘ra,

➖ hozirgi kunda parvarishlar nafaqasining aniq miqdori 745 000 so‘mni tashkil qilmoqda


Kanalga ulanish 👇
https://t.me/huquqiy_info

#savol

⁉️ Maktablarda tashkil etilgan pullik kurslardan qanchasi o‘qituvchiga to‘lanishi kerak?

Assalom alekum pullik sinflarga utilgan to'garak darslari uchun necha pul to'lanadi va qancha qismi davlat boji uchun olib qolinadi?

‼️ Agar siz to‘garak emas (chunki to‘garak bepul  o‘tiladi), darsdan tashqarida pulli kurslar haqida aytayotgan bo‘lsangiz, quyidagicha javob beramiz.

Vazirlar Mahkamasining 2019-yil 22-apreldagi 343-son qaroriga ilovada tasdiqlangan O‘zbekiston Respublikasi Xalq ta’limi vazirligi tizimidagi umumiy o‘rta ta’lim muassasalarida pullik ta’lim xizmatlarini ko‘rsatish tartibi to‘g‘risida”gi nizomga maktablarda tashkil etiladigan qo‘shimcha ta’lim berishga qaratilgan pullik ta’lim xizmatlari maktablarning o‘quv dasturlarida nazarda tutilmagan (davlat ta’lim standartlaridan tashqari) mashg‘ulotlar bo‘yicha maktab direktori va o‘quvchilarning ota-onasi yoki ularning o‘rnini bosuvchi shaxslar o‘rtasida tuziladigan shartnoma asosida ko‘rsatiladi.

Shuningdek, nizomning 8-bandiga ko‘ra buyurtmachilar tomonidan kelib tushadigan mablag‘lar (lekin 50 foizidan kam bo‘lmagan miqdori) o‘qituvchilarga haq to‘lashga yo‘naltirilishi mumkin. Bunda qonunchilikda belgilangan soliqlar va yig‘imlar mazkur summadan chegirib olinadi.


Kanalga ulanish 👇
https://t.me/huquqiy_info

❗️ HECH KIM "AYOLLAR DAFTARI"DAN SHUNCHAKI CHIQARIB YUBORILMASLIGI KERAK !

✏️ Ko‘pchilik ayollar, men "Ayollar daftari"ga kiritilgan edim menga hech qanday yordam ko‘rsatmasdan daftardan chiqarib yubordi deb bizga murojaat qilishadi. Hosh, aslida "Ayollar daftari" dan chiqarish asoslari qanday ?

📄 Vazirlar Mahkamasining 145-son qarori bilan tasdiqlangan nizomga asosan,

➖ xotin-qizlar quyidagi hollarda «Ayollar daftari»dan chiqarilishi mumkin;

✅ har bir toifa bo‘yicha belgilangan amaliy yordamlar to‘liq ko‘rsatilganda (individual dastur asosida);

✅ to‘liq davlat ta’minotiga olinganda;

✅ o‘z arizasiga ko‘ra;

✅ «Ayollar daftari»ga noqonuniy kiritilganligi aniqlanganda;

✅ boshqa davlatlarga doimiy yashash uchun chiqib ketganda;

✅ sudning ozodlikdan mahrum etishni nazarda tutuvchi hukmi qonuniy kuchga kirganda;

✅ shaxs vafot etgan taqdirda yoki sud qarori asosida bedarak yo‘qolgan deb topilganda.

❗️Nizomda «Ayollar daftari»ga kiritilgan xotin-qizlarning individual dasturga kiritilgan masalalari to‘liq hal etilgunga qadar ularni «Ayollar daftari»dan chiqarishga yo‘l qo‘yilmaydi deb ko‘rsatilgan. Ya’ni, kimdir bu daftarga kiritildimi, unga qandaydir yo‘nalishda amaliy yordam berilishi shart degani bu.


Kanalga ulanish 👇
https://t.me/huquqiy_info

❗️UY-JOY UCHUN SUBSIDIYA OLISHGA OYLIK DAROMAD QANCHA BO‘LISHI KERAK ?

📃Qonunchilikka ko‘ra, subsidiya orqali uy-joy olmoqchi bo‘lgan talabgor shaxs yoki oilaning qonunchilik hujjatlariga muvofiq aniqlanishi mumkin bo‘lgan o‘rtacha oylik daromadlari miqdori:

➖ Qoraqalpog‘iston Respublikasi va viloyatlarda mehnatga haq to‘lash eng kam miqdori (Hozirgi kunda 1 155 000 so‘m)ning 2,7 baravari (3 118 500 so‘m)dan 8 baravari (9 240 000 so‘m)gacha;

✅ Toshkent shahrida 2,7 baravari (3 118 500 so‘m)dan 9,2 baravari (10 626 000 so‘m)gacha bo‘lishi talab etiladi.

✏️ Subsidiya orqali uy olmoqchi bo‘lgan talabgor shaxs yoki oila qaysi hududda yashashidan qat’iy nazar, ularning daromadi bir oyda eng kamida yuqoridagi 3 118 500 so‘mdan kam bo‘lmasligi kerak.


Kanalga ulanish 👇
https://t.me/huquqiy_info

#savol

⁉️ Turar joy olish uchun ajratiladigan subsidiya berilishi qanday hollarda rad qilinishi mumkin ?

‼️ Vazirlar Mahkamasining 182-son qarori bilan tasdiqlangan Nizomga asosan, quyidagi hollarda ariza beruvchiga subsidiya ajratish rad etiladi:

❌ taqdim etilgan arizada ko‘rsatilgan ma’lumotlar ijtimoiy mezonlarga mos kelmaganda;

❌ taqdim etilgan ma’lumotlar noto‘g‘ri yoki soxta bo‘lganda;

❌ ilgari shahar va qishloq joylarda arzon uy-joy qurish dasturlari doirasida imtiyozli ipoteka kreditlaridan foydalangan holda kvartira yoki yakka tartibdagi uy-joy hamda subsidiya olgan oila a’zolari takroriy murojaat etganda;

❌ joriy yilda hudud uchun ajratiladigan subsidiya soni tugaganda;

❌ ariza beruvchi va oilaning o‘rtacha oylik daromadi belgilangan normadan kam yoki ko‘p bo‘lganida (Yodingizda bo‘lsa bu norma qancha ekanligini oldinroq gaplashgan edik)

❗️Yuqorida ko‘rsatilmagan boshqa asoslar bo‘yicha subsidiya ajratish rad etilishiga yo‘l qo‘yilmaydi.


Kanalga ulanish 👇
https://t.me/huquqiy_info

⚡️ DIQQAT

❗️3 MARTDAN UY-JOY UCHUN SUBSIDIYA OCHILADI

📃 Prezidentning 21.02.2025 yil kungi PF-26-son Farmoniga asosan,

✔️ Ipoteka kreditlari bo‘yicha subsidiyalar to‘lashning tasdiqlangan maqsadli ko‘rsatkichlari doirasida arizalarni 3 mart kuni soat 09:00 dan boshlab jo‘natish mumkin.

➖ Arizalarni Davlat xizmatlari markazlariga borgan holda yoki Yagona portal (my.gov.uz) orqali o‘zingiz uyda o‘tirib topshirishingiz mumkin.

✏️ Yil davomida ushbu subsidiyani ochilishini kutib, subsidiya ochilganda behabar qolib ketadiganlar xam ko‘p. Shuning uchun ushbu ma’lumotni uy olaman degan tanishlaringizga ulashib qo‘yinglar!


Kanalga ulanish 👇
https://t.me/huquqiy_info

❗️10-mart (dushanba) 5 kunlik ish haftasidagilar uchun qo’shimcha dam olish kuni bo’ladi

Mehnat kodeksining 208-moddasiga binoan, agar bayram kunlari dam olish kuniga to’g’ri kelib qolsa, unda dam olish kuni bayramdan keyingi ish kuniga ko’chiriladi.

Joriy yilda 8-mart — Xalqaro xotin-qizlar kuni shanba kunga to’g’ri keladi. Demak, 5 kunliklar uchun dam olish kuni 10-mart, dushanbaga ko’chiriladi.

Shunday qilib, 5 kunliklar uchun 3 kun ketma-ket dam olish kuni bo’ladi:

✅ 8-mart, shanba — bayram;

✅ 9-mart, yakshanba — barcha uchun odatiy dam olish kuni;

✅ 10-mart, dushanba — ko‘chirilgan dam olish kuni.

❗️6 kunliklar uchun faqat 8-mart (shanba) dam olish kuni bo’ladi, lekin 10-mart (dushanba) ish kuni hisoblanadi.



Kanalga ulanish 👇
https://t.me/huquqiy_info

❗️ O‘z fanidan xalqaro yoki milliy sertifikati bor o‘qituvchilarga 50 foizgacha ustama to‘lanadi.

Huquyiy asosi: “2022–2026 yillarda xalq ta’limini rivojlantirish bo‘yicha milliy dasturni tasdiqlash to‘g‘risida” Prezident farmoni

Unga ko‘ra, umumta’lim fanlari bo‘yicha tegishli darajadagi sertifikatga ega bo‘lgan pedagog kadrlarga quyidagi tartibda har oylik qo‘shimcha ustama to‘lanadi:

👉 xalqaro tan olingan sertifikatga ega bo‘lgan pedagog kadrlarga –ularning tarif stavkasiga nisbatan 50 foiz miqdorida;

👉 xalqaro standartlar talablariga javob beradigan milliy baholash tizimida olingan sertifikatga ega bo‘lgan pedagog kadrlarga – ularning tarif stavkasiga nisbatan 50 foiz miqdorida.

Milliy baholash tizimining xalqaro standartlar talablariga javob berishi vakolatli xalqaro tashkilotlar tomonidan tasdiqlangan bo‘lishi lozim.

👉 Davlat test markazining milliy test tizimida olingan sertifikatiga ega bo‘lgan pedagog kadrlarga – ularning tarif stavkasiga nisbatan 20 foiz miqdorida ustama to‘lanadi.

Farmonda belgilanishicha, 2025 yil 1 yanvarga qadar chet tili fanidan kamida S1 darajadagi milliy sertifikatga ega bo‘lgan pedagog kadrlarga har oylik ustama 50 foiz miqdorida to‘lanadi.

❗️ Pedagog kadrlarga har oylik qo‘shimcha ustama – umumta’lim fanlari bo‘yicha sertifikat amal qilish muddati davomida, lekin uch yildan ko‘p bo‘lmagan vaqt mobaynida to‘lanadi.

Umumta’lim fanlari bo‘yicha bir nechta sertifikatga ega bo‘lgan pedagog kadrlarga har oylik qo‘shimcha ustama yuqoriroq foiz ustama olish huquqini beruvchi sertifikat bo‘yicha to‘lanadi.


Kanalga ulanish 👇
https://t.me/huquqiy_info

#Qonunchilikdagi_yangiliklar

❗️Harbiy xizmatchilarni ijtimoiy himoya qilish kuchaytiriladi

“O‘zbekiston Respublikasi Prezidentining ayrim qarorlariga harbiy xizmatchilarni ijtimoiy himoya qilishni kuchaytirishga qaratilgan o‘zgartirish va qo‘shimcha kiritish to‘g‘risida”gi Prezident qarori (PQ-71-son, 24.02.2024 y.) qabul qilindi

⚡️ Qarorga ko‘ra, Prezidentning ayrim qarorlariga quyidagilarni nazarda tutuvchi o‘zgartirish va qo‘shimcha kiritildi:

🔹2025 yil 1 martdan harbiy xizmatchilarga turarjoyni ijaraga olganlik (ijarada turganlik) uchun to‘lanadigan har oylik pul kompensatsiyasi miqdori 20 foizga oshiriladi;

🔹2025 yil 1 iyundan qonunchilik hujjatlariga muvofiq tasdiqlanadigan ipoteka kreditlarini ajratish ko‘rsatkichlari asosida uy-joy bilan ta’minlanadigan, kalendar hisobida 10 yildan ortiq harbiy xizmatni o‘tagan harbiy xizmatchilarga turarjoy sotib olish (qurish) uchun ipoteka krediti olinishida ajratiladigan dastlabki badal miqdori uy-joy hisoblangan qiymatining 35 foizi miqdorida belgilanadi.

✅ Prezidentining 2005 yil 30 iyundagi PQ–112-son qaroriga kiritilgan o‘zgartirishlarga ko‘ra:

🔘2025 yil 1 martdan yil yakunigacha Qurolli Kuchlarning kontrakt bo‘yicha xizmat qilayotgan, amaldagi sarf-xarajatlar doirasida turarjoy bilan ta’minlanmagan oddiy askar, serjant va ofiserlar tarkibidagi harbiy xizmatchilariga turarjoyni ijaraga olganlik (ijarada turganlik) uchun:

➖Toshkent shahrida – BHMning 4,8 baravarigacha miqdorda;
➖Nukus shahri va viloyatlar markazlarida – BHMning 3,6 baravarigacha miqdorda;
➖boshqa shaharlar, tuman markazlari va aholi punktlarida – BHMning 2,4 baravarigacha miqdorda har oylik pul kompensatsiyasi to‘lovlari belgilandi.

✳️ Oila a’zolari 3 kishi va undan ortiq bo‘lgan taqdirda harbiy xizmatchilarning ushbu pul kompensatsiyasi miqdorlari 50 foizga oshiriladi.

🗓 2026 yildan har yili har oylik pul kompensatsiyasi to‘lovlari miqdori hududlar kesimida turarjoy ijarasining bozor narxlaridan kelib chiqqan holda, Hukumat qarori bilan belgilab boriladi


Kanalga ulanish 👇
https://t.me/huquqiy_info

❗️Chet tili o‘qituvchilari uchun 50 million so‘mlik subsidiya ajratiladi

Kasbiy ta’lim tashkilotlari va kasbiy ko‘nikmalar markazlarida faoliyat yuritayotgan chet tili o‘qituvchilari uchun bir martalik subsidiya ajratiladi.

O‘qituvchilar reytingi ularning bitiruvchilari xalqaro til sertifikatlarini qo‘lga kiritgan holatiga qarab aniqlanadi.

Xususan, ingliz, koreys, nemis va yapon tillari bo‘yicha kamida B1 yoki unga tenglashtirilgan darajadagi xalqaro sertifikat olgan o‘quvchilar soniga qarab, eng yuqori ko‘rsatkichga erishgan 50 nafar o‘qituvchi har biri 50 million so‘mdan subsidiya oladi.

▪️Chet tili o‘qituvchilari o‘z arizalarini Yagona interaktiv davlat xizmatlari portalida 2025 yil 25 fevralga qadar topshirishlari lozim


Kanalga ulanish 👇
https://t.me/huquqiy_info

⚡️ O‘rindoshlik asosida ishlovchi shaxslarga yillik mehnat ta’tillari beriladimi?

O‘rindoshlik asosida ishlovchi shaxslarga yillik asosiy ta’tillar, shuningdek o‘rindoshlar haqli bo‘lgan qo‘shimcha mehnat ta’tillari asosiy ish joyidagi yillik mehnat ta’tili bilan bir vaqtda beriladi.

Agar o‘rindoshlik asosida ishning birinchi ish yilida xodim olti oydan kam ishlagan bo‘lsa, o‘rindoshlik asosida ishda yillik mehnat ta’tili uchun ishlangan vaqtga mutanosib ravishda haq to‘lanadi.

Asosiy ish joyi bo‘yicha yillik mehnat ta’tilining davomiyligi o‘rindoshlik asosidagi ishdagi mehnat ta’tilining davomiyligidan ko‘p bo‘lgan hollarda, ish beruvchi o‘rindoshning iltimosiga ko‘ra unga o‘rindoshlik asosidagi ishdagi yillik mehnat ta’tilidan tashqari asosiy ishidagi yillik mehnat ta’tili va o‘rindoshlik asosidagi ishning yillik mehnat ta’tili davomiyligi o‘rtasidagi farqni tashkil etuvchi kunlarga ish haqi saqlanmaydigan ta’til ham berishi shart.



Kanalga ulanish👇
https://t.me/huquqiy_info

❗️YETIM VA OTA-ONA QARAMOGʻIDAN MAHRUM BO‘LGAN BOLALAR OLIY TA’LIM OLAYOTGANDA ULARGA 50 FOIZ KO‘PROQ STIPENDIYA BERILADI

📄 Prezidentning 09.08.2021 yil kungi PQ-5216-son qaroriga ko‘ra,

➖ yetim bolalar va ota-ona qaramog‘idan mahrum bo‘lgan bolalar davlat bog‘chalari va maktablarga navbatga qo‘yilmasdan joylashtiriladi.

✅ Ularga texnikum, kollej, akademik lisey yoki OTMda o‘qiyotganda har o‘quv yilida 1 marotaba o‘quv, ilmiy va badiiy adabiyotlar (kitoblar) xarid qilish uchun BHMning 5 baravari (1 mln 700 ming so‘m) miqdorida subsidiya beriladi.

✅ Yetim bolalar va ota-ona qaramog‘idan mahrum bo‘lgan bolalar o‘qishni davlat OTMlarida davom ettirganda ularga stipendiya 50 foizga oshirilgan holda to‘lanadi.



Kanalga ulanish 👇
https://t.me/huquqiy_info

#Rasman

📌 Namanganda ham uchta davlat oliygohlari tugatilmoqda

Namangan muhandislik-texnologiya instituti, Namangan muhandislik-qurilish instituti va Namangan to'qimachilik sanoati instituti negizida Namangan davlat texnika universiteti tashkil etiladi.

✅Muhandislik, qurilish, to'qimachilik, axborot texnologiyalari va dasturlash, ishlab chiqarish, qayta ishlash hamda xizmat ko'rsatish sohalari bo'yicha, shuningdek, hududning yuqori malakali kadrlarga bo'lgan ehtiyojiga muvofiq oliy ma'lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.

Universitetda yuridik shaxs maqomisiz Ilg'or muhandislik maktabi faoliyati tashkil etiladi.

✅ 2025/2026-o'quv yilidan ish beruvchi korxona va tashkilotlarning real muammolari asosida bitiruv malakaviy ishlari hamda magistrlik dissertatsiyalari mavzulari bankini shakllantirish va talabalarning bitiruv malakaviy ishi hamda magistrlik dissertatsiya himoyalarini ish beruvchi korxona va tashkilotlarda tashkil etish choralari ko'riladi.

➖ 2026/2027-o'quv yiligacha Universitetning kamida ikkita bakalavriat ta'lim yo'nalishi va uchta magistratura mutaxassisligining xalqaro tan olingan tashkilotlar akkreditatsiyasidan o'tkazilishi ta'minlanadi.

➖ 2025-yildan yirik ishlab chiqarish korxonalarini Universitetga sanoat hamkori sifatida biriktiriladi.

✅ NamMT, NamMQI hamda NamTSIda tahsil olayotgan barcha talabalar o'qishini Universitetda davom ettiradi va 2024/2025-o'quv yilidan boshlab bitiruvchilarga belgilangan tartibda Universitet diplomi beriladi.

❕Eslatib o'tamiz, avvalroq respublikadagi 20 ta davlat oliygohlari tugatilishi haqida xabar berilgan edi.


Kanalga ulanish 👇
https://t.me/huquqiy_info

⚡️YANGI QONUN

❗️Endilikda farzandini noqonuniy ravishda diniy ta’lim olishiga imkon bergan ota-onalar javobgarlikka tortiladi

📃 20.02.2025 yil kungi O‘RQ-1035-son Qonun qabul qilindi va mazkur qonun bilan ayrim qonun xujjatlariga qo‘shimcha va o‘zgartirishlar kiritildi

➖ Qonun bilan “Bola huquqlarining kafolatlari to‘g‘risida” gi qonunga kiritilgan qo‘shimchaga ko‘ra, ota-onalar yoki ularning o‘rnini bosuvchi shaxslar o‘z bolasini shaxsiy e’tiqodlariga muvofiq diniy va axloqiy jihatdan tarbiyalash huquqiga egaligi, ular tomonidan o‘z bolasini qonunga xilof ravishda diniy ta’lim olishga jalb etishga, ya’ni bolani ro‘yxatdan o‘tkazilmagan yoki lisenziyaga ega bo‘lmagan tashkilotlarga yoxud maxsus diniy ma’lumotga ega bo‘lmagan va diniy tashkilotlarning O‘zbekiston bo‘yicha markaziy boshqaruv organining ruxsatisiz diniy ta’limni amalga oshirayotgan shaxslarga diniy ta’lim olish uchun topshirishga yo‘l qo‘yilmasligi belgilandi.

✅ Ma’muriy javobgarlik to‘g‘risidagi kodeksga kiritilgan qo‘shimchaga ko‘ra, ota-onalar yoki ularning o‘rnini bosuvchi shaxslar tomonidan o‘z bolasini qonunga xilof ravishda diniy ta’lim olishga jalb etish BHMning 5 baravaridan 10 baravarigacha miqdorda jarima solishga sabab bo‘lishi belgilandi.

❗️Qonun rasmiy e’lon qilingan kundan e’tiboran kuchga kiradi.


Kanalga ulanish 👇
https://t.me/huquqiy_info

❗️AYRIM MAKTAB HODIMLARIGA USTAMALAR TO‘LASH TAKOMILLASHTIRILADI

📃 24.12.2024 yil kungi PF-266-son Prezident farmoni qabul qilingan

➖ Farmonga ko‘ra, ayrim hujjatlarga quyidagilarni nazarda tutuvchi o‘zgartirish va qo‘shimchalar kiritilgan:

✅ sport maktablari xodimlarining bazaviy tarif stavkasiga ustamalar to‘lab borish tartibini takomillashtirish;

✅ sport maydonchalari barpo etiladigan mahallalarni aholi tomonidan ovoz berish yo‘li bilan aniqlash tartibini belgilash;

✅ sport maydonchalarini barpo etish va ularni davlat ro‘yxatidan o‘tkazish tartibini takomillashtirish;

✅ yoshlar siyosati va sport sohasidagi ayrim amaldagi farmon va qarorlardan eskirgan va takrorlanuvchi normalarni chiqarib tashlash hamda huquqiy bo‘shliqlarni bartaraf etish.


Kanalga ulanish 👇
https://t.me/huquqiy_info