Чистая Энергия ӏ Sof Energiya

Безуглеродная энергетика: Узбекистан и мировые новости

Продам твой канал за сутки.

Любой по федеральной программе.

Продам канал с доходом 138090

Всего за 55 000. Срочно нужны деньги.

Statistika Saralanganlar

Mutolaa zavqi 📖

@hasanboyeva_blogi

Kanal geosi va tili: O‘zbekiston, O‘zbekcha

Toifa: Kitoblar

Iltimos... Menga qo'zichoq chizib ber!

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Kitoblar

Statistika

Postlar filtri

O‘chirilganlarni yashirish

Repostlarni yashirish

Mutolaa zavqi 📖

26 Jan, 21:15

Eng yaxshi vaqt hech qachon kelmaydi!

"Ta'tilga chiqsam, kitob o'qiyman", "Oy boshidan o'z ustimda ko'proq ishlayman", "Kelasi sessiyadan albatta yaxshi o'qiyman" va shunga o'xshash fikrlar...

Boshlash uchun ideal sharoitlar hech qachon paydo bo'lmaydi. Bu faqat ichimizdagi qo'rquv va qat'iyat yo'qligini oqlash uchun ongimiz tomonidan yaratilgan bahonadir. Kutayotganimizdagi sharoitlar yuzaga kelsa ham, har doim yangi to'siqlar paydo bo'ladi.

Boshlash uchun eng yaxshi vaqt esa bugun!

242 0 3

Mutolaa zavqi 📖

22 Jan, 07:00

📚 Farg‘ona "Kitobxonlar klubi" dan repost

Xayrli kech, azizlar)

Sizlarning ko‘pchiligingiz bilsangiz kerak, biz hech bir davlat tashkiloti yoki kitob muassasasi bilan rasmiy hamkorlikka ega emasmiz(Farg'ona AKMni joy masalasida yordamlarini istisno qilgan holatda).

Bu yil moliyaviy hamkorlar topish va xarajatlarni asosan talabalar bo‘lgan adminlar jamoasiga yuklamaslik uchun yil rejasi tuzib, qattiq harakat boshlaganimizni kanaldagi faollikdan sezgandirsiz.

Rasmdagi xarajatlar minimal holatda ko‘rsatilgan bo‘lsa-da, aslida ularning kutilganimizdan ortib ketish ehtimoli katta.

Shuning uchun, fondimizga moliyaviy yordam bera olmasangiz ham, uchrashuvlarimizda kamida 20 kishidan ortiq odam to‘planishiga quyidagicha ko‘mak ko‘rsatishingizni so‘ramoqchiman:

- Kitobxon do‘stlaringizni uchrashuvlarimizga birga olib keling;
- Telegram kanallaringizda klubimizni targ‘ib qiling;
- Eski yoki o‘qimaydigan kitoblaringizni fondimizga taqdim eting
- Va albatta, uchrashuvlarimizga doimiy tashrif buyuring.

Sizning qo‘llab-quvvatlashingiz biz uchun juda muhim! ❤️

278 0 0

Mutolaa zavqi 📖

20 Jan, 20:00

"Yashamoq" – Yuy Xua

Yuy Xuaning "Yashamoq" asari hayotning qanchalik murakkab va shu bilan birga qadrli ekanini o‘rganishga undaydi. Bu asar oddiy bir insonning hayoti orqali global va abadiy mavzularni o‘rganadi: yo‘qotish, sabr, shukronalik va inson ruhining sinmasligi.

Fugui – boy xonadonning farzandi, ajdodlaridan qolgan barcha me'rosni qimorda boy bergach, hayot unga tayyorlab qo'ygan sinovlari va yo‘qotishlari bir qarashda fojiali ko‘rinadi, lekin asar davomida hayotning shafqatsizligi bilan birga, uning yashashga bo‘lgan ishtiyoqi qalbni larzaga soladi. Har bir voqea inson sifatida o‘z hayotingizni qayta ko‘rib chiqishga undaydi. Biz ko‘pincha hayotimizdagi narsalarni o‘z-o‘zidan tushunarli deb qabul qilamiz, lekin bu asar har bir lahza, har bir imkoniyat, hatto og‘riq va yo‘qotishlarning ham o‘z ma’nosi borligini anglatdi.

Fuguing hikoyasi oddiy, lekin chuqur. U hayotning eng og‘ir sinovlarida ham yashashni davom ettiradi. Bu nafaqat jasorat, balki shukronalikning eng yuqori ko‘rinishi. Undagi har bir qahramonning taqdiri insonga hayotning qanchalik nozik va bir vaqtning o‘zida mustahkam ekanini eslatdi.

Kitobni o‘qib, hayotdagi har bir narsaga, hatto kundalik hayotning kichik jihatlariga ham minnatdorlik bilan qarashni o‘rganasiz. Yuy Xuaning tili sodda, ammo uning so‘zlari yurakka chuqur yetib boradi. Har bir jumla insonni hayot haqidagi o‘z qarashlarini qayta ko‘rib chiqishga majbur qiladi.

"Yashamoq" bu shunchaki hikoya emas, balki har birimiz uchun hayotning murakkabligini qabul qilish va uni qadrlashga chorlovchi bir manifestdir.
Agar hayotingizda o‘z yo‘lingizni topishni, hayotning mohiyatini anglashni istasangiz, "Yashamoq" asarini o‘qishni tavsiya qilaman. Bu kitob sizni o‘zingiz bilan yuzlashtiradi va sizga hayotning eng oddiy, ammo eng muhim haqiqatlarini ochib beradi.

@hasanboyeva_blogi

358 0 3

Mutolaa zavqi 📖

15 Jan, 17:01

Dildor so‘radi: “So‘yla, nechun qayg‘uda dil?
Yo bir pari tal’atmi kulib oldi ko‘ngil?"
Tutdim qo‘liga ko‘zgu-yu,
qildimki javob:
“Oyinada ko‘rganing g‘amim boisi bil!”

Pahlavon Mahmud

476 0 6

Mutolaa zavqi 📖

14 Jan, 07:45

Akam bilan ba'zan urishib, gapimiz ko'pincha bir-biriga zid kelib qoladi.
Meni doim tanqid qiladi xulqimni, natijalarimni, ba'zi harakatlarimni va h.k. Masalan, o'qishga Fotima grandga men esa kontraktga kirganimda ham rosa gap bilan "tuzlagan". Shundan buyon har-har zamonda dashnom berib turadi. Lekin bilaman bularni atayin meni yerga urish uchun aytmasligini. Rivojlansin, yaxshi inson bo'lsin deb qiladi, afsuski, ko'pincha buni esimdan chiqarib qo'yaman.

Nemis tilini endi o'rganishni boshlagan paytim ishlamas edim, ham kontraktim ham bor edi. Lekin akam o'sha paytda qo'llab quvvatlab, o'quv kurslarim uchun pul berib turar edilar. O'ylab qarasam katta-kichik nimaiki natijalarim bo'lsa bunda akamning tanqidlari foydasi teggan ekan va hozir ham tegib kelmoqda.

Yoshligimizda Fotima ikkalamizni erkalab har xil nomlar bilan chaqirar edilar, masalan, meni doim "oq baliq" derdi) Xullas, doim hazil-mutoyiba qilib kayfiyatimizni ko'tarar edi. 5-6 kuncha oldin yana shunday degan edi, bilmayman negadir asabiylashib: "Boshqa bunaqa nom bilan chaqirmang", - deb zarda qildim, lekin kichkinaligimda shunday chaqirsalar hecham hafa bo'lmaganman, jahlim ham chiqmasdi. Menimcha katta bo'ldim shekilli..

Ko'p akasi yo'q o'rtoqlarim qaniydi akam bo'lsa edi deydi. Men esa, o'ylab qarasam, noshukrman... Yaxshiliklarini tez unutib qo'yaman, tanqidlarini no'togri tushunib olib, ko'pincha hafa bo'lib qolaman, keyin xato qilganimni ichimda tan olsam ham, tashimda buni sezdirmayman.

Lekin bir narsa, men doim akamdan fahrlanganman, hecham o'rganishdan va bizni ham shunga undashdan to'xtamagan. Har yil tug'ilgan kunimizga ensklopedik yoki qiziqarli ko'p kitoblar sovg'a qilib, ilm olishga ishtiyoq uyg'otgan. Yoshlikdan akamga qiziqib o'qishni boshlaganmiz.
O'zlari nima o'rgansa men va Fotima bilan bo'lishgan, savollar bergan, muhokamalar qilgan. Mening akam mana shunday inson!

Akalar doim singillarining baxtini, kelajagini o'ylaydi. (Buni kech tushunib yetganim uchun kechiring) Yoshlik qilib, ko'pincha tanqidlaringizni tushunmay sizga qattiq gapirganimdan afsuslanganman.. ammo buni o'zingizga hecham aytishni istamaganman. Jin ursin shu kibrni!
Bularni o'qishingizni juda istar edim, chunki barchasini o'zingizga aytolmayman..

Sizni doim yaxshi ko'ruvchi singlingiz Zuhra!

508 0 4

Mutolaa zavqi 📖

12 Jan, 18:00

Na qalam yozoldi ahvolimizni,
Na jumlalar angladi bizni.
Undov – hayron, vergullar – egri,
Nuqtaga jamladik dardlarimizni.

Jamol Surayyo

🖼️: Frank Bramley "A hopeless dawn"

421 0 10

Mutolaa zavqi 📖

6 Jan, 18:03

Alisher Navoiy – "Hayrat ul-abror"

Alisher Navoiy o‘zining beqiyos iste'dodi va chuqur bilimini namoyon etgan "Xamsa" asarining birinchi dostoni "Hayrat ul-abror"ni yozishda insoniylik va axloqiy qadriyatlarni o‘rganish va ulug‘lashni maqsad qilgan.

Dostonda she'riy hikmatlar, qissalar va falsafiy mulohazalar uyg'unlashgan. Asar qahramonlari orqali Navoiy insoniyatning eng yuksak fazilatlarini tasvirlaydi. Yaxshilik va yomonlik, adolat va zulm, sabr va g‘azab kabi qarama-qarshi tushunchalar asarning asosiy mavzularidan biri hisoblanadi.
"Hayrat ul-abror"da inson qalbi va ma'naviy dunyosining yuksakligi ulug‘lanadi. Navoiy ilohiy haqiqatlarni o‘ziga xos uslubda bayon etadi, bu esa asarni nafaqat badiiy, balki falsafiy jihatdan ham boy qiladi. Doston o‘quvchini ezgulikka, yaxshilik qilishga va hayotning ma'no-mazmunini anglashga yordam beradi.
Asardagi har bir misra o‘ziga xos ohang va ma'noga ega va ramzlar va tasvirlar ko'p. Shu bilan birga, Navoiyning hikmatli so‘zlari va ma'nodor qissalari chuqur mulohaza qilishga undaydi.
Asar insoniy fazilatlarni ulug‘lash bilan birga, axloqiy saboqlarni ham beradi. U hayotda to‘g‘ri yo‘lni tanlash, sabr va shukr qilish, adolatli bo‘lish kabi tushunchalarni chuqurroq anglashga yordam beradi.

@hasanboyeva_blogi

579 0 1

Mutolaa zavqi 📖

3 Jan, 17:00

Hamma narsadan ham manfaat olish shart emas, ba'zi narsalarni shunchaki sizga yoqqani uchun qiling!

765 1 3

Mutolaa zavqi 📖

29 Dec 2024, 16:00

O‘zbek fojiasi

— Men seni tushunaman, qizim. Lekin odamlar nima deydi?!

Arjumandbegim

960 0 18

Mutolaa zavqi 📖

28 Dec 2024, 21:05

Saga-Yarub-Smarait-and-Ghassan-Abu-Haltam-2021 —

Sometimes words fail and music speaks..

700 0 2

Mutolaa zavqi 📖

22 Dec 2024, 18:10

Azizim, po'rtaxol — braziliyalik yozuvchi Joze Mauro de Vaskonselosning bolalikning quvonchlari va og'riqlari haqida yozilgan o'zgacha asari bo'lib, unda bolalikning beg'uborligi va hayotning achchiq haqiqatlari bir-biriga uyg'un tarzda tasvirlangan.

Asar bosh qahramoni Zeze — tasavvur kuchi baland, o'zining ichki dunyosi bilan yashaydigan bola. U qashshoq oilada ulg'ayadi va ko'p qiyinchiliklarga duch keladi. Zeze o'zini yolg'izlikdan xalos qilish uchun o'zining eng yaqin do'sti — po'rtaxol daraxtiga murojaat qiladi. Ushbu daraxt Zezening tasalli topadigan yagona joyi va ichki his-tuyg'ularini bo'lishadigan "do'sti"ga aylanadi.
Kitob Zezening bolalikdagi shafqatsizlik va mehr-muhabbatni izlash jarayonini tasvirlaydi. Uning otasi ishsiz, oilasi kambag'al, lekin shunga qaramay, Zezening dunyosi tasavvur va orzular bilan to'la. Kitobning eng ta'sirli qismlaridan biri — Zezening o'z do'stini yo'qotishi va bu yo'qotish bilan qanday kurashishi. Ushbu voqealar kitobxonni hayotning haqiqatlari haqida chuqur o'ylashga undaydi.
Unda inson qalbining nozikliklari, mehr-muhabbatning ahamiyati va hayotdagi kurashlar aks etgan. Vaskonselosnin chuqur ma'noli uslubi kitobni o'qish jarayonida sizni ayni jarayonda ishtirok etyitgandek tasavvur qilishga undaydi.
Azizim, po'rtaxol — bu har bir kitobxonni hayotning qadriga yetishga undaydigan asar. Kitobni o'qib, o'zingizni Zezening dunyosida his qilasiz va uning hayotiy saboqlaridan ilhomlanasiz. Kitob sodda, lekin chuqur ta'sirchan tilda yozilganligi sabab nafaqat kattalar balki bolalar uchun ham mos.

O'qish jarayonida, albatta, o'zingizning ham bolaligingizni yodga soladi)

@hasanboyeva_blogi

789 0 1

Mutolaa zavqi 📖

22 Dec 2024, 16:10

Bizni baxt yaratgan.

Qishloqdagi onamizga
o‘xshash baxt.

Ammo uni
tashlab ketdik.

Ba’zan sog‘inib
ko‘rgani boramiz.
Yayraymiz uyida.
Ammo
Mehmonligimizni
sezib turamiz.

Baxtdan naridagi hayot
baribir bizniki.

Ketish kerak…

Baxt bizni quchoqlab
xayrlashar,
Labida tabassum,
ko‘zlarida yosh.

Ba’zan baxt
sog‘inib ko‘rgani keladi.

O‘shanda bayram.
Bolalarga o‘xshab qolamiz.

Birdan ketishga hozirlanar.
“Qol”, deymiz.
Ammo so‘zlarimizdan
samimiyat qochganini,
allaqachon sezgan.
Aniq biladi
bebaxtlikka ko‘nikkanimizni.

Mahkam quchoqlab
xayrlashar.
O‘pib,
hidlab xayrlashadi.

“Bir ongina
baxtni ko‘rsak edi,
o‘ylaymiz
yurak orziqqanda,
Bir damgina diydoriga to‘ysak”.

Bir kuni baxtni
ko‘mgani boramiz.
Yig‘laymiz.

Anglaymiz:
biz o‘ldirganmiz
bu baxtni;
bizni sog‘inib
o‘lgan bu baxt.

Endi
bizni yo‘qlab,
hech kim kelmaydi.
Endi biz
hech kimni
yo‘qlab bormaymiz.

Endi bemalol
yashash mumkin.
Endi bemalol
o‘lsak ham bo‘laveradi…

Usmon Azim

629 0 13

Mutolaa zavqi 📖

18 Dec 2024, 14:15

Ishq birla ko‘ngulni pok aylagil,
Dildagi g‘uborni yo‘q aylagil...

A.Navoiy

535 0 3

Mutolaa zavqi 📖

13 Dec 2024, 20:05

"Iltimos... Menga qo'zichoq chizib ber!"

Kichkina shahzoda qo‘zichoqni so‘rash orqali suhbatdoshidan o‘z dunyosini tushunishni va unga quloq solishni istaydi. Bu so‘rov insonning boshqalar bilan bog‘lanish va tushunish istagini ifodalagan. Qo‘zichoq shunchaki chizma emas, bu samimiy aloqani ramziy ifodalash.

611 0 2

Mutolaa zavqi 📖

13 Dec 2024, 20:00

Kichkina Shahzoda –Antuan de Sent-Ekzyuperi

Beg‘ubor qalblar uchun yozilgan abadiy asar!

Kichkina Shahzoda — bu nafaqat bolalar uchun, balki kattalar uchun ham yozilgan chuqur ma’noga ega falsafiy ertakdir. Antuan de Sent-Ekzyuperi tomonidan 1943-yilda yozilgan bu asar inson qalbining eng nozik tuyg‘ularini ochib beradi va hayotning asl mohiyatini tushunishga undaydi.

Asar voqealari koinotdan kelgan kichkina shahzoda va uni uchratgan uchuvchi o‘rtasidagi suhbatlar orqali hikoya qilinadi. Kichkina shahzoda o‘z sayyorasidan boshqa sayyoralarni kezib chiqadi va har birida turli xil odamlarni uchratadi. Bu obrazlar — xudbinlik, manmanlik, ma’nosiz bandlik kabi insoniy illatlarning ramzidir. Shu bilan birga, kichkina shahzoda oddiy narsalarning go‘zalligini va inson qalbining chuqur ehtiyojlarini ochib beradi.
Asarning eng asosiy mavzusi sevgi, do‘stlik va mas'uliyatdir. Shahzoda o‘z atirgulini boshqa minglab gullardan alohida deb biladi, chunki u uni parvarishlagan, unga mehr bergan. Bu orqali muallif inson munosabatlaridagi mas'uliyat va fidoyilikni ta’kidlaydi: "Sen o‘zingga o‘rgatgan narsang uchun abadiy mas'ul bo‘lib qolasan."

Bundan tashqari, asar hayotning oddiy, ammo eng muhim jihatlarini qadrlashni o‘rgatadi. Masalan, kichkina shahzoda quyosh botishini tomosha qilishdan zavqlanadi, chunki bu unga osoyishtalik bag‘ishlaydi. Asar bizni hayotning kichik lahzalaridan zavqlanishni o‘rganishga chorlaydi.

Kitobning tili oddiy va tushunarli bo‘lsa-da, undagi ramzlar va falsafiy mazmun chuqur o‘ylashga undaydi. Har bir obraz va voqea o‘ziga xos ma’noga ega, bu esa kitobni qayta-qayta o‘qishga arziydigan darajada boy qiladi.

"Kichkina Shahzoda" — bu inson qalbini o‘zgartiradigan va har bir o‘quvchiga o‘z hayoti haqida chuqurroq o‘ylash imkonini beradigan asardir.

Eng sevimli kitobim!

599 0 0

Mutolaa zavqi 📖

8 Dec 2024, 17:42

Ingliz tili o'rganyotgan paytlarimda ustozimiz ingliz tiliga oid topshiriqlardan tashqari badiiy kitob o'qishni ham topshiriq qilib berar edilar. Bitta badiiy kitobni guruhda barchamiz o'qib, keyin darsdan so'ng ingliz tilida muhokama qilardik. Juda foydali bo'lgan speakingni o'stirishda ayniqsa. Guruhdoshimdan har xil fikrlar, xulosalar olardim, ulardan ham o'rganar edim. Vaqt o'tib mana endi o'zim ham ingliz tilidan dars beryapman. O'sha payt o'rganganlarim hozir yanada foyda beryapti. O'quvchilarim balandroq darajaga o'tishgach men ham ularga badiiy kitob o'qish topshirig'ini berdim. Bugun bir o'quvchimning ota onasi yozibdi: "Farzandimga nega kitob o'qishni vazifa qilib berdingiz, buni ingliz tiliga nima aloqasi bor. Badiiy kitob o'qib nima qiladi, bolaga bu ortiqcha"
Hayron qoldim to'g'risi, hozirdan kitob o'qimasa qanday qilib dunyoqarashini, fikrlashini oshirishi mumkin?! Ingliz tilini o'rganyotgan o'quvchi kitob o'qimasligi kerak degan narsani qayerdan olishdi? Birinchidan, kitob o'qish bolada diqqatni jamlash qobiliyatini oshiradi. Odatda ikkinchi til o'rganyotgan yoshlar diqqatning tarqoqligidan qiynalishadi, ko'pincha xorijiy so'zlarni ham yodlashga qiynalishadi, chunki xayoli har yerda bo'ladi. Ikkinchidan, kitob tanqidiy fikrlashga va yaratuvchanlik qobiliyatini rivojlantirishga foydali. Bu esa gapirish (speaking) va yozish (writing) qismida ancha qo'l keladi. Kitob o'qish qay sohada bo'lmasin insonning nafaqat ma'naviy jihatdan, balki kasbiy sohasida ham faqat foydasiga ishlaydi.

U o'quvchimning ota onasiga tushuntirdim, bilmadim gaplarim qay darajada tushunarli bo'ldi. Masalan, aytaylik siz olma ko'p yeysiz va siz uni qay darajada foydali meva ekanini iste'mol qilgach payqagansiz, lekin uni umrida ta'tib ko'rmagan insonga qancha maqtaganingiz ham foydasiz. Foydasini bilish uchun avval ta'tib ko'rishi kerak. Kitob o'qish ham shunday, ko'p o'qigan inson biladi. Ota-onalar eng avvalo o'zlari kitob o'qishi kerak. Shunda "Farzandim kitob o'qishi ortiqcha" degan fikrlar bo'lmaydi.

@hasanboyeva_blogi

564 0 2

Mutolaa zavqi 📖

5 Dec 2024, 20:20

00:25

Video oldindan ko‘rish uchun mavjud emas

Telegram'da ko‘rish

Women... they have minds and they have souls as well as just hearts and they have got ambition and they have got talent as well as just beauty and I'm so sick of people saying that love is just all a woman is fit for. I'm so sick of it. But... I'm so lonely.

@hasanboyeva_blogi

487 0 9

Mutolaa zavqi 📖

3 Dec 2024, 21:05

The Stranger dan repost

Unga qoʻzichoq chizib bering.

485 0 0

Mutolaa zavqi 📖

26 Nov 2024, 07:10

"Interstellar" filmida Kuper va maktab direktoringing kichik bir suhbati bor. Direktor Kuperning o'g'lini kollejga qabul qilinmadi, undan yaxshi fermer chiqadi deydi, Kuper esa o'g’lining o'qishini istaydi. Direktorning o'g'ling kollej uchun yetarli ball to'play olmadi degan javobidan keyin. Kuper shunday javob beradi: "Belingning aylanasi nechi? Sening bel aylanang o'lchamini o'lchash uchun birdan ortiq o'lchov birlik ishlatiladi-yu, nega o'g'limning bilimiga faqat birgina test orqali baho beriladi?"

"Har bir odamda o'ziga xos iste'dod bor, lekin agar baliqni daraxtga chiqish qobiliyatiga qarab baholasangiz, u butun umrini o'zini ahmoq deb o'ylab o'tkazadi" deganda Albert Enshteyn naqadar haq edi!

@hasanboyeva_blogi

1.5k 1 10

Mutolaa zavqi 📖

20 Nov 2024, 22:20

• Marriage is scary, what if he doesn't read books...
• Marriage is scary, what if he doesn't want to hear me talking about my books all day...
• Marriage is scary, what if he doesn't build a personal library for me...
• Marriage is scary, what if he thinks reading books is boring...
• Marriage is scary, what if he doesn't like poetry...
• Marriage is scary, what if he doesn't love me like fictional men love their wives...
• Marriage is scary, what if he didn't read "The Little Prince"

@hasanboyeva_blogi

783 0 4

20 ta oxirgi post ko‘rsatilgan.

386

obunachilar

Kanal statistikasi

Kanalda mashhur

Hamma narsadan ham manfaat olish shart emas, ba'zi narsalarni shunchaki sizga yoqqani uchun qiling!

Alisher Navoiy – "Hayrat ul-abror" Alisher Navoiy o‘zining beqiyos iste'dodi va chuqur bilimini...

Akam bilan ba'zan urishib, gapimiz ko'pincha bir-biriga zid kelib qoladi. Meni doim tanqid qilad...

Dildor so‘radi: “So‘yla, nechun qayg‘uda dil? Yo bir pari tal’atmi kulib oldi ko‘ngil?" Tutdim qo...

Na qalam yozoldi ahvolimizni, Na jumlalar angladi bizni. Undov – hayron, vergullar – egri, Nuqtag...