Fitrat.uz

#Ramazon_2025

ЭҲСОНЛАР ЭГАЛАРИГА ЕТКАЗИЛЯПТИ

Муҳтарам Президентимизнинг «Рамазон – саховат, бирдамлик ва бағрикенглик ойи» ғояси асосида Рамазоннинг ўнинчи куни (10 март) ҳам хайр-саховат тадбирлари амалга оширилди.
* * *
Тошкент тумани «Мирхалил ота» жоме масжиди имом-хатиби Улуғбек домла ҳомийларни жалб қилган ҳолда боқувчисини йўқотган 250 нафар болага озиқ-овқат маҳсулотлари етказиб берди.
* * *
Янгийўл тумани «Гулбаҳор» жоме масжиди имом-хатиби Қамариддин домла бошчилигида ҳомийлар ёрдамида 250 килолик қорамол сўйилиб, 150 та кам таминланган, боқувчисини йўқотган, ногиронлиги бор ҳамда етим парваришланаётган хонадонларга 2 кг.дан гўшт, 5 кг.дан писта ёғ, 1 қоп ун эҳсон қилинди. Бунинг учун 60 миллион сўм сарфланди.

Шунингдек, тумандаги «Имоми Аъзам» масжиди имоми ҳам ҳомийлар кўмагида 20 та оилага гўшт эҳсон қилди.

«Усмон Зиннурайн» масжиди имоми Аброрхон домла Маматов ҳам ҳудуддаги «Олмазор» маҳалласида яшовчи етим парваришланаётган хонадонга болали қўй ва 15 турдаги озиқ-овқат маҳсулотларини эҳсон қилди.
* * *
Оққўрғон тумани «Намозбой бобо» масжиди имоми Одилжон Анваров ҳам кам таъминланган 10 та оилага 4 миллион сўмлик озиқ-овқат маҳсулотлари тарқатди.
* * *
Бекобод шаҳар «Нўмон ибн Собит» жоме масжиди имом-хатиби Элёр домла Бабажанов кам таъминланган оилаларга ҳомийларни жалб қилган ҳолда жами 7 000 000 сўмлик озиқ-овқат маҳсулотлари эҳсон қилди.
* * *
Оҳангарон шаҳар «Хонобод» жоме масжиди жамоаси ҳомийларни жалб қилиб эҳтиёжманд оилаларга 10 000 000 (ўн миллион) сўмлик озиқ-овқат маҳсулотларини Рамазон ҳадиялари сифатида тарқатди.

Хайру саховат тадбирлари вилоятнинг ҳар бир масжидида давом этади.

Аллоҳ таоло эҳсонларни қабул қилсин!

Тошкент вилояти вакиллиги
Матбуот хизмати

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

#Ҳадис

Абу Атийя розияллоҳу анҳудан ривоят қилинади. Мен ва Масруқ розияллоҳу анҳу Оишанинг розияллоҳу анҳo ҳузурларига кирдик. Масруқ розияллоҳу анҳу Оиша розияллоҳу анҳoга: «Расулуллоҳ соллаллоҳу алайҳи васалламнинг иккита (улуғ) саҳобалари бор. Икковлари ҳам яхшилик қилишда бир-бирларидан кам эмас. Бирлари шомни ва оғиз очишни тезлатади. Иккинчилари шомни ва оғиз очишни кечиктиради. (Яъни буларнинг қайсилари афзал?)» деганларида, Оиша розияллоҳу анҳo: «Қайси бирлари шом ва оғиз очишни тезлатса», дедилар. Масруқ: «Абдуллоҳ ибн Масъуд тезлатадилар», дедилар.

Шунда Оиша розияллоҳу анҳo: «Расулуллоҳ соллаллоҳу алайҳи васаллам ҳам Абдуллоҳ ибн Масъуд розияллоҳу анҳунинг қилгани каби бажарганлар. Яъни Абдуллоҳ ибн Масъуд розияллоҳу анҳу Расулуллоҳ соллаллоҳу алайҳи васалламнинг суннатларига амал қилар эканлар», деб айтдилар.

Имом Муслим ривоятлари.

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

#Ramazon_2025

11 - МАРТ / РАМАЗОННИНГ ЎН БИРИНЧИ КУНИ СЕШАНБА

САҲАРЛИК: 05:24
⏰ (Тошкент вақти билан)


САҲАРЛИК (ОҒИЗ ЁПИШ) ДУОСИ:

نَوَيْتُ أَنْ أَصُومَ صَوْمَ شَهْرَ رَمَضَانَ مِنَ الْفَجْرِ إِلَى الْمَغْرِبِ، خَالِصًا لِلهِ تَعَالَى أَللهُ أَكْبَرُ

Навайту ан асума совма шаҳри рамазона минал фажри илал мағриби, холисан лиллаҳи таъала. Аллоҳу акбар.

Маъноси: Рамазон ойининг рўзасини субхдан то кун ботгунча тутмоқни ният қилдим. Холис Аллоҳ учун. Аллоҳ буюкдир.

Яқинларингизга ҳам эслатинг:
https://t.me/joinchat/AAAAAEGj0hkBXGlopIDbXA

КИМ ЭҲСОН ҚЎЛИНИ ЧЎЗСА...

Муҳтарам Президентимизнинг «Рамазон – саховат, бирдамлик ва бағрикенглик ойи» ғояси асосида Рамазоннинг ўнинчи куни ҳам хайр-саховат тадбирлари амалга оширилди.

Бу жараёнда ўзга миллат вакилларига алоҳида эътибор қаратиляпти.

Бугун Бўстонлиқ тумани бош имом-хатиби Мурод домла Шохўжаев тумандаги имомлар билан ҳомийлар кўмагида ҳудуддаги кам таъминланган, ногиронлиги бор ва эҳтиёжманд 5 та оила ҳолидан олди. Улар орасида рус ва татар миллатига мансуб юртдошларимиз ҳам бор.

Имом Тавзий раҳимаҳуллоҳ:

«Ким инсонларга эҳсон қўлини чўзса, унинг сўзи уларнинг орасида мақбул бўлади»,

деган.

Аллоҳ таоло эҳсонларни қабул қилсин!

Тошкент вилояти вакиллиги
Матбуот хизмати

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

“... албатта, намоз мўминларга вақти тайин фарз бўлгандир” (Нисо сураси 103-оят)

2025/1446 ЙИЛ 11 МАРТ СЕШАНБА КУНИ УЧУН НАМОЗ ВАҚТЛАРИ ТАҚВИМИ
(Тошкент шаҳри вақти билан)

⏰ ТОНГ -     05:24
⏰ ҚУЁШ -    06:42
⏰ ПЕШИН - 12:38
⏰ АСР -        16:39
⏰ ШОМ -      18:28
⏰ ХУФТОН -19:41

Улашинг👇
https://t.me/joinchat/AAAAAEGj0hkBXGlopIDbXA

#Ramazon_2025

10 - МАРТ / РАМАЗОННИНГ ЎНИНЧИ КУНИ ДУШАНБА

ИФТОРЛИК: 18:27
⏰ (Тошкент вақти билан)

ИФТОРЛИК (ОҒИЗ ОЧИШ) ДУОСИ:

اَللَّهُمَّ لَكَ صُمْتُ وَ بِكَ آمَنْتُ وَ عَلَيْكَ تَوَكَّلْتُ وَ عَلَى رِزْقِكَ أَفْتَرْتُ، فَغْفِرْلِى مَا قَدَّمْتُ وَ مَا أَخَّرْتُ بِرَحْمَتِكَ يَا أَرْحَمَ الرَّاحِمِينَ

Аллоҳумма лака сумту ва бика аманту ва ъалайка таваккалту ва ъала ризқика афтарту, фағфирли я ғоффарума қоддамту ва ма аххорту.

Маъноси: Эй Аллоҳ, ушбу рўзамни Сен учун тутдим ва Сенга иймон келтирдим ва Сенга таваккал қилдим ва берган ризқинг билан ифтор қилдим. Эй гуноҳларни афв қилувчи Зот, менинг аввалги ва кейинги гуноҳларимни мағфират қилгил.

Яқинларингизга ҳам эслатинг:
https://t.me/joinchat/AAAAAEGj0hkBXGlopIDbXA

“РЎЗА МЕН УЧУН”

Бошқа ибодатларга нисбатан рўзанинг фазилатига Аллоҳ таолонинг “Рўза Мен учундир” деган сўзи кифоя қилади. (Ибн Абдулбарр)

“Ҳикматлар чашмаси”дан

@fitratuz