Гонзо | ғайриоддий журналист

Масалан, Россияда ҳам ўзбеклар жуда кўп-ку!
Руслар ҳам ҳавотирга тушармикан а?
Ўзбекларни кўчиб келиши кўпайиб кетди, улар бизни босиб олмоқчи шеклли деб🤣

@gonzo_uz | ғайриоддий журналист

Талабалар, ўқитувчилар хуллас, маоши кам касб эгалари диққатига!

Эртага ишга кетаётганингизда бекатда ёки метро атрофларида кўзингиз бир литр ёғга тушиши мумкин. Жиппилаб бориб бир литр ёғ учун овоз бериб “ана нечта овқатга етади-ю!” деб ҳурсанд бўлиб дўппингизни осмонга отишга шошилманг!

Маҳаллангизга боринг, ўзингиз яшаб турган жойдаги ривожланиш учун овоз беринг!

Ҳа айтганча, овоз бермасдан овозини нархи кўтарилишини кутадиганлар. “Охирига бориб кўрасан, 3 литр ёғга чиқади, 50 минг пул беради” дейдиганлар!
Сизлар ҳақиқий даҳосиз…!🤣

Албатта, ҳазил! Ўзингиз яшаб турган жойни ривожланиши ва ободонлаштирилиши учун овоз беринг!

@gonzo_uz | ғайриоддий журналист

Қадимги юнонларда фикрлай олиш буюк иқтидор ҳисобланган. Сўнгра у бахт деб ҳисоблана бошланди. Кейинроқ эса дардга айланди.
Бугун у - жиноят.

• М. Ремарк

@gonzo_uz | ғайриоддий журналист

Бир нарсани ўйлаб қолдимда, бизни давлатимизга бир давлат кўплаб сармоя киритиши бизни шунчалик ҳавотирга солиши нимадан?

Менимча, бизни давлат суверенитетини бериб қўядиган кучсиз давлат бўлмаса керак нега бунча қўрқувдамиз?

Қирғизистон Республикаси Хитой билан чегарадош, қолаверса Қирғизистон иқтисодиёти Хитойнинг таъсир доирасида гуркираб яшнайди.
Нега улар бунчалик ҳавотирда эмас?

Давлат аҳмоқ эмас, бир нарсани қилдими? Уни яхши ва ёмон тарафларини ҳам ҳисобга олади.
Хуллас, тадбиркорлар! Ҳавотирни йўқотингларда, нарх навони тушуринглар. Рақобат билан ҳам ишлаб кўрингларчи!

Рақобат билан халқни ҳурматини қозонингларчи…

@gonzo_uz | ғайриоддий журналист

Соғлом мутолаа қандай бўлади?

XXI асрда яшар эканмиз, мутолаа мураккаб ишлардан бирига айланиб бормоқда. Айниқса, Ўзбекистонда газета ва журналлар ўрнини ижтимоий тармоқлардаги сиёсий-ижтимоий каналлар эгаллаб бормоқда. Лекин шунда ҳам, мутолаа қилувчилар сони кам, одамлар дангаса бўлиб кетган. Агар узунроқ пост бўлса охиригача ўқишга сабри етмайди. Инстаграм ва Тик Ток платформалари оммалашиб одамлардаги сабрни буткул йўқотди. Ҳозирги кунда камдан кам одамлар 1 соатлик киноларни кўрса керак деб ўйлайман. Инстаграмдаги 10-15 сониялик видеоларни ҳам базида кўришга тоқатимиз етмай қоляпти. Биз қаерга қараб кетяпмиз? Ижтимоий тармоқлардаги сабрсизлик хаётимизга ҳам кўчиб ўтмоқда. Одамлар асабий ва сабрсиз бўлиб кетмоқда.

Бундан билинадики, мутолаа маданиятини тиклашимиз керак. Унинг учун видеолар ва расмлар бериб борадиган эмас, мақолалар ва мунозаралари постлар ёритиладиган каналларни кузатишни ўзингизга одат қилинг!

Телеграм платформасида канал юритиш ўзига хос қийинчиликларни келтириб чиқаради, аммо бу жуда ҳам завқли. Негаки, инсон вазиятларга ва ҳолатларга ўз фикрларини бериб бориши одамга таскин беради.

Каналнинг ижтимоий кучи обуначиларининг фикрлашида ва мақолаларни қабул қилишида билинади. Айтайлик, бирор бир мавзуда пост ёзилди дейлик, обуначилар бу мавзуни изоҳларда соғлом фикр алмашиш йўли билан муҳокама қилиниши, биринчидан фикр алмашишга сабабчи бўлади, иккинчидан каналда ёритилган мавзунинг таъсирини кучайтиради.

Инсон нафақат канални тўғри юрита олиши, балки обуначи сифатида канални тўғри кузата олиши ҳам керак! Қандай қилиб дейсизми? Каналга қандайдир мавзуда пост ташландими, у мавзуни ўқиб чиқишингиз ва иложи борича ўзингиздаги фикрни ва саволни изоҳда қолдиришингиз керак. Канални изоҳ қисмини бекорга очиб қўймаганман, агар сизларни фикрингиз қизиқ бўлмаганда ёпиб қўйган бўлар эдим.

Шундай экан, инсон фикр билдиришдан ҳечқачон қўрқмаслик керак, ўз фикрини ижтимоий тармоқ одобларига риоя қилган ҳолда изоҳларда қолдириш мумкин, аммо ўз қарашларини қаттиқ ушлаб олиб қолганларникини хато деб ҳисоблаш бу буткул нотўғри. Изоҳларда ўзгаларнинг фикрини хато бўлсада ҳурмат қилиш чинакам маданият ҳисобланади ҳозирги кунда.

Сиз кузатадиган канал админи сизнинг постларга бераётган реакциянгиздан илҳомланади ва кейинги янги постларни чиқиши ҳам сизнинг постларга қандай реакция билдиришингиз билан узвий боғлиқ. Шундай экан, сиз қайси канални кузатманг, албатта ўз фикрингизни бериб кетишни ўрганинг(бу сизда шахсий фикр ўсишини ҳам оширади) ёки камида реакция қолдиринг!

Ҳаммаси кичик нарсалардан бошланади, сиз ўзингиздаги бефарқликни каналлардаги постларга нисбатан эътибор бериш орқали йўқотсангиз атрофдаги ижтимоий-сиёсий вазиятларга фикр билдиришда ҳам фаоллигингиз ошиб боради.

@gonzo_uz | ғайриоддий журналист

Иқтисодий қарамлик, маънавий қарамликни келтириб чиқаради!

Хитойликларнинг Ўзбекистон бозорларини эгаллаши орқасидан мунозаралар ҳали ҳам давом этмоқда.

Куни кеча бозорга тушгандим, нархлар кескин тушган, айниқса кийим-кечак савдосида сезиларли ўзгаришлар бўлган. Бунга нима сабаб?

Ўзимизникилар тўрт юз минг сотадиган шимларни хитойликлар юз мунг сотмоқда! Нарх орқали бизни халқимизни ичига кириб бормоқда! Халқни керагидан ортиқ қийнаш ва нарх навони кўтариш мана шундай оқибатларга олиб келади!

Агар бизда монополия йўқолса нималар бўлишини Хитой кўрсатиб қўйди. Агар машиналаримизга ҳам Растаможка йўқолса ана кўраверингда…

Хитой кириб келгандан кейин ўзимизникиларга нон қолмади. Бир нарсани унутманг, халқ маънавий мағлубият ёки тобелик ҳақида чуқур ўйламайди! Оиласига қозон керак бўлса бозорга тушади чўнтагига қараб арзон ва сифатлисини танлаб олади! Қозонни орқасида турган сиёсий мақсадлар умуман қизиқ эмас. Бундай сиёсий ғояларни сиёсатчиларимиз ва юқорида ўтирган амалдорларимиз билишлари керак,
улар билмагандан кейин халқ ҳечнима қилолмайди! Халқ ойлигига ва топишига яраша маҳсулотга интилади. Халққа қизиқ эмас у хитойникими, Мадагаскарникими…


Шундай экан, юқорида ўтирган амалдорлар ва сиёсатчилар кўзларингизни катта катта очинг, Хитой ҳақиқатан сиёсий хавф!
Хитойни чиқариб юбориш учун энди, нафсни бир четга сурасиз! Нархларни тушурасиз бўлмаса иложи йўқ!
Иқтисодиётимизни синдиришга ўтдими? Кейинги босқич маънавиятимизга ҳужум бўлади унутманг!

Бир томондан кулгим қистайди, онайни эмгур бизникиларга рақобат тўғри келмас экан. Нархларимизни ҳам, маҳсулотларимиз сифатларини ҳам бир четда қолдиришди. Иқтисодиётни югуриш мусобақасига ўхшатадиган бўлсак стадионда ўзимиз югурганимиз яхши экан. Шунда биринчи ўрин ҳам ўзимиз бўламиз, охирги ўрин ҳам! 🤣

@gonzo_uz | ғайриоддий журналист

Бугун 8-март!
Юртимизда хотин-қизлар куни бўлганлиги сабабли каналимни кузатиб борадиган, сиёсатга қизиқадиган барча аёлларни табриклайман!

Барча аёлларга ўқинг ва илм олинг деб қоламан! Миллатни қутқаришни биргина йўли аёлларимизни илми қилишдир.

Энг буюк инсонларни ортида ҳам бир аёл туради!
Ўзингизга тегишли эркакларни илҳомлантирувчи бўлинг!
Сизлар ёнимизда турсангиз ҳар қандай қийинчиликни енгиб ўтамиз!

Бахтимизга ҳамиша соғ бўлинглар!

Гонзо ва канал эркаклари номидан!

@gonzo_uz | ғайриоддий журналист