Geologiya fanlari universiteti va Navoiy davlat konchilik va texnologiyalar universiteti olimlari va ilmiy xodimlari G’ozg’on va Nurotada
Yig‘ilishning Asosiy Maqsadi
18-dekabr kuni, Navoiy viloyatining Xatirchi tumanida Tog‘-kon va geologiya vazirligi tarkibidagi Geologiya fanlari universiteti va Navoiy davlat konchilik va texnologiyalar universiteti olimlari hamda ilmiy xodimlari ishtirokida yig‘ilish bo‘lib o‘tdi. Ushbu uchrashuv mineral xomashyo resurslaridan samarali foydalanish, istiqbolli maydonlarni o‘rganish va investitsion muhitni yaxshilashga bag‘ishlandi.
G’azg’on
Tashrif davomida Gazgon shahrida tuman hokimligining investitsiyalar bo‘yicha bosh mutaxassisi ishtirokida uchrashuv o‘tkazildi. Yig‘ilish davomida universitet vakillari tomonidan hududdagi istiqbolli konlar va yer osti boyliklari bo‘yicha batafsil ma’lumotlar taqdim etildi. Shuningdek, universitet ilmiy xodimlari hududdan tog‘ jinslari (granitoidlar), tuproq namunalari va yer osti suvlari kabi materiallar yig‘ib, ularni keyinchalik laboratoriya sharoitida geokimyoviy va mineralogik tahlil qilish uchun olib ketdilar.
Nurota
Nurota shahrida esa yig‘ilishda shahar hokimi shaxsan ishtirok etdi. Uchrashuv davomida asosiy e’tibor hududdagi yer osti mineral suvlarining kimyoviy tarkibi va istiqbolli imkoniyatlariga qaratildi. Nurota hududidan ham gidrogeologik suv namunalari olinishi tashabusi bildirildi, ularning sifat va tarkibiy xususiyatlarini aniqlash maqsadida chuqurlashtirilgan gidrokimyoviy tahlil o‘tkazilishi rejalashtirildi.
Ilmiy Natijalar va Istiqbolli Ma’lumotlar
Universitet vakillari tomonidan hududlarga oid istiqbolli foydali qazilmalar, yer osti boyliklari va mineral suvlar bo‘yicha ilmiy taqdimotlar o‘tkazildi. Bunday uchrashuvlar hududlarning mineral resurslaridan samarali foydalanish, investitsiyalarni jalb qilish hamda yangi ilmiy tadqiqot va ishlab chiqarish loyihalarini amalga oshirishda muhim ahamiyat kasb etadi.
Gazgon va Nurota hududlaridagi ilmiy faoliyat nafaqat mavjud resurslarning samarali o‘zlashtirilishiga, balki geologiya va konchilik sohasida barqaror hamkorlik va innovatsion yondashuvlar uchun mustahkam zamin yaratishga xizmat qiladi.
РУ🇷🇺 ENG🇬🇧
Web sayt | Telegram | YouTube
| Facebook | Instagram
Yig‘ilishning Asosiy Maqsadi
18-dekabr kuni, Navoiy viloyatining Xatirchi tumanida Tog‘-kon va geologiya vazirligi tarkibidagi Geologiya fanlari universiteti va Navoiy davlat konchilik va texnologiyalar universiteti olimlari hamda ilmiy xodimlari ishtirokida yig‘ilish bo‘lib o‘tdi. Ushbu uchrashuv mineral xomashyo resurslaridan samarali foydalanish, istiqbolli maydonlarni o‘rganish va investitsion muhitni yaxshilashga bag‘ishlandi.
G’azg’on
Tashrif davomida Gazgon shahrida tuman hokimligining investitsiyalar bo‘yicha bosh mutaxassisi ishtirokida uchrashuv o‘tkazildi. Yig‘ilish davomida universitet vakillari tomonidan hududdagi istiqbolli konlar va yer osti boyliklari bo‘yicha batafsil ma’lumotlar taqdim etildi. Shuningdek, universitet ilmiy xodimlari hududdan tog‘ jinslari (granitoidlar), tuproq namunalari va yer osti suvlari kabi materiallar yig‘ib, ularni keyinchalik laboratoriya sharoitida geokimyoviy va mineralogik tahlil qilish uchun olib ketdilar.
Nurota
Nurota shahrida esa yig‘ilishda shahar hokimi shaxsan ishtirok etdi. Uchrashuv davomida asosiy e’tibor hududdagi yer osti mineral suvlarining kimyoviy tarkibi va istiqbolli imkoniyatlariga qaratildi. Nurota hududidan ham gidrogeologik suv namunalari olinishi tashabusi bildirildi, ularning sifat va tarkibiy xususiyatlarini aniqlash maqsadida chuqurlashtirilgan gidrokimyoviy tahlil o‘tkazilishi rejalashtirildi.
Ilmiy Natijalar va Istiqbolli Ma’lumotlar
Universitet vakillari tomonidan hududlarga oid istiqbolli foydali qazilmalar, yer osti boyliklari va mineral suvlar bo‘yicha ilmiy taqdimotlar o‘tkazildi. Bunday uchrashuvlar hududlarning mineral resurslaridan samarali foydalanish, investitsiyalarni jalb qilish hamda yangi ilmiy tadqiqot va ishlab chiqarish loyihalarini amalga oshirishda muhim ahamiyat kasb etadi.
Gazgon va Nurota hududlaridagi ilmiy faoliyat nafaqat mavjud resurslarning samarali o‘zlashtirilishiga, balki geologiya va konchilik sohasida barqaror hamkorlik va innovatsion yondashuvlar uchun mustahkam zamin yaratishga xizmat qiladi.
РУ🇷🇺 ENG🇬🇧
Web sayt | Telegram | YouTube
| Facebook | Instagram