Korzinka реклама қонунчилигини бузгани учун жаримага тортилиши мумкин.

Бир неча кун аввал Рақобат қўмитаси Korzinka супермаркетлар тармоғига нисбатан иш қўзғатганди. Идора рекламада энг арзон дея кўрсатилган нархлар бошқа супермаркетлардан фарқ қилмаслигини билдирган.

Кейинроқ Korzinka тармоғи бош директори Руд Педерсен баёнот билан чиқди. У бундай дастур бир марталик реклама эмас, балки узоқ вақтга мўлжалланган стратегия эканини таъкидлаган.

Яъни тармоқ бошқа супермаркет ва бозорлардаги кундалик эҳтиёж учун зарур бўлган маҳсулотлар нархини доимий текшириб, ўзидаги нархлар ундан паст бўлишини таъминлаб боради. Фақатгина акциялар вақтида нархлар тенг бўлиши мумкинлиги айтилган.

Аммо Рақобат қўмитаси келтирилган сабабларга қарамай, Korzinkaʼни жаримага тортиш учун судга мурожаат билан чиқмоқда. Қўмита ваколатли органнинг ушбу қароридан норози бўлган томон судга мурожаат қилиш ҳуқуқига эга эканини эслатган.

Бу Korzinka учун ҳам, маркетинг жамоаси учун ҳам ажойиб кейс. Воқеалар ривожини кузатишда давом этамиз. Судда қайси томон ютиб чиқиши жуда ҳам қизиқ.

@humoyun