Guler Huseynova Kurikulum

9. Müəllim telefondan məqsədsiz yerə istifadə etməyin qarşısının alınması və daha faydalı şəkildə istifadəsi məqsədi ilə şagirdləri sorğu, araşdırma əsaslı öyrənməyə cəlb edir. Müəllimin hansı fəaliyyətləri sorğu, araşdırma əsaslı öyrənməyə ziddi olar?
1. Şagirdlərin müasir texnologiyadan düzgün istifadə ilə bağlı sual və fərziyyələr irəli sürmələrini təşkil edir
2. Şagirdlərə telefon şüasından qorunmaq üçün bir qurğu hazırlamağı tapşırır
3. Şagirdlərin telefon şüasının zərərlərini anlamalı üçün bir eksperiment aparmasını təmin edir
4. Şagirdləri müstəqil öyrənməyə və araşdırma aparmağa həvəsləndirir
5. Şagirdlərə telefon şüalarının zərərləri ilə bağlı hazır videomaterial izlədib oradakı məlumatları ümumiləşdirib yazmağı tapşırır
A) 2, 3
B) 2, 3, 5
C) 1, 5
D) 3, 4, 5
E) 2, 5

8. Sorğu, araşdırma əsaslı öyrənməyə aid olan fikirləri müəyyən edin
1. Şagirdlər öyrənmə prosesində sual vermək, hipotez irəli sürmək, müşahidə etmək, araşdırma aparmaq, nəticə çıxarmaq, nəticəni yoxlamaqla tədqiqat xarakterli fəaliyyətə cəlb olunurlar
2. Müəllimin bu modeldən istifadə edən zaman əsaa məqsədi şagirdlərin əylənərək təlim məqsədlərinə çatmasıdır.
3. Müəllimin istifadə etdiyi bu təlim modelində şagirdlər informasiyanı passiv şəkildə qəbul etmirlər, əksinə, suala cavab tapmaq üçün araşdırma və müzakirə edirlər
4. Müəllim tədris edəcəyi mövzunun hissə-hissə tədrisini təşkil edir, anlamanı yoxlamaq üçün suallar ünvanlayır
A) 1,2
B) 1,3
C) 2,4
D) 1,2,4
E) 1,3,4

7. Müəllim dərsin əvvəlində şagirdlərə təbiətdə nadir halda rast gəlinən bitki və heyvanlara aid şəkillər göstərir və müşahidə nəticəsində şagirdlər belə bitki və heyvanların məlumatlarının “Qırmızı kitab”da toplandığını görürlər. Daha sonra müəllim şagirdlərə suallarla müraciət edir. “ Qoruqlar və milli parklar nə üçündür? Bunlar bir-birindən nə ilə fərqlənir? Bu ərazilərin yaradılma məqsədi nədir? Qoruq, yasaqlıq və milli parklarda qorunan bitkilər haqda hansı məlumatları verə bilərsiniz? Şagirdlər fəaliyyətə başlayıb müxtəlif mənbələrdən istifadə etməklə araşdırma edirlər. Verilmiş situasiyaya əsasən istifadə olunan modeli və onun xüsusiyyətini müəyyən edin
1. Problem əsaslı öyrənmə
2. Layihə əsaslı öyrənmə
3. Sorğuya əsaslanan təlim
a- Burada təqdimat əsasən rəqəmsal platforma üzərindən edilir
b- Şagirdlər fərziyyələrini irəli sürdükdən sonra müxtəlif resurslardan istifadə edərək araşdırma aparırlar
c- Bu yanaşna fənlərarası və fənnüstü inteqrasiyaya əsaslanır, şagirdlər problemin həlli ilə bağlı təkliflərini irəli sürürlər
d- Bu modelə əsasən dərsin əvvəlində şagirdlərin fikirlərini cəkb etmək zəruridir, bunun üçün müəllim müxtəlif üsullardan istifadə edir
A) 1- b,c
B) 2- a, b
C) 3- b, d
D) 3- a, b
E) 1- b, d

6. Sorğu, araşdırma əsaslı öyrənmə ilə bağlı yanlış fikri müəyyən edin
A) Nəticənin əldə olunması mərhələsində şagirdlər verilən sualla əldə edilən nəticəni qarşı-qarşıya qoyurlar
B) Müzakirə mərhələsi sonda vurğulansa da, bütün proses boyunca müzakirənin elementləri mövcuddur
C) Sorğu, araşdırma əsaslı öyrənmə yalnız eksperimental yolla həyata keçirilir
D) Araşdırmanın aparılması mərhələsində şagirdlərin marağı hərəkətə, fəaliyyətə çevrilir
E) Sualın verilməsi və fərziyyələrin irəli sürülməsi mərhələsi qoyulan problemi bir anlayış kimi nəzərdən keçirməyi, onu konseptual olaraq anlamağı hədəfləyir

Bu mərhələdə müəllim məqsədə uyğun olaraq müxtəlif üsullar vasitəsilə (hekayə danışaraq, şəkil, video, mövzuya uyğun əyani vəsaitlər göstərək və s.), müəyyən suallar verərək şagirdlərin diqqətini cəlb etməyə, onlarda dərsə, öyrənməyə, araşdırmağa maraq yaratmağa çalışır. Sözü gedən mərhələ sorğu, araşdırma əsaslı öyrənmənin hansı mərhələsidir?

Şagirdlər bu mərhələdə müəllimin istiqaməti ilə araşdırma sualına cavab axtarmaq, fərziyyələrin düzgünlüyünü təsdiqləmək və ya təkzib etmək üçün dəlil tapmaq və tədqiqat aparmaq üçün təşəbbüs göstərirlər. Bu mərhələdə şagirdlərin müəyyən material və resurslara ehtiyacı ola bilər. Bu resurslar şagirdlər üçün əlçatan olmalıdır, həmçinin araşdırma sualını və sorğu prosesini dəstəkləməlidir. Sözü gedən mərhələ sorğu, araşdırma əsaslı öyrənmənin hansı mərhələsidir?

Bu sual əsasında şagirdlər növbəti mərhələdə araşdırma etməyə, suala cavab tapmağa çalışırlar. Şagirdlər verilən suala proqnozlar verir və fərziyyələr irəli sürürlər. Sözü gedən mərhələ sorğu, araşdırma əsaslı öyrənmənin hansı mərhələsidir?

Bu mərhələdə bütün şagirdlər gəldikləri nəticələri təqdim etməklə bir-birini dinləyir, bir-birindən öyrənirlər. Müəllim müzakirələrə rəhbərlik edir, müzakirəni effektiv şəkildə təşkil edir. Daha sonra isə refleksiya aparılır və sorğunun nəticələrinin qiymətləndirilməsi həyata keçirilir. Sözü gedən mərhələ sorğu, araşdırma əsaslı öyrənmənin hansı mərhələsidir?

Araşdırma edən və məlumat toplayan şagirdlər nəticə çıxarır və suala cavab tapırlar. Hərəkətverici sual veriləndə irəli sürülən ilkin ideyalarının və ya fərziyyələrinin doğru olub olmadığını, ilkin fərziyyə ilə gəlinən nəticənin uyğunluğunu müəyyən edirlər. Sözü gedən mərhələ sorğu, araşdırma əsaslı öyrənmənin hansı mərhələsidir?