Assalomu alaykum, Generalissimus Telegram kanali muxlislari!
Xabaringiz bor, kanal adminlaridan birining Telegram akkounti buzib kirilib, kanalga pornografik xarakterdagi materiallar joylangan va Telegram ma'muriyatiga shikoyat yóllangan, natijada kanal noma'lum muddatga bloklandi.
Ma'lumot uchun, akkount óta qiyin parol (hech kim bilmaydigan) bilan ikki bosqichli himoyalangan edi. Shu sababdan, Telegramning kuchli himoyalanganiga oid iddaolarga ishonib qolmasligingizni sórayman. Buzib kirishda "faqatgina tushingizni kóra olmaydigan" texnikalardan foydalanilgan bólishi mumkin.
Kanalga bólgan hujum ta'sir doiramizning kerakli joylarga yetib borganining yorqin isboti bóldi. Bu bilan ular ózining naqadar kuchsizligini tan olib, tanqidlarga adekvat va asosli javob berish órniga, postlarni óchirtirish uchun qilingan qónğiroqlari foydasiz yakunlangani alamini oldi.
Hozirda bu holat haqida Telegram ma'muriyatiga rasmiy murojaatlar yólladik, biroq ularning javobi kelguncha, muxlislarimizni kuttirishni xohlamadik.
Shu ótgan ikki yilda Generalissimus oddiy bir kanaldan jamoatchilik nazoratining jiddiy instrumentiga, huquqiy ong va madaniyatni yuksaltiruvchi yetakchi platformaga aylandi.
Shu sababdan, kanalimizni qaytadan ochdik. Kelgusida yanada ulkan maqsadlarga erishamiz.
Haq olinur, berilmas!
@generalissimo_one
